Saturday, January 26, 2019

ගින්නෙන් උපන් සීතල



ගින්නෙන් උපන් සීතල නමින් තිරගත වූ විජේවීර ගැන සිනමා සිතුවම මමද බැලුවෙමි. ඇත්තෙන්ම මා චිත්‍රපටයක් බැලුවේ සෑහෙන කලකට පසුවයි. මීට පෙර මා බැලුවේ ගුරුගෙදර චිත්‍රපටයයි. ගින්නෙන් උපන් සීතල බලන්නට මම පුලපුලා සිටියෙමි. ඇත්තෙන්ම මට සිනමා ශාලාවද ප්‍රවේශ පත්‍රයක මිලද ආගන්තුක විය. මා සමග ටිකට් ගත් දෙතුන් දෙනාටද එසේම ආග්න්තුක වීමෙන් මෙම සිනමා සිත්තම සාමාන්‍යයෙන් චිත්‍රපට නොබලන යම් පිරිසක් සිනමා ශාලා වලට ආකර්ශනයකරගත් බව පෙනුනි.

විජෙවීර යනු මෙරට පහලවූ අති සුවීශේෂයෙකි. ඔහු සමාජය වෙනස් කිරීමට උත්සාහ කළේය. එසේ සිතීමම ශ්‍රේෂටත්වයකි.ඔහු දේශප්‍රේමියෙක් විය. වළගම්බා රජුට එරෙහිව නැගීසිටි තීය නම් බමුනාගේ සිට විජේවීර දක්වා වූ කැරලි ඉතිහාසයේ විජේවීර විශිෂ්ට වන්නේ ඔහු ලංකාවේ වැඩිම බිම් ප්‍රමාණයක අනසක පැතිරීමෙනි. උතුර නැගෙනහිර හැර මුලු ලංකාවේම ඔහුගේ ව්‍යාපාරය වනස්පතියක් විය.

1971 කැරැල්ල ගැසූ වකවානුව කැරලිවලට හොද වටපිටාවක් විය. එසේම එම කැරැල්ලට එක්වූ අයද සමාජයට ඉදිරියෙන් සිටි සමුද්ධික පිරිසකි. පොලීසිවලට පහර දී බලය ඇල්ලීම වර්තමානයේ විහිලුවක් වුවද එකල එය ප්‍රායෝගික විය. හමුදාව ඉතා කුඩා පිරිස් බලයක් සහිත විය. එහෙත් බාහිර ආධාරයක් නොලැබෙන පසුබිමක හැකි ඉක්මනින් බලය අල්ලා  ගත යුතු විය. රජයේ සහායට ඉන්දියාව එන එක අනිවාර්ය නිසාය. 

ජවිපෙට පුලුල් ජනතා සහයෝගයක් කිසිදාක නොවීය. රටේ බහුතරය සම්ප්‍රදායික පක්ෂවල ප්‍රවේණි දාසයෝය. මේ නිසා මෙවැනි පසුබිමක කැරලිකරුවන් හුදකලා  වීම වැළැක්විය නොහැක.89 කැරැල්ලේදී ඉතා බලවත් හමුදා යාන්ත්‍රනයක් සමග  ගැටීමට ජවිපෙ තීරනය කිරීම පුදුමයකි. තම සටන රජය සමග මිස හමුදාව සමග නොවේය කීවත් එය විකාර අදහසකි. හමුදා  පිරිස් කැරලිකරුවන් හා එකතුවීම සිදුවන්නේ අති සුවිශේෂී අවස්ථාවකදීය. ඒත් අති සුවිශේෂී සංදර්භයන් තුලය. උදාහරණයකට ගඩාෆිගේ ගෝත්‍රයට විරුද්ධ ගෝත්‍රික පිරිස් කැරලි ඇතිවීමත් සමග කැරලිකරුවන් හා එක්විය. සිරියාවේ අලවයිට් නොවන ගෝත්‍රිකයෝද එසේකළහ. රුසියාවේ සිදුවුනේ සාර්ට එරෙහි ප්‍රභූ විප්ලවයකි ප්‍රංශයේ මෙන් . ඒ ගැන මෙතන කතා කළ නොහැක. කියුබාවේ සිදුවුනේ ගොඩනැගෙමින් පැවති හමුදාවකට එරෙහි සටනකි. ලංකාවේ තත්වය හාත්පසින්ම වෙනස්ය.

චිත්‍රපටය තුල විජේවීරගේ කතාව ඔහුගේ කැරිස්මාව නිසිලෙස නිරූපනය වීද. හැමෝම කියන පරිදි නලු නිලියන්ගේ රඟපෑම විශිෂ්ටය. එහෙත් මා නම් දුටුවේ විජේවීර හැංගි හැංගි ජීවත්වෙමින් පවුල් කන ආදරණීය සැමියෙක්  ලෙසයි. ඔහු කැරලි නායකයෙකුට වඩා ආදරණීය පියෙකි.ඔහු ලෙජන්ඩ් එකක් වුවද ඔහු ඇත්තටම එහෙම තත්වයකට සුදුසු කෙනෙක් නොවනවාද විය හැක. එහෙත් මීට වඩානම් ඔහුගේ චරිතය ප්‍රබල වන්නට ඇතැයි මට සිතේ.ඔහුගේ කැරිස්මාව කැපී පෙනුනා මදි බව මගේ හැඟීමයි.71 කොටස් නොදැමීම ගැන නම් දොස් කියනනට බැරිය .එසේ වුනොත් චිත්‍රපටය අනවශ්‍ය ලෙස දීර්ඝ වේ



තමන්අ කමැති විවාහයක් තමන් වෙත පැටවූ පසු වික්‍රමාන්විතව ඊට මුහුණ දෙමින් නුහුරු ජීවන් රටවකට ය්මුවී එයද එයද ජයගත් විජේවීර මැතිණියද ප්‍රේක්ෂකයාගේ හෞරවයට පාත්‍ර වේ.


.කෙසේ හෝ සිංහල සිනමාවට පෑයූ උදා ඉරක් වන් මේ චිත්‍රපටය එහි නිර්මාතෲන් සැමටම ගෞරවය ගෙන එන්නකි.

Friday, January 11, 2019

මේ රටේ ජනයාට බුද්ධි බලය ලැබෙන ගුරුකමක් මන්ත්‍රයක් හෝ ගොලුබෙලිකට්ටක් නැද්ද



බිමල් රත්නායක මන්ත්‍රීතුමා අපූරු කතාවක් කර තිබේ. ඒ කලු මාධ්‍ය ගැනය. ඇත්තටම මේ රටට අවශ්‍ය බිමල් රත්නායකලාය. ඔහු මිත්‍යාන්ධකාරයෙන් ගැලවුන දේශපාලනඥයෙක් බව පෙනෙන බැවිනි. ඔහු ගොලුබෙල්ලන්ගේ කටුව කොයි පැත්තට කරකුනත් එහි බලයක් නැති බව නොබියව කියයි. 

ඇත්තටම මෙරට මාධ්‍ය රැසක්ම මිත්‍යාව වපුරයි .ඇත්තෙන්ම ඒ වපුරන්නේ අතිශය නින්දිත ලෙසය. මම මේ කිසිවක් නොබලන නමුත් දිනක් අහම්බෙන් අසන්නට ලැබුනි. ඒ ව්‍යාපාරික ස්ථානයක් අසලදී එම ආයතනයේ දමා තිබූ ටී වී චැනලයකිනි. එක් ගැහැනියක් එම වැඩසටහානේ පෙනී සිටි තක්කඩියාට තම දුක කියයි. තක්කඩියා කියන්නේ එම ගැහැණියගේ හැම ප්‍රශ්නයකටාම් හේතුව කාමරයේ ගෘහභාණ්ඩ තබා ඇති දිශාවද අරකද මේකද මගුලකි. මේ රටේ මිනිසුන් මේ තර්ම් මෝඩද කියා සිතා මම කම්පාවට පත් වීමි.මට ඇත්තෙන්ම ඒ වැඩසටහන අහන් ඉන්න බැරි තරම් අප්පිරියාවක් ඇති විය.

මිත්‍යාවට සරු පසක් වූ යුගය අවසන් වුනේ එක් මිත්‍යා පතාක යෝධයෙක් වූ තක්කඩියෙක් ද බිම දමාගෙනය. මේ තක්කඩියා සෞරග්‍රහ මණ්ඩලය ගැන ඉතා සරල දේවත් නොදැන සිටි බව මාධ්‍ය සාකච්ඡාවකදී හෙලි විය.

යම් දේශපාලනඥයෙකු ,ගායකයෙකු නළුවෙකු හෝ මොනයම්ම හෝ සාර්ථක පුද්ගලයෙක් තවත් සාර්ථක වීමට ගොලුබෙලිකට්ටක් ලබාගනී . එතැන් පටන් අර කී තැනැත්තා සිතන්නේ තම සාර්ථකත්වයේ රහස ගොලුබෙලිකට්ට බවයි.

තම ප්‍රශ්න විසදාගැනීමට ප්‍රශ්නය කොල කෑල්ලක ලියා එය පාන් ගෙඩියකට දමා ඩස්බින් එකකට දමන ලෙස ද උපදෙසක් දුන් වීඩියෝවක් මා දැක ඇත. ඒ වෙන තක්කඩියෙකි.  මේ රටේ ජනතාවද පබාට චන්දෙ දුන් ජාතියක් බැවිනි ඔවුන්ගේ බුද්ධිය වැඩි කිරීමට පාන් ගෙඩියේ ගුරුකමද නරක නැත.

චන්ද්‍රයාගේ හා අගහරුගේ ජනාවාස හදන යුගයකි. අපි අරහන් බුදු ගුනෙන් මගේ කුජගෙ අපල දුරුවේවායි කියමින් ගස් වටේ යමු.පොත් කටපාඩම් කිරීමට කොට්ටෙ යට තබා මන්ත්‍ර ජපකිරීම හා දෙවිවරු යහලු කරගැනීමේ ගුරුකම්ද ඉගැන්වෙයි. මේ වර්ක්ෂොප් කරන තැන්වල මෝඩයන් පිරී ඉතිරී ඇත. 

මෝඩයන් වැඩිවන තරමට තක්කඩියන් මහා ධනස්කන්ධයන් රැස්කර ගනිති. මේ රටේ ජනතාවට බුද්ධි බලය ලැබෙන ගුරුකමක් නැද්ද ?