Wednesday, March 13, 2019

කුසුමාසන දේවිය

කුසුමාසන දේවි ටෙලිනාට්‍ය පෙන්වන වෙලාව වෙනස් කිරීම නිසා මා වැනි බොහෙ දෙනෙකුට එය නැරඹීමට නොහැකි විය. ඓතිහාසික චරිත හා ඉතිහාසගත කර්ණු මෙහි ඉදිරිපත් කිරීමට උත්සාහ කර තිබීම ප්‍රශංසනීය වුවද ඇතැම් චරිත අනවශ්‍ය ලෙස උලුප්පන්ට උත්සාහ කිරීමෙන් පොදුවේ කතාවට හානිය සිදුවී ඇත. එවන් චරිත දෙකක් නම් ධර්මපාල හා කුසුමාසන දේවියයි. ධර්මපාල පෘතුගීසීන්ගේ රූකඩයක් වුවද මෙම කතාවේ ඔහු බලවත් රජෙකි.අනෙක් අතට කුසුමාසන වුවද කතාවේ තිබෙන තරම් ප්‍රබල චරිතයක් නොවේ. ඇය හා විමලධර්ම සූරිය සම රජ පදවි දැරුවානම් රජුගේ මරනයේදී සෙනරත්ට රජකම පැවරෙන්නේ නැත. ඇය ළමා කාලය පරන්ගීන්ගේ රූකඩයක් ලෙසද පසුව සිංහලයන්ගේ රූකඩයක් ලෙස ද දිවි ගෙවූවාය. ඇය ලිංගික සූරාකෑමට ලක් වූ අවාසනාවන්ත කාන්තාවකි. ඇයගේ මරනින් පසු ඇයගේ දියනියන් සමගද විවාහ වූ සෙනරත් වැන්නකු සමග පවුල් කන්නට සිදුවීමම මහ අවාසනාවකි.

අර්බුද සහිත අවදානම් කාලයක කාන්තාවකට රට පාලනය කළ නොහැකිය යන්න බොරුවකි. එවැනි චරිත ඉතිහාසය පුරාම විය. ෆර්ඩිනන්ඩ් හා ඉසබෙලා බලන්න. ඔවුහු අයිබීරියාව මුස්ලිමුන්ගෙන් නිදහස් කරගෙන සම රජ පදවි දැරූහ. ලංකාවේ විහාර මහා දේවියගේ භූමිකාව බලන්න. සෙනෝබියා සෙමිරාමිස් ඇන්ගෝලාවේ නිසින්ගා ,ටොමරිස් රැජින වැනි බොහෝ උදාහරණ ඇත. රජවරු අසාර්ථක වීමෙන් පසු ධජය අතට ගෙන සටන් වැදුනු මෙම ස්ත්‍රීන් හා සැසදීමේදී කුසුමාසන දේවිය වෙනස් චරිතයක් බව පෙනේ.

මා මීට පෙරාසා නොතිබුන එසේම බොහෝ දෙනෙකු අසා නොමැති යයි මා සිතන තවත් පාලිකාවක් ගැන අද අසන්නට ලැබුනි. ඒ මානෑවේ විමලරතන හිමියන්ගේ පොතක් කියවන්නට ලැබීමෙනි. එම කුමරිය මහා මේඝ රත්නපාලි කුමරියයි .ජීවත් වුනේ ක්‍රි ව 5  වන සියවසේය. මෙහි තවත් අපූරු අතුරු කතාවක් වෙයි. මහානාම රජු රැකවරන පතා මානෑවට ගියවිට එහි තිබූ ශක්තිමත් යක්ෂ ගෝත්‍රික බලප්‍රදේශයේ නවාතැන් ගැනීමයි. රත්නපාලි කුමරිය මෙහි ගෝත්‍රික නායකයාගේ දියණියකි.  ඇය විදෙස් ආක්‍රමනිකයන්ද පරදවා ද්වන්ද්ව සටනකට සතුරු සෙනෙවියාට ආරාධනා කර තිබේ.ඉන් ඇය ජයගත්තාය. මෙය එළාර දුටුගැමුනු සටන මෙනි. මෙතරම් අභීත සටන්කාරියක් වූ රත්නපාලි කුමරියගේ නමවත් අපි වැඩි දෙනෙක් අසා නැත. මහානාම රජු රත්නපාලි කුමරිය හා විවාහ වීමට යෝජනා කල විට කුමරිය කීවේ මහා වැවක් සාදන ලෙසයි. යකුන් හා වැව් අතර සබදතාව මෙයින් පෙනේ.

මහසෙන් රජුද මින්නේරි සාදන්නට එම ප්‍රදේශයේ යක්ෂ ගෝත්‍රිකයන්ගෙන් අවසර ඉල්ලා ඇත. ඒ කියන්නෙ යක්ෂ ගෝත්‍රිකයන් මේ යුගය වන විටද බලවත් ගෝත්‍රයක් ලෙස සිටි බවයි. යක්කු මෙනේරි වගා කා අතර රජු යෝජනා කලේ මෙනේරි වෙනුවට වී වගා කල හැකි බවයි. රජු යක්ෂ ගෝතික නායකයාගේ සොයුරිය හා විවාහ වී රජුගේ සොයුරිය යක්ෂ නායකයකුට විවාහ කර දී නෑකමක් ඇතිකරගෙන මින්නේරි වැව සාදන්නට රජුට සිදුවිය. මෙයින් පෙනෙන්නේ පන්ඩුකාභය යුගයේදී ගෝත්‍රස්වීකරනය අවසන් නොවූ බවයි

කාරුණික කාන්තවාක් වූ කුසුමාසන දේවියගේ චරිතය සැබෑ එසින් නිරූපනය කර ඇයට සිදුවූ අසාධාරණය ගැන කතාකලානම් මෙම නිර්මාණය මීට වඩා සාර්ථක වන බව මගේ අදහසයි.මේ කුමරිය තරම් දුක් වින්ද කුමරියක් ලංකා ඉතිහාසයේම නැති බැවිනි.

කෙසේ හෝ ඉන්දියන් මෙගා ජරා ගොඩවල් රජකරන ප්‍රයිම් ටයිම් එකේ මෙවැනි කතාවක් ටික කලක් හෝ විකාශනය කිරීම ජයග්‍රහණයකි. ඒ ගැන දෙරණ නාලිකාවටද ස්තුතිය හිමිවෙයි.එසේම මෙය ලවු ස්ටෝරියක් කර කතාව විනාශ කර නොදැමීම ගැන නම් විශේෂ ස්තුතියක් කල යුතුය. රාවනා වැනි බොරු ගොඩවල් වලින් චූන් වීම නොව මෙවැනි කතාවලින් උසස් වින්දනයක් ලබන යම් පිරිසක් හෝ සිටිති.

Tuesday, March 12, 2019

අපායේ රියැලිටි තරඟය හා විසදන්න බැරි පීඩනය නිට්ටෑවෙන්ම සුවකරන ක්‍රමයක්.

70-77  ආර්ථික ක්‍රමය අසාර්ථක වුනේ බහු පක්ෂ ප්‍රජාතන්ත්‍රවාදී රටක් වූ නිසාය. දකුණු කොරියාව ,චීනය,තායිවානම ,වැනි රටවල මෙම ගැටලුව නොවීය. එක්කෝ එම රටවල් කොමියුනිස්ට් විය නැත්නම් රටට හිතවත් හමුදා ආණ්ඩු විය. මේ නිසා රට ගොඩ නැගෙමින් තිබූ මුල් අවස්ථාවේදී ආව්ස්ථාවාදීන්ට බඩ ඉදිරියට දමා රට රවටන්න බැරි විය. ගිනි පොලියට අරන් කන ,ඒ ණය ගෙවන්න ඊට වඩා ණය ගන්න මුස්පේන්තු රටවල් බවට එම රටවල් පත් නොවීය. 77 දී ආරම්භ වුන ණයට කන සංස්කෘතිය අද වෙනතුරුම පවතී. ණය නොඇම්තිවීම අනන සුඛය ලෙස බුදුන් වහන්සේ දේශනාකලද මුලු රටම ණය ගන්න මානසිකත්වයක සිටිති. මෙහි තවත් ඛේදවාචකයක් නම් ක්ෂුද්‍ර ණය උගුලයි. ණය ගෙවාගන්න බැරිව ගම්වල දුප්පත් කාන්තාවන් සිය දිවිනසාගන්න තත්වයක වැටී ඇත. මේ ක්ෂුද්‍ර ණැය ගන්න කාන්තාවන් බොහෝ විට අඩු අධ්‍යාපන මට්ටම්වල වන අතර ඔවුන් ණය කොන්දේසි ගැන වද වෙන්නේ නැත. ඇත්තෙන්ම මාගල වැනි ගිවිසුම් ලේඛනය කියවන්න කාටවත් වෙලාවක්ද නැත. මේ ඉතා සුලු මුදල් ණයට ගෙන මේ ගෑනු කරන්නේ කුමක්ද .වෙන මොකක්වත් නොවේ කන එකයි.  මේ ජනතාවට මුදල් කළැමනාකරනය ගැන දැනුමක්ද නැත. ණයක් ගන්න විට අනාගත වියහැකි අවදානම් ගැනද සිතිය යුතුය. ධනවාදය තුල සාර්ථක වීම යනු එක්තරා රියැලිටි තරඟයකි. එකෙක් උඩටම යනවිට දහස් ගනනක් නැති බංගස්ථාන වෙයි. අර උඩ ගිය එකා ගැන ධානත්මක චින්තන දේශන වල තලු මරමින් කියවිය හැක. නමුත් ඌට යටවූ අයගේ ජීවිතවල ඛේදවාචක ගැන හඩක් නැත. දියුණු රටවලද ඔය කියන සාර්ථක වූ අය පිටුපස වෙන වෙන කතන්දර ඇත.රජයන්ගෙන් ලැබෙන මහා බදු සහනද ඒ අතර වෙයි. සමජා සම්බන්ධතා ද උපරිම වැදගත්ය. නමුත් කියන්නේ ණයක් ගත්තොත් උත්සාහය තියෙනවානම් කැකිරාවේ නිමල් ටත් බිල් ගේට්ස් කෙනෙක් විය හැකි බවයි.

බ්ලොග් අවකාශයේ අපූරු බ්ලොග් කරුවෙක් විය. ඔහු වෙනස් විදියකට සිතන්නෙකි. ඔහු ජාතිකවාදී මතවලින් පෝෂනය ලැබූවෙකි. ඔහු ප්‍රතිවාදියා ,ලිංගික නිදහස ,පකිස් පෙට්ටිය වැනි බ්ලොග් කීපයක්ම කළේය. ඔහුගේ සින්ඩිය දැනට ඇති සාර්ථකම සින්ඩිය වෙයි. හේ නමින් අජිත් කුමාරය. මා ඔහුව හදුනාගත්තේ සිංහල බුඩිස්ට් නම් වෙබ් අඩවියේ කොමෙන්ට් දමන්නට යාමෙනි. ස්ත්‍රීවාදය ,ජාතික චින්තනය ගැන බොහෝ දේ මා උගත්තේ ඔහුගෙනි. ඔහුගේ ලේඛන හැකියාවද විශිෂ්ටය. තාක්ෂනික දැනුමද සතුටුදයකය. වෘත්තියෙන් ටෙක්නීෂියන් කෙනෙකි. අජිත් කුම්මාර ගැන බ්ලොග් ලෝකයේ කිසිවෙකු නොදනිති. මා මුලින්ම බ්ලොග් අවුරුදු උලෙලකට යාමට සිතා එක් බ්ලොග් කරුවෙකු හමුවීමට ලේක් හවුසියට ගිය විට අජිත් කීවේ තමන් ගැන කිසිවක්ම නොකියන ලෙසයි. මේ අජිත්ට පසුගිය දිනෙක රැකියාව අහිමි විය. ඔහු කොන්දෙ අමාරුවක් නිසා නිවාඩු ගත් අතර දිනක්  සැහැල්ලු වැඩ පවරන ලෙස ඉල්ලා සිටියේය. පාලනාධිකාරියෙන් ලැබුනේ අපූරු උත්තරයකි. මේක ඉස්පිරිතාලයක් නෙමේ. ඔයා නවතින්න ,ඔයා වෙනුවට වෙන කෙනෙක් ගන්නව "කියායි. කම්කරු සහන මොනවා තිබුනත් පෞද්ගලික අංශයේ රැකියාවලින් මෙසේ එලියට යන අය මේ සහන පසුපස යන්නෙත් නැත. ඒවාට රස්තියාදු වෙන්න ගියොත් කන්න හම්බවෙන්නෙ නැත. ධනවාදයේ උත්කර්ෂයට නංවන පෞද්ගලික අංශයේ කතාව මෙයයි.

මොනවා කළත් අන්තිමට නතරවෙන්න වෙන්නෙ නිෂ්පාදන ආර්ථිකයකය. එය රටක් ලෙස මෙන්ම පුද්ගලිකවද අනුගමනය කළ යුත්තකි.ධනවාදයේ පරිභෝජන සබන් බුබුල භයානක මිත්‍යාවකට එහා දෙයක් නොවේ.

නූතනවාදයේ එක ලක්ෂනයක් නම් මෙම පිරමිඩාකාර ඉහල නැගීමයි. පිරමිඩයේ මුදුනේ ධජය එසෙව්වත් පහල ඇත්තේ ඛේදවාචකයකි. නරකාදියේ මුදුනේ ධජය එසවීමේ ඊනියා ධනාත්මක චින්තනයක් වෙයි.
මෙසේ නූතනවාදය තුල එකිනෙකා අරගලයක නියැලෙන විට අනිවාර්ය ප්‍රතිඵලය සමාජ ආර්ථික හා අධ්‍යාත්මික අර්බුදයයි. මෙම අර්බුදය ඇත්තේ සිටම් එකේය. ඒත් ඒක බැලූ බැල්මට නොපෙනේ. මේ නිසා තනි පුද්ගලයාගේ අරගලය තිබියදීම ක්‍රමයේ පැවැත්මට තවත් උපරි අරගලයක් අවශ්‍ය වෙයි. මෙම උපරි අරගලය සිදුකිරීමේදී ඊනියා පීඩිතයෙක් හා එම පීඩිතයාගේ කවදාවත් නොවිසදෙන අරගලය නිර්මාණය කෙරේ. ඒ අනුව ප්‍රශ්නයට හේතුව සිස්ටම් එක නොව තමන්ගෙ අනෙකාය/ස්වාභාවික සතුරාය.

කොන්ඩෙ ක්‍රේල් එකක් හා කොන්ඩෙ දිගට වැවෙන එකෙක් එක බත් පත බෙදාගනිමින් එක මල්ලෙ ලුනු කමින් සිටියාය කියමු. කොන්ඩෙ ක්‍රේල් එකාට ඔහු ගේ පීඩනය ගැන දැනුවත් කළ යුතුය. ඔහුගේ ප්‍රශ්නවලට හේතුව කොන්ඩෙ දිගට වැවෙන අනෙකාය. කොන්ඩෙ ක්‍රේල් එකා වහල් භාවයෙන් මුදාගත් පසු ඔහුට අනෙකා සමග නිරන්තර අරගලයක යෙදිය හැක. මේ උදාහරණයකි.

නූතනවාදයේ එක් මුඛ්‍ය ලක්ෂණයක් නම් කිසිදා නොසන්සිදෙන පිපාසයකින් යුත් පීඩිතයෙක් සිටීමයි. මේ පීඩිතයාට තිබෙන සදාතනික ගැටලුව විසදීම නම් වූ කවදාවත් කරන්න බැරි ඉවරයක් නැති කාර්යයයේ නියුක්තවීමට නූතනවාදී සමජයට සිදුවේ. පීඩනය යන්න සාපේක්ෂ වුවද සාපේක්ශ සංකල්ප නුහුරු නූතනවාදේ සිටින්නේ ගල් ගැසුන පීඩිතයෙකි. පීඩිතයාගේ අනෙකා ඩයිනසෝරයන් නෂ්ට වුනලෙස මිහිමතින් අතුරුදන්වනතුරුම පීඩිතයාගේ ප්‍රශ්නය පවතී.

මෙයින් අදහස් කෙරෙන්නේ පීඩිතයෙක් නැත කියා නොවේ. පීඩනය රාමුවට සාපේක්ෂ බවයි. දරුණු ලෙසම පීඩනය විද්‍යාමාන වන ආර්ථික අසමානතාවය ගැන බටහිර නූතනවාදය නිහඩය. බටහිර නූතනවාදය තුල හදුනාගන්න ජනප්ප්‍රිය පීඩිතයෙකි කාන්තාව.තවත් ජනප්‍රිය පීඩිතයන් අතර  සුලු ජාතීන් ,ඒඩ්ස් රෝගීන් ,සමරිසියන් ද වෙයි. පීඩිතයන්ට විශේෂ සැලකිලි දක්වන්න යාමෙන් ප්‍රශ්න අවුල් වෙයි. පීඩනය සාපේක්ෂ බව වටහා ගෙන පීඩනය ඇතිවෙන රාමුව වෙනස් කිරීම කළ යුතුය. බොහෝ විට මෙම පීඩනය අතිශයෝක්තියෙන් සිදුවන්නකි. සමාන්තර විශ්වයේ එකෝමත් එක රටක කෝච්චි පෙට්ටි වැඩිනොකර තියෙන කෝච්චි පෙට්ටි කාන්තා පිරිමි ලෙස වෙන කලා කියා මා කතන්දරයක අසා ඇත,. පිරිමි මිතුරන් සමග පාටි දමමින් ,අල්ලාප සල්ලාපයේ යෙදෙමින් ,සින්දු කියමින් යන කාන්තාවන් මෙම පෙට්ටියේ යන්නේ නැත. ඒ නිසා කාන්තා පෙට්ටිය හිස්ය. අනෙක් පෙට්ටිවල වෙනදා නොතිබුන මහා තදබදයකි. 

දෙවන ලෝක සංග්‍රාමයෙන් පසු බටහිර සමාජය පුද්ගලවාදී විය. මේ තුල එකෙකුට සෙසු සමස්තයට එරෙහිව අයිතිවාසිකම් දිනාගැනීමි අනවරත අරගලයක් වෙයි.මේ අරගලය තුල මහා අධිරාජ්‍ය බිහිකල සුදු ක්‍රිස්තියානි පිරිමියා ප්‍රතිගාමියෙක් වෙයි.ඇමරිකාවේ පසුගිය ජනාධිපතිවරනයේදී මෙම විසංවාදය කරලියට ආවේය. බටහිරලෝකය සෙසු ලෝකය මත අණසක පතුරුවන්නේ ජාතිකත්වය මත නිසා මෙහි විසංවාදයක් වෙයි. 

මොකක්දෝ බටහිර එන්ජීඕ එකකින් කළ සමීක්ෂනයකදී ලංකාවේ පිරිමින් තුන්දෙනෙකුගෙන් එක්කෙනෙක් ස්ත්‍රී දූෂනයක යෙදී  තිබෙන අබව් කීවාලු. හැම තත්පරයකටම ස්ත්‍රී දූෂන සිය ගනනක් සිදුවන වාලු. කාන්තාවකට පාරෙ බැස මීටර් දෙක තුනකට වඩා යනන් බැරි තත්වයක් . මේ එන්ජීඕ වලට අනුවය. රාජ්‍ය නොවන සංවිධන වලට මුදල් පොම්ප කරන විදේශීය සංවිධානවලට යෝජනාවක් කරනු කැමැත්තෙමි. තුන්වන ලෝකයේ රටවල තත්වය ඉතා භයානකය. බටාහිර නොවන රටවල් කොටින්ගේ සර්පයන්ගේ භූමිය. එම රටවල ම්ලේච්ඡයෝ විගසක් එක තැන් නොසිට කාන්තවාන් සුලු ජාතීන් ආදීහු පීඩාවට පත් කරති. එකම විසදුම මෙම පීඩිතයන්ට ඔබලාගේ රටවල පුරවැසිකම දීමයි. විශේෂයෙන් කාන්තාවන්ට පුරවැසිකම දීම නම් ඉතා හොදයි. එසේ යන කාන්තාවන්ට තම පවුලේ සෙසු සාමාජිකයන්ද සමග ඔබ රටවල ජීවත් වීමට ඉඩ ලබා දෙන්න. පවුල් පිටින් බාරගන්නා ලෙස ඉලා සිටිමු. මෙසි ඉල්ලන්නේ බටහිර නොවන රටවල පීඩනය ඉතා දරුණු නිසාය. එය වචනයෙන් විස්තර කරන්නට බැරි තරම්ම භයානකය. සිටිසන් ශිප් දීමෙන් ප්‍රශ්නය නිට්ටාවටම සුව වේ. ඔබ සැමට නිට්ටෑවන්ගේම සරණයි.

Monday, March 11, 2019

කතන්දර ගොඩක් කෙටියෙන් - බිබිලෙ දොඩම් ,ගුරුවරුන්ගෙ ගැහිලි , දේශීය නිෂ්පාදනවල ස්වර්ණමය යුගය , මරණ දඩුවම , පීඩිතයාගේ කටු ඔටුන්න හා තවත් කතා

කම්මැලි නිසා පෝස්ට් ගනනාවක්ම මඟහැරී ගියේය. පෝස්ට් එකක් දානවාම කියා සිතාගෙන පරිඝනකය ලගට ආවත් මේ මොන නිෂ්ඵල වැඩක්දැයි සිතා නිකම් සිටි වාර බොහෝය. අප දකින ලෝකය නිවැරදිමද කියා අපට නිසැකබවක් නැති විටක යමක් ලියන්නට පෙර කිහිපවරක්ම සිතන්නට පෙඇළබේ.

මා තුල තදින්ම මුල්බැසගෙන තිබූ විශ්වාසයක්නම් බිබිලෙ දොඩම් විජාතික කුමන්ත්‍රනයක් මගින් විනාශකළ බවයි. එක් ගුරුවරයෙකු කාලච්ඡේදයක්ම ගෙන මේ ගැන කතා කළ හැටි මතකය. එහෙත් ඉකොනොමැට්ටාගේ ලිපියක් කියවීමෙන් මගේ එම අදහස වෙනස් විය. ලංකාව දොඩම් නිෂ්පාදනයේ ලෝක දැවැන්තයෙකු නොවූ බව සංඛ්‍යාලේඛන සහිතවම ඔහු පෙන්වා දුනි. ඇත්තෙන්ම බ්ලොග් වල එක් ප්‍රයෝජනයක් මෙයයි. මුද්‍රිත හා විද්‍යුත් මාධ්‍යැවල නො කියවෙන  විකල්ප අදහස අපට දැනගැනීමටත් අපේ සිත් පිරිසිදුකර ගැනීමටත් අවස්ථාව ලැබේ. ඉකොනොමැට්ටාගේ බ්ලොගය යනු නිවාඩු දමා හෝ මුල සිට අගට කියෙව්වාට පාඩු නැති බ්ලොගයකි.

ගුරුවරුන් ලමයින්ට දඩුවම් කිරීම ගැනද සංවාදයක් ඇතිවිය. ඒ ගැන ඇතිවුන සංවාදයකදී ද මට කට උත්තර නැති විය. ඇත්තෙන්ම පාසලේ ලමයින් වෙනත් ලමයින්ගෙන් ආරක්ෂාකර ගැනීමේ වගකීමද ගුරුවරයා සතුය. ඒ නිසා යම් බය ගැන්වීමක් තිබිය යුතුය. ලංකාවේ ලමයින්ට බටහිර දියුනු රටවල ලමයින්ට සලකන ලෙස සැලකිය යුතු නැත. නමුත් තමන්ගෙ පුද්ගලික පන්තියට නො එන ලමයින්ට හිරිහැර කිරීම හා තම තමන්ගේ මානසික ඇරියස් ලමයි තුලින් යවන අවස්ථා ද වෙයි. එක පැත්තකට බරව සිතන්නට බැරිය. අවස්ථාවට සාපේක්ෂය.

මරණ දඩුවම ගැන කතිකාවද එසේය. ධර්මසිරි ගමගේ මහතා ඉතා හැඟීම්බරව සිළුමිනේ ලිපිපෙලක් පල කළේය. ඒවා කියවීමෙන් මරන දඩුවම් විරෝධියෙක් වීමි. නමුත් එකල මෙම දඩුවම් ලැබූවන් කළ අපරාධ ගැන හොයල බලන විට ඔවුන් මිහිපිට නොතැබිය යුත්තන් බව පෙනේ. එයද අවස්ථාවට සාපේක්ශය.

සිරිමාවෝ මැතිණිය ගේ 70-77 යුගය බොහෝ විවාදිතය. ඒ ගැන අපූරු පෝස්ටුවක් වයිරල් වෙයි. එම යුගයේ දේශීය නිෂ්පාදනවල ස්වර්ණමය යුගයකි. නමුත් එම නිෂ්පාදනවල කොලිටිය අවුල් බව කියති. ඕනෑම නිෂ්පාදනයක ආරම්භයේදී කොලිටිය අවුල් විය හැක. ඕනෑම දියුණු රටක නිෂ්පාදන වල ආරම්භය කොලිටිය මුල් කාලෙ ඒ තරම් නොවීය. කොලිටිය හොද වුනේ කාලයක් යානවිටය. එය අත්දැකීම් තුලින් නිෂ්පාදකයා ලබන්නකි. නිෂ්පාදනය ක්‍රමිකව පරිනාමික විය යුතුය. යුගයට ඉදිරියෙන් සිටි ගැහැණිය ලෙස හැදින්විය හැකි සිරිමා මැතිණියගේ ක්‍රමය 77 දී වෙනස් කළ ජේ ආර්ට ටද දොස් කියන්නට බැරිය. මන්ද ලංකාවේ ජනයා ට එවැනි ඉවසීමක් පරිචයක් නැති නිසාය. 70-77 යුගය දිගටම තිබුනානම් ලංකාව තවත් ජපානයක් චීනයක් වීමට ඉඩ තිබිණි. එම යුගයේ ලොකුම අවුල හැම එකාම කට්ට නොකෑමයි. පොඩි මිනිහා පමනක් කට්ට කෑ බව පෙනේ. ඒත් එකල ජනයා අධි වියදම් ජීවන රටාවේ පීඩනයෙන් එකල ජනයා නිදහස් ව සිටියහ. අද සියබල කරලද පිටරටින් ගෙන්වයි. කෙසේ වෙතත් මානව හිමිකම් හා ප්‍රජාතන්ත්‍රවාදය අතින් සිරිමාවෝ යුගය නරකම කාලයකි. එය දෙවැනි වන්නේ ජේ ආර් ගේ යුගයටම පමනි. ජේ ආර් රට විවෘත කිරීම රටේ මිනිසුන්ගේ හැටියට එය ඉතාම සුදුසුය.එයින් නැති සල්ලි ( විදේශ ආයෝජන ) ලැබේ. ඉන්දියාවේ නරසින්හ රාවෝ හා චීනයේ ඩෙන් සියාවෝ පින් පසු කලෙක කලේද ජේ ආර් කල දේය. නමුත් ඒ රටවල් රට විවෘත කලේ දේශීය නිෂ්පාදකයා රැකගනිමිනි.දේශීය නිශ්පාදන රකිමින් නැති සල්ලිත් ගෙනාවෝය. අපි කොයි වැඩෙත් කරන්නේ රුයිතෙටය.

කෝච්චි පෙට්ටි සිදුවීමක් ගැන කෝච්චි මගියෙක් පිරිමිකමක් ගෑන්ද කතා කළේය. එවැනි වීඩියෝවක්ද ෆේස් බුකියේ විය.මගේ මතයනම් පිරිමිකම යනු ලිංගිකත්වය හුවා දැක්වීමකි. එය කිසිසේත්ම විෂේෂත්වයක් ලැබීමට හේතුවක් නොවේ. පිරිමි සිතන්නේ තමන් බලවතුන් කියාය. අනුන් ආරක්ෂා කිරීමට වරම් ලැබූවන් කියාය. එහෙත් වර්තමාන ලෝක සමාජ ආර්ථික දේශපාලන පරිසරයේ ,නිලබල ක්‍රමය තුල පිරිමියාද පීඩිතයෙකි. පීඩිතයා කටු ඔටුන්නක් දාගෙන තමන් බලවතෙක් යැයි සිතන්නට ගියොත් අවුල්ය.

ධ්‍රැවීකරනය නොවී හැකිතාක් කේන්ද්‍රයට ආසන්න වෙමින් සමබරව සිතන්නට පුරුදුවීම අභියෝගයකි. එහෙත් එම අභියෝගය ජයගන්නා තරමට අපට අගතීන්ගෙන් මිදීමට හැකිවේ. ප්‍රතිඵලයේ මිස අන්තර්ගතයේ වටිනාමකක් නැත. සත්‍ය මායාවට වඩා අතාත්වික හා විකාරරූපී විය හැක.අප දකින අසන දේ ම නිවැරදි නැති නිසා සත්‍යාසන්න මානයකට ලගාවෙන තුරු උපේක්ශා වීම හොදය.

ශ්‍රී පාදය සිවනෝලිපාදම් කරන්නට පිරිසක් උත්සාහ කරන්නේය යන්න පසුගිය කාලෙ තිබුන තවත් ඝෝශාවකි.  අපි සිරීපාදෙ කියන එකට උන් මොනව කියාගත්තහම අපට පාන්ද. ශ්‍රීපාදය වුනත් සිවනෝලිපාදම් වුනත් ඇඩම්ස් පීක් වුනත් මට නම් කෝකත් එකය.
සාමාන්‍යයෙන් දේශපාලකයෙක් කීයටවත් නොකියන කතාවක් එස් බී ඇමතිතුමා කීවේය. අපට වුනත් අප ජීවත්වන පරිසරයේ කට ඇර කියන්න බැරි කතාවකි. මමද සතුන් මැරීමට ඊටත් වඩා සතුන්ට හිංසා කිරීමට තදබල ලෙසම විරුද්ධ වෙමි. නමුත් මම කර්මාන්තෙටම  නැතත් ඉදහිට හෝ මස් කමි. මට හරකාගේ විශේෂත්වයක්ද නැත. එහෙත් මේ කතාව මටද ප්‍රසිද්ධියේ කිව නොහැක.හරිම අමුතු කතාවකි. නමුත් කතාව ඇත්තය. රිලවු ගෙඩි දෙක තුනක් කන්නට ගෙඩි සීයක් බිම දමති. උන් කරන්නෙ පුදුම අසානාසියකි. මුන් පරිණෑමය වෙලා නැත්තෙත් මුන්ගෙ මේ කඩප්පුලි වැඩ නිසාය. 

ගවපාලනය ගොවීන් නොපෙළඹෙන එක හේතුවක් වයසට ගිය දෙනුන් හා පිරිමි සතුන්ට කරන්න දෙයක් නැති කමය. කිරි නිෂ්පාදනය වැඩිකරන්නට නම් සමාන්තරව ගවයන් විකිනීමේ පහසුකම්ද තිබිය යුතුය.

ආනයනික කිරිපිටි දැන් වෙළදපොලේ වේළෙයි.පිටිකිරි බීමද සුද්දා පුරුදුකල දෙයක් මිස ඇති වැඩක් නැත, මෙතන ඇත්තේ සික් එකකි. කිරිබොන වෙලාවට  ටී එක නැත්නම් එතන අඩුවක් දැණේ.කිරිවලට වඩා කැද හොදය. කිරි පමනක් නොව පලතුරු .දේශීය එලවලු පවා වස විස නැතැයි සහතික දීමට නම් බැරිය. හොදම දේ වත්තෙ වැවෙන දෙයක් කඩාගෙන උයා කන එකය.

අලි මදිවට හරික් කියන්නාක් මෙන් නිට්ටෑවෝද කරලියට ආවේය. පුදුමය නම් පිටසක්වල ජීවීන් මෙන් නිට්ටෑවන්ද දුටු අය හමුවීමයි. නිට්ටෑවෝද සතියක් දෙකක් කතා කරන්නට හොද මාතෘකාවකි. නිට්ටෑවන් එන නිසා ගෙවල් දොරවල් වසා නිදාගත යුතුය. රෑට විහිලුවටවත් එලියට නොබසින එක හොදය. නිට්ටෑවන් පිටුපප්ස මොන සත්තු සිටීදැයි කවුරු දනීද. නිට්ටෑවන් මතුවන්නේ පුරාවස්තු තිබෙන තැන්වල කියාද යූටියුබ් වීඩියෝවක් දුටුවෙමි.  තව දහසකුත් එකක් කඩප්පුලිකම් කරන්නන්ට නිටෑවන් ආවරනය දෙනවාද විය හැක.


පහුගිය කාලෙ අපි කතා පොජ්ජ දමන්නට මන්දු වුන කාරනා ඔහොමය.