ඉන්දුනිම්නය ගොඩනැගූ සැබෑ රාවණාවරු කවුද

1922 දී පමණ මොහෙන්ජොදාරෝ හරප්පා කැණීම් වලින් සොයාගත් දේවල් ඉන්දියානු ඉතිහාසය මතුනොව බොහෝ විශ්වාසයන් උඩුයටිකුරු කළේය. ඉන්දු නිමනයේ පැවති ඉතා දියුණු නාගරික සභ්‍යත්වය විශ්මය ජනක විය. ඔවුන්ගේ ජලාපවාහනය මාර්ග පද්ධති අපජලය බැහැර කිරීම් එම යුගයට ඉදිරියෙන් විය .. එසේම මේ නගර ඉතා විශාල වීමත් විශාල ජනගහනයක් ජීවත් වීමත් නිසා සමකාලීන කුඩා පුරයන්ට වඩා වෙනස් විය. ඌර් අක්කඩ් හෝ ඇතන්ස් ,ස්පාටා ,තීබ්ස් වැනි පුර වල සැකැස්ම ඉන්දුනිම්නයට වඩා බොහෝ කුඩා හා නොදියුණු විය. එසේම මේ වනවිට සොයාගෙන ඇති තොරතුරුවලට අනුව මෙම නගර ශිෂ්ටාචාරය හර්යානා පන්ජාබ් ප්‍රදේශවලටත් දකුණින් කර්නාටක ප්‍රාන්තය දක්වාත් විහිදේ.

ඩී එන් ඒ තාක්ෂනය දියුණුවීමත් සමග මේ ශිෂ්ටාහාරය බිහිකළේ කවුද යන පැනයට පිළිතුරක් ලැබෙන සෙයක් දිස්වේ. ඔවු පුදුමයි ඒත් ඇත්තයි හර්යානා ප්ප්‍රදේශයේ රාඛගිරි ප්‍රදේශයෙන් හමුවී ඇති සැකිල්ලක ඩී එන් ඒ වලට අනුව ඔවුන් ස්ටෙප්ස් සිට ආ අශ්වාරෝහකයන්ට නෑදෑකමක් නොදක්වයි. ඒ කියන්නේ ඉන්දියාවේ සංස්කෘත බ්‍රාහ්මණයන්ට සමාන නැත. ඔවුන් වඩාත් සමාන නිල්ගිරි කදුකරයේ සිටින ප්‍රාථමික වැද්දන්ටය.නිල්ගිරි කදුකරයේ අරුලා ගෝත්‍රිකයන්ටය.

සමහර විට ඉන්දු නිම්නය යනු තුර්කිය දක්වාත් දකුනින් ඇතැම්විට ඊජ්ප්තුව දක්වාත් දිවෙන මහා පෞර සභ්‍යත්වයකි. ඇනටෝලියාවේ හමුවී ඇති අතහැර දැමූ නගරද හරප්පා නගරවලට බොහෝ සමානය. බාගවිට ඊජිප්තුවේ පිරමීඩද මොවුන් ගේ විය හැක.මධ්‍යධරණී මුහුදේ සිට කාවේරි නදිය දක්වාම දිවුන දැවැන්ත සංස්කෘතික වපසරියක් විය හැක. මන්ද ඉදිකිරීම් තාක්ෂණය අතින් ඒවනවිට මොවුන් කප් ගසා සිටි බැවිනි. එසේනම් කුමන හේතුවක් නිසා හෝ පස්සෙන් පස්සට ආ ගමන නතරවුනේ නිල්ගිරි කදුකරයෙන්ද ?

වේදයේ ඉන්ද්‍ර යනු පුරන්දර ලෙස හදුන්වන්නෙකි. එනම් පුර වනසන්නෙකි. ආර්යයයෝ පුර වලට නොව ගම්වලට රුචිවූහ. ලංකාවේද යක්ෂ ගෝත්‍රිකයන් සම්බන්ධව සිරසවත්ථු පුරයක් ගැන කියවේ. කෙසේ හෝ එක් දෙයක් පැහැදිලිය . මේ මිනිසුන් කලු මිනිසුන්ය.

එහෙත් මේ සා යෝධ සභ්‍යත්වයක්   නැගූවන් මෙච්චරම පහලට වැටෙයිද අඩුගානෙ තම ඉතිහාසය ගැන මුඛ පරම්පරා කතාවත් ඔවුන්ට නැද්ද ? 

කෙසේ හෝ විද්‍යාවට බොරුකළ නොහැක. මහා දේශපාලාන් අලකලංචිවලට මගපෑදෙන ආන්දෝලනාත්මක සොයාගැනීමක් කළ පුරාවිද්‍යාඥ ආචාර්ය වසන්ත් ශින්ඩෙ මහතාට අපගේ ගෞරව පූර්වක ස්තුතිය හිමිවෙයි.

සීමන් කොරෙයා, පරංගි යුගයේ ලංකාවේ සිටි භයානකම මිනිහා

මේ නම අසා ඇති අයට වඩා අසා නැති අය වැඩිය. මේ දිනවල ප්‍රචාරය වන කුසුමාසන දේවි ටෙලි නාට්‍යයේ කොරෙයා කෙනෙක් සිටී. මෙම නාට්‍යයේ නම් ගම් ආවට ගියාට දැමූ ඒවා නොවේ. ඒ හැම නමක්ම ඓතිහාසික වැදගත්කමක් දරයි. ධර්මපාල සමග දෙබස් වල සිටින කොරෙයා දොමින්ගු කොරෙයා හෝ සීමන් කොරෙයා විය හැක. පෘතුගීසීන් වෙනුවෙන් අවංකව සටන් කල ස්වදේශිය සෙනෙවියන් දෙදෙනෙක් හමුවේ. එකෙක් සමරකෝම් මුදලි ය අනෙකා සීමන් කොරෙයා ය. සීමන් ගේ සොහොයුරු දොමින්ගු ද  රණශූරයෙකි. ඔහුද පෘතුගීසීන් යටතේ සේවය කළේය. එහෙත් ඔහු පෘතුගීසීන්ට එරෙහිව කැරැල්ලක් ගැසීය. අසවේදු සමග සටනකින් පැරදී පළායන දොමින්ගු මැහැල්ලකගේ නිවසේ නතර විය. තමන් කවුදැ‍යි දොමින්ගු මැහැල්ලට පැවසීය. පෘතුගීසීන්ගෙන් තෑගි ලබාගන්නට මැහැල්ල දොමින්ගු ගැන සමරකෝන් මුදලිට ඔත්තුව දුන්නේය. අල්ලා ගනු ලැබූ දොමින්ගු වධ දීමරා දැනුනි. එහෙත් සීමන් පෘතුගීසීන්ට අවංකව සේවය කළ බව පෙනේ.

සීමන් කොරෙයා යනු මෙරට පහලවූ අග්‍රගණ්‍ය රණ ශූරයෙකි. ඔහු පෘතුගීසීන්ට එරෙහිව කැරලි ගැසූ කාන්ගර ආරච්චි , වෙල්ලප්පුලි ආරච්චි හා කුරුප්පු ආරච්චි පරාජය කළේය. එබැවින් සීමන් ධර්මපාල රජුටද  නොදැක සිටින්නට බැරි චරිතයක් විය. සීමන්  පෘතුගීසීන්ගේ උදහසට ලක්වූ විට ධර්මපාල ඔහු සිබ සනසා දිගටම සේවය කරන මෙන් ඉල්ලා සිටියේය.

අපගේ ලිඛිත ඉතිහාසයේ දරුණු ආක්‍රමණිකයන් ගැන සදහන් වේ. කාලිංඝ මාඝ එහි මුල් තැනකම සිටී. එහෙත් මට සිතෙන්නේ අපගේ 2500ක් වූ ලිඛිත ඉතිහාසයේ මතුනොව ඊට පෙර පවා සීමන් කොරෙයා තරම් දරුණු භයානකයෙකු නොසිටි බවයි. කුඩා දරුවන් වංගෙඩි වල දමා කෙටීම පවා ඔහුගේ සොයාගැනීම් ලෙස කියනු ලැබේ. ලන්දේසීන් ද මෙය කළ නමුත් ඔවුන් කළේ ඉතා විශේශ අවස්ථාවක එනම් කොළඹ කොටුව ඉංග්‍රීසීන්ට යටත් වෙන්න ඔන්න මෙන්න කියා තිබියදීය, එහෙත් පෘතුගීසි යුගයේ මේවා සාමාන්‍ය දේ විය. කුඩා දරුවන් උඩ දමා බයිනෙත්තුවලට ඇල්ලීම ගැන ජනප්‍රවාද ද ඇත. වැදගත්ම දේ නම් මේ දේවල් කළේ පෘතුගීසීන්ට එක්වූ ස්වදේශියන් වීමයි. සීමන් කොරෙයා සත්වරක් ගම් ගිනිතැබූ බව සදහන් වේ. ඉන්දියානු ආක්‍රමනිකයන් මෙතරම් ම්ලේච්ඡ වැඩ කර නැත.පෘතුගීසීන් මේවාලංකාවේ පමණක් කළ දේ නොවේ. මලක්කාවේ අප්‍රිකාවේ බ්‍රසීලයේ හැම තැනම ඔවුන් හැසිරුනේ මෙසේය. පරංගි යන නාමය හා බැඳුන බිය හා පිළිකුල සියවස් ගනනාවක්ම මෙරට පැවතුනි.

පෘතුගීසි සොල්දාදුවන්ගේ විනෝදාංශය වුනේ කාන්තාවන්ගේ පියයුරු කඩුවෙන් කපා දැමීමයි. පිලිප් ද ඔලිවේරා සමග සංකිලි නම් යාපනේ රජුට එරෙහිව ගිය ගමනේදී මෙසේ පියයුරු කපා දැමූ සැටි පෘතුගීසීන් වර්ණනා කර ලියා ඇත.විමලධර්මසූර්ය රජු අත් අඩංගුවට ගත් පෘතුගීසීන්ට දඩුවම් දුන්නේද මෙසේ කාන්තාවන්ගේ පියයුරු කපා දැමීම නිසා බව කියවේ. ඒ අනුව මෙවැනි ක්‍රියා සීමන් කොරෙයාගේ ආක්‍රමණවල සාමාන්‍ය දෙයක් වනනට ඇත. මේ යුගයේ කාන්තාවන් උඩුකය නිරුවත්ව සිටිබවටද මෙය හොද සාක්ෂියක් වේ.

පෘතුගීසීන් ගේ ආගමනය්ත් සමග අපේ සමාජය වෙනස් විය.පෘතුගීසීන්ට මුහුණ දීම සදහා දකුණු ඉන්දියානු දෙමළ හා මුස්ලිම් සේනා කැදවා ගන්නා ලදී. මේ බොහෝ දෙනා ස්වීකරනය වී ඇත. පෘතුගීසීන්ද ස්වීකරණය වූහ. එදා දරුණු ලෙස බෙදී තිබූ සමාජයක් කාලය විසින් එක් කර ඇත. පෘතුගීසීන්ට සින්හලයාගේ සහාය කොතරම්ද කිවහොත් සෙනරත් රජු මේ ජනයාගේ අවගුනකම් ඉවසිය නොහැකිව උඩරටට වැඩමකළ බව සදහන් වේ. පෘතුගීසීන්ට එරෙහිව රජුට සහාය දීම මෙරට සැලකිය යුතු ජනකොටසක් ප්‍රතික්ෂේප කර ඇත. පෘතුගීසීන් සමග සිටින ජනයා දියුණු ජාත්යාන්තරය සමග සිටින පිරිසක් බවත් රජුට පක්ෂ අය ගොඩයන් මෝඩයන් ලිං මැඩියන් ලෙස සැලකුවා විය හැක.

එකළ ( අවුරුදු 400 කට පෙර ) කිසිසේත්ම එකමුතුවිය හැකිවෙතැයි නොසිතූ ප්‍රජාවක් එකමුතුවී ඇති සේම තවත් වසර සියයකින් පමන සිංහල දෙමළ මුස්ලිම් ලෙස බෙදී සිටින ජනයාද යම් දිනක ස්වීකරනය කිරීමට කාලයට හැකි නොවෙතැයි කෙසේ සිතමුද ?

මෙසේ කාලය විසින් කවදාහෝ සියලු ලෝ වැසියන් එක්සත් කරනු නොඅනුමානය. 

අප සිටිය යුත්තේ කවර යෝධයා සමඟද

අපගේ විදේශ ප්‍රතිපත්තිය මුල සිටම වරද්ද ගත්ත බව මගේ හැඟීමයි. බරපතලම වරද කළේ බන්ඩාරනායක ආණ්ඩුවයි. ඒ බටහිර රටවල් අමනාප කර ගනිමින් විවිධ ක්‍රියාමාර්ග ගැනීමයි. 1956 දී එම සිදුවීම් සිදුනොවුනානම් 1971 ,1989 කැරලි ඇති නොවීමටත් තිස් අවුරුදු යුද්ධය ඇති නොවීමටත් ඉඩ තිබුනි. 

නේටෝව හා සෝවියට් දේශය ලෙස ලෝකය බෙදී ගිය යුගයේ අප ඇමරිකානු කදවුරේ සිටියානම් උතුරේ කැරලිකරුවන්ට මේ තරම් ශක්තිමත්වීමට ඉඩ නොලැබෙන බව මට සිතේ. ඇමරිකාව අද මෙන්ම එදාද ලෝකයේ ලොක්ම ආර්ථිකය වී සිටි අතර සෝවියට් දේශයට තිබුනේ යුධ ශක්තිය හා ලෝකයේ හයෙන් එකක පැතිරුන භූමි ප්‍රමාණය පමණි. ඊශ්‍රායලය හා දකුණු අප්‍රිකාව වෙනුවෙන් ඇමරිකාව ඍජුව පෙනී සිටි යුගයකි ඒ.එවකට  ඉන්දියාව සිටියේ සෝවියට් පිලේය.ලංකාවේ ඇමරිකානු කදවුරක් හෝ තිබිනිනම් උතුරෙ සෙල්ලම් දාන්න ඉඩ නොලැබෙනු ඇත. ඊනියා නොබැදි පිළිවෙතින් රටට ලැබුන දෙයක් නැත. දෙකට දෙවාරෙ නොසිට එක පැත්තකට හේත්තු විය යුතුව තිබුනි. මේ කියන්නෙ රටේ පැත්තෙන් හා බිම් මටට්මේ යථාර්ථය සළකා බලාය. කොටින් කිවහොත් වඩා වාසිදායක ප්‍රායෝගික දෙයයි.

ඉන්දියාව තරහකරගෙන ඉහගහන්න බැරිබව දුටුවේ අසූ ගනන්වල ජේ ආර්ට කළ බලපෑම් දුටු විටය. චන්ද්‍රිකා යුගයේදී ඉන්දියාව සමග සබදතා වර්ධනය වූ අතර යුද්ධය පැවති කාලයේ මහින්ද රජයද ඉන්දියාව සමග සමීපව සිටියේය. අද ඉන්දියාව හා ඇමරිකාව එක පිලකට පැමිණ ඇත.දැන් කොහොමත් ඉන්දු ඇමරිකානු පිලට හේත්තුවීමට අපහසුවක් නැත.

ආර්ථික පැත්ත ගැන කතා කළද සිංගප්පූරුව ,ඉන්දුනීසියාව ,තායිලන්තය ,පිලිපීනය ,දකුණු කොරියාව ,ජපානය හා තායිවානය වැනි රටවල ආර්ථික සම්‍රයුද්ධියේ රහසද ඔවුන් ඇමරිකන් කදවුරේ සිටීමයි. එහෙත් අපගේ සංවර්ධන විරෝධී සංස්කෘතික ලක්ෂන වඩා ගැලපුනේ බටහිරට නොව එහි අනෙක් පාර්ශ්වයටයි. මට නම් සිතෙන්නේ අපේ අංක එක විය යුත්තේ ආර්ථික සංවර්ධනයයි.වෙළෙන්දන්ටහොද මොකක්ද ඒක අපටත් හොදය කී ඩුබායි කුමරා ඩුබායි රට දියුණු කළ හැටි බලන්න. 

සමාජවාදය හොඳය .එහෙත් ඊට පෙර ආර්ථික දියුණුවක් ලබාගත යුතුය. කිසිත් නැති හිගන්නන්ට බෙදාගන්න දේකුත් නැත. පලවැල බෙදාගන්න වෙන්නෙ පස්සෙය. දැන් ඇත්තේ ගසට සාත්තු කර ගස වර්ධනය කරන යුගයයි. ගෙඩි හැදෙන්න පෙර රතු කමිස ඇදන් ගෝරි කළාට වැඩක් නැත. අනෙක අප රට කුඩා දුප්පත් රටකි. අන්තරජාතික ප්‍රාග්ධනය සමග අපට හැප්පෙන්නට බැරිය. කස්ත්‍රො වගෙ කෙල්න් වෙන්න කියා සිරිමලාට කියන එක වැරදිය. ( මෙය එකල ජනප්‍රිය කවියක්ලු ).කස්ත්‍රොත් කෙලින්වුනේ රුසියන් සල්ලිවලිනි.

දැන් වුවද කළ යුත්තේ අප ඉන්දු ඇමරිකන් යෝධයන් සමග සිටීමයි. අපේ අපනයන යන්නේ බටහිරටය. ආරක්ෂාව ගැන පවා අප එතරම් වද විය යුතු නැත. මාලදිවයින බලන්න. ඒ මට්ටමටම වැටෙන්න යෝජනා කරනවා නොවේ. නමුත් අප ඈත සිටින අපට උදව්වක් කිරීමටද හැකියාවක් හා අවශ්‍යතාවයක් නැති යෝධයන් වෙත යනවාට වටා ආර්ථික හා යුධ අතින් බලවත් අප ලගම සිටින යෝධයන් ගේ සෙවනට යන එක කොයි අතින් බැලුවත් අපේ ඇගට ගුණය.

සීතාවක රාජසිංහ , අරිට්ට කීවෙන්ඩු පෙරුමාල් දුෂ්ටයින්ද

සීතාවක රාජසිංහ හා අරිට්ට කීවෙන්ඩු පෙරුමාල් ලංකා ඉතිහාසයේ දුෂ්ටයන් ලෙස පෙන්වා දී ඇත. රාජසිංහ කෲරතරයෙක් හා පීතෘඝාතකයෙක් ලෙස ත් බෞද්ධාගම විනාශකළ තැනැත්තෙකු ලෙසත් පෙන්වා දී ඇත. එහෙත් මේ සියලු චෝදනා පදනම් විරහිතය. රාජසිංහ ගේ පියා වූ මායාදුන්නේ වයස අවුරුදු 85 දී මියගිය බව සදහනව ඇත. ඒ ස්වාභාවිකවය. ක්වේරෝස්ද මෙය සනාථ කරයි. අනෙක් අතට රාජසිංහ අවුරුදු 11 සිටම රාජ්‍යත්වය ස්ථිර කරගෙන සිටියේය. කෲර චෝදනාවනම් රාජසිංහට පමනක් එල්ල කිරීම වැරදියි. ඔය කියන කාලයේ හැම රජෙක්ම කෲරතරයෝ වූහ. බෞද්ධාගම විනාශකළ බවට හෝ භික්ෂූන් ඝාතනය කළැබවට කිසිම සාක්ෂියක් නැත. ඔහු හින්දු ආගමට ප්‍රමුඛත්වය දුන් බව නම් ඇත්තකි.

ඔහුට නාවික හමුදාවක් නොවීය. ඝෝෂාකරමින් එකවරම සතුරා මතට කඩා පනින අසංවිධානාත්මක ගොවීන් ට සටන් කිරීමට සිදුවුනේ වසර පුරාම වැටුප් ලබන වෘත්තීය පෘතුගීසි සෙබලුන් පිරිසක් සමගය. ඔවුහු(පෘතුගීසීහු ) යුද්ධ නැති කාලයේද බැරැක්කවල යුධ පුහුණුව ලැබූහ. එසේම කප්පිත්ත මෝරු ( කැප්ටන් මේජර් ) වරයෙකු හා ඊට පහලින් හමුදා ධූරාවලියක සංවිධානය වූ අයයි. එසේම පෘතිගීසීන්ට තුවක්කු හා කාලතුවක්කුද තිබිණි. සිංහල ගොවීන් වසර පුරාම කැත්තෙ උදැල්ලෙ වැඩකළ අතර යුධ සේවය සදහා රජ අන ලැබුන පසු සටනට ආහ. ඝෝශාකරමින් සතුරා මතට පිනූහ.ඔවුන්ට හමුදා නිළ ධූරාවලියක් නොවූ අතර නායකයා මියගිය සැනින් පලා ගියහ. මුල් කාලයේදී කාල තුවක්කු හඩද සිංහලයන්ට බිය දනවන්නක් විය.

සීතාවක රාජසිංහ රජු මෙසේ දුනු හී ගත් සිංහල ගොවියා වෘත්තීය කාලතුවක්කු හමුදාවක්ට සූදානම් කළේය. දකුණු ඇමරිකාවේදී ස්වදේශිකයන් හා සටන් කළ කොළොම්බස් ,පිසාරෝ හෝ වෙනත් යුරෝපීය ආක්‍රමනිකයකුට ඔවුන්ගේ තුවක්කු වල වෙඩි හඩින්ම විශාල ජයග්‍රහන ලද හැකි විය. එහෙත් ලංකාවේදී එය උගහට විය. ඊට හේතුව ලාංකිකයා අලුත් තත්වයට හුරුවීමයි
රාජසිංහට තිබූ අභියෝගය පෘතුගීසීන්ට මුහුණැ දිය හැකි ශක්තිමත් හමුදාවක් තැනීමයි.මෙහිදී ඔහුට ඉන්දියානු සහාය අවශ්‍ය විය.රාජසිංහ  ඉන්දියානු අගම්පඩි සේනා කැදවූ අතර ඉන්දියානු රජවරුන්ගෙන් යුධ ආධාරද ඉල්ලා සිටියේය. මෙහිදී ජනතාව තුල යුධ මානසිකත්වයක් ඇතිකිරීමේ මනෝ විද්‍යාත්මක සංග්‍රාමයක යෙදීමටද රාජසිංහට සිදුවිය. මෙය ඉතා වැදගත්ය. හින්දු බලපෑම එන්නේ මේ හේතුවෙනි. එසේ නැතිව කළ පවක් කැන්සල් කරගන්න බැරිවූ නිසා නොවේ. අනික රජවරුන්ට පවු කැන්සල් කරල දෙන්න අපේ අයියලට බැරිද

යුධ මාන්සිකත්වය එතරම් වැදගත් ද . එසේය. මරන හා මැරෙන අය ස්වර්ගයට යන බව විස්වාස කළ නිර්මානවාදී ආගමක් හා ගැටුන සින්ද් හි ජයපාල හා ආනන්දපාල යන හින්දු රජවරු ලද පරාජය බලන්න. විශාල හින්දු සේනා පරදවන්නට ඇෆ්ගන් වරුන්ට ඉතා පහසු විය. හේතුව මේ මනෝ විද්‍යාත්මක කරුණයි. ඝස්නි හි මහ්මුද් හා ඝූර්හි මහමුද් ඉන්දියාවේ විශාල භූමියක් අල්ලා ගත්තේ සෙල්ලමක් කරන්නාක් මෙනි. වඩාත්ම සිනා උපදවන යුද්ධ සිදුවුනේ බිහාර් හිදීය . එහි කහ රෙදි පොරවා ගත් හිස බූ ගෑ බමුණන් පිරිසක් ගැන කුටබ් උද් දින් අයිබක් හෝ ඉල්තිට්මිෂ් සදහන් කරයි. ( සතුරා මරන්නට එනවිට මරනානුස්මෘති භාවනාව වැඩූ සිදුවීම ) .

රාජසිංහ් සිය හමුදාව පෘතුගීසීන් තැනිතලා බිමක දීම පරදවන මට්ටමට ශක්තිමත් කළේය. ශක්තිමත් නාවික හමුදාවක් තිබුනානම් කොළබ කොටුව අල්ලාගන්නට ඔහු සමත්වනු නොඅනුමානය. පෘතුගීසීහුම රාජසිංහ වර්ණනා කරති. මොවුන් ට ම්ලේච්ඡයන්ය කීමට එකම හේතුව ඔවුන්ගේ ආගමය. ඒ හැරුන විට ඔවුන්ගේ යුධ හා වෙනත් කෞෂල්‍යයන් අති විශිෂ්ටය  ආදී වශයෙන් .

රාජසිංහට සිය මෙහෙවරේදී සහාය වුනේ අරිට්ට කීවෙන්ඩු ය.මනම්පෙරුම මොහොට්ටාල ( මාන්නප්පෙරුම ) වනාහි දකුණු ඉන්දියානු සම්භවයක් සහිත වීරපුරුෂෙකි. රාජසින්හයේ මරනින් පසු රජවූ රාජසූර්ය කුමරුදමැරවූ ඔහුගේ අරමුණ සීතාවක රජ වීමයි. එහෙත් කොනප්පු බන්ඩාරට මෙන්ම ඔහුටද රාජ උරුමය ස්ථිරකරගැනීමට රාජ කුමාරිකාවක් හා විවාහ වීමට සිදුවිය. එය සාර්ථක නොවීය. ධර්මපාල වෙතට පලා ගියේ ඉන් පසුය. රාජාවලිය සදහන් කරන්නේ අතපත්තු මුදලිගේ විහිලු ඉවසන්න බැරිව ගිය බවයි. එය නම් නියම විහිලුවකි.

මේ යුගයේ  රාජ උරුමය ඉතා වැදගත් විය. කොනප්පු බන්ඩාර උඩරරට රජවුවද කුසුමාසන සමග පෘතුගීසීන් ආ විට ජනතාව ගියේ ඇය වෙතය. පෘතුගීසීන්ට ජෝන් ඩොයිලි වැනි කෙනෙක් සිටියානම් ( ප්‍රභූන් ඩීල් කිරීමට ) සිය පාලනය ස්ථාවර කර ගත හැකි වනු ඇත. එසේම ඔවුන් සිය සෙබලුන් මනා විනයකින් පවත්වාගත්තානම් ජනතා සහාය අලුත් රැජිනට ලබාගත හැකිවනු ඇත.අවාසනාවට මනම්පෙරුමට එම භාග්‍ය නොලැබුනි. මහබිසෝ බණ්ඩාර කුමරිය ඇයගේ දියනියක් මනම්පෙරුමට පාවා දුන්නානම් ඉතිහාසය අංශක 180 කින්ම හැරවේ. එසේනම් රට නිදහස් කරගැනීමටද හැකියාව ලැබෙන්නට ඉඩ තිබිණි. අරිට්ට කීවෙන්ඩු අතරම්ම දක්ෂයෙකි.

උතුරේ ජනයා හා මිශ්‍රවී අගනා ස්වීකරනයක් සිදුඑවී ( ඒක මොන පැත්තට වුනත් ) ජනවාර්ගික භේද නැතිව රටම එකම ජාතියක් ලෙස වර්ධයවන්නටද ඉඩක් විය. කෝට්ටේ යුගයේ සිටම අවාහ විවාහ සබදතා තිබූ බැවිනි. වීදියෙ බන්ඩාර හා තම්මිට ගේ පියා දෙමළය. රාජසින්හගේ දියනියද විවාහ වුනේ සොලී කුමරෙක් සමගය. සැලලිහිනියේ එන උලකුඩය දේවියද විවාහ වන්නේ නන්නුර්තුනය නම් වූ දෙමල ඇමති කෙනෙක් සමගය. සපුමල් ( චෙම්බගප් පෙරුමාල් )හා අමුබුලුගලගේද සම්භවය දෙමළය.මනා සහජීවනයකි.

සීතාවක රාජසිංහ හා අරිට්ට කීවෙන්ඩුට ඉතිහාසය තුල ලැබී ඇති තැන අසාධාරනය. ඔවුහු දුෂ්ටයන් නොව බුද්ධිමත් රාජ්‍ය තාන්ත්‍රිකයන්ය.

කවුද මේ නල මුදලියා

අද මම කොටුව ඉස්ටේසමේ ඔබ මොබ යන කල ඇස ගැටුන පොතක් මිලදී ගත්තෙමි. ඒ රාජාවලියයි.  ඒ කාරණා දෙකක් නිසාය. එකක් නම් පොතේ මිලයි. රුපියල් 160 කි. අනෙක් කරුන නම් කියවන්න වටින පොතක් වීමයි. පොත කියවන කල අපූරු කතාවක් මට හමුවිය. ඒ නල මුදලියා ගැන කතාවයි.

මේ නලමුදලියාගේ කතාව වෙන කිසිම මූලාශ්‍රයක හමුනොවේ. එහෙත් එය බැහැරකළ හැක්කක් නොවේ. මන්ද අප දන්න ඉතිහාසය ඇත්තම ඉතිසාහය විඅය් නොහැකි බැවිනි. මන්ද එහි අරමුන රචකයන් ප්‍රියකළ රජවරුන් වර්නනා කිරීමය. ඔවුන්ගේ ධර්ම ප්‍රචාර හා සුබ සාධන වඩවලට විවිධ ගිණුම්වලින් පිරිකර ලැබෙන්නට ඇත. හෙළි නොවූ බොහෝ දේ සිදුවන්නාට ඇත.

නළ මුදලියා සිටියේ අනුරාධපුරයේ භාතිය රජුගේ කාලයේයි. මේ ක්‍රිස්තු වර්ෂයයි. මෙතරම් ඈත කාලයක මෙවැනි අප්‍රකට ජනතාවකගේ ආක්‍රමනයක් මීට වඩා ලොකු ඉතිහාස පුවතක් වීමට ඉඩක් නොවීද?

මේ ජනයා මුක්කරු ජනයාලු. මෙවැනි නමක් වෙන කිසිම තැනක හමුනොවේ. පල්ලාවයන් කලබ්‍රයන් ගෙන් නිදහස් වූ පසු කලබ්‍රයන් ගැන කිසිම තැනක සදහන් නොවන්නා සේය. රෝමවරු එට්‍රස්කන්වරුන්ගෙන් නිදාස් වූ පසු එට්‍රස්කන්වරු ගැන ඉන්පසු සදහන් වීම ක් නැති සේය.

වඩා සිත් ගන්නා තවත් කරුණු ඇත. භාතිය රජු මේ ආක්‍රමනිකයන්ගෙන් බේරීමට කැදවන ලද්දේ දෙමලුන්ලු. සියලු විදේශිකයන්ට දෙමලුන්යැයි කීම රාජාවලි කතුවරයාගේ සිරිතක් විය. මේ ඊනියා දෙමලුන් කාලතුවක්කුද භාවිතා කර ඇත. නලමුදලියා එනවිට දෙමලුන් තම කාලතුවක්කු 900 එකවිට පත්තුකල බව කියවේ. මීට වසර 2000 කට පෙර යුද්ධවල කාලතුවක්කු භාවිතා වී නැත. රාජාවලිය ලියුවේ පෘතුගීසි යුගයේදී විය හැක.

නලමුදලියා පාලනය කර ඇත්තේ මා ඔයෙන් ඔබ්බේ ප්‍රදේශයයි. එනම් මායා රටයි. මායාරට අහිමිවීම යනු අනුරාධපුර රජුට සුලු පටු කරුණක් නොවේ. කරුනු එසේ හෙයින් මෙම සිදුවීමේ සදහන් දෙමලුන් යනු අපගේ දමිල සහෝදරයන්ගේ මුතුන් මිත්තන් හෝ ඔවුන්ගේ ඥාතීන් නොවන බව පැහැදිලිය.එසේනම් මේ කවුරුන්ද  කුමක්ද මේ සිදුවීම ?

රජවරුන් නැති ලෝකය

ඈත අතීතයේ බොහෝ ප්‍රජාවන්ට අවශ්‍ය වුනේ රජෙකි. සමාජයේ එකාබද්ධතාවය රැකගෙන බත බුලතින් සරුකරගෙන ආරක්ෂාව දෙන රජෙක් එවකට සමාජවල ප්‍රධානම අවශ්‍යතාවය විය.

නමුත් ඊට වෙනස්ව ක්‍රි පූ 509 තරම් ඈත අතීතයේ රෝමවරු රජෙක් වෙනුවට විකල්පයක් සොයාගත්හ . වාර්ෂිකව තෝරාගන්න කොන්සල් වරු දෙදෙනෙකි. රජෙකුට පෙර යක්ෂයාට පුරයේ දොර අරින බව ඔවුන්ගේ උදාන වාක්‍ය විය. රෝම සමූහාණ්ඩුව යුරෝපය පුරාමත් අප්‍රිකාවේත් ව්‍යාප්ත කළේ මේ සමූහාණ්ඩුව තුලිනි.

රාජ පරම්පරාවකට වඩා අවුරුදු පතා ඡන්දයකින් නිළධාරීන් තෝරාපත්කර ගැනීම එම යුගයට සිතගන්නවත් බැරි තරම් ප්‍රගතිශීලී පාලන ක්‍රමයකි. අපගේ පක්ශ දේශපාලනයට වඩා ඉදිරියෙන් තිබෙන්නකි.

වසර 500 ක් පමන  සාර්ථකව ඉදිරියට ආ මෙම ක්‍රමයට අභියෝග ආවේ ජර්මානු ගෝත්‍රිකයන් ගේ කඩාවැදීම නිසා කොන්සල්වරුන්ට විශේෂ බලතල දීමට සිදුවීමෙනි. මේරියස් හා සල්ලාට මෙසේ බලතල දීමට සිදුවිය. පිට පිට අවුරුදු කීපයක්ම මෙම නිළධාරීන් පත්වීමෙන් ඔවුන් සාමාන්‍ය කොන්සල් වරුන්ට වඩා වෙනස් බලවතුන් බවට පත්විය. කොන්සල් වරු  යනු පාර්ලිමේන්තුවෙ අවුරුදු පතා තෝරගාන්නවුන් නොව සෙබලුන්ගේ විශ්වාසය දිනාගන්නා තැනැත්තා බවට පත්විය. රෝම කොන්සල්වරයා රජෙක් වන්නේ එසේය. සල්ලා ජුලියස් සීඅර් වැනි කොන්සල්වරු සමග දීර්ඝකාලයක් යුද්ධ භූමිවල සිටි සෙබලුන් ආපසු කොළඹ ආවේ සාමාන්‍ය කොන්සල්වරයෙක් ලෙස නොව රාජකීයත්වකිනි. සල්ලා මන්ත්‍රණ සභාව වෙනුවෙ පෙනී සිටියත් සීසර් පෙනී සිටියේ රෝම ජනතාව වෙනුවෙනි.පසුකලෙක සීසර් යන නාමය රජු යන නමට පර්යාය පදයක් විය. සීසර් යනු පුද්ගල නාමයකි.

මේ කියන්නේ රෝම ක්‍රමය ගැන නොවේ. එහි පරිණාමික දියුණු අවස්ථවක් ගැනය. එනම් 

මන්ත්‍රණ සභාවක් මගින් කෙටිකලකට නිළධාරීන් පත්කිරීමත් එම මන්ත්‍රණ සභාව ජනතාව මගින් ඍජුව පාලනය වීමත් වඩා ඉදිරිගාමී දර්ශනයකි. මන්ත්‍රණ සභාව යනු ජනතාව විසින් තෝරාගැනීමක් නොවේ. මන්ත්‍රණ සභාව යනු ජනතාවමය. එනම් ජනතාව මන්ත්‍රන සභාවට යටින් විශාල සම්මේලනයක් ලෙස ක්‍රියාත්මක වේ. මෙය ඍජු ප්‍රජාතන්ත්‍රවාදයයි.පහල සිට ඉහල මෙහෙයවන්නකි.

වර්තමානයේ තාක්ශනයේ දියුණුවත් සමග  පිරමිඩය ඔලුවෙන් සිටවූ අයුරින් බලය පහලට යන ක්‍රම ගැන කල්පනා කළ යුතුය.

බ්‍රහස්පති තරුවක් වුනොත්

බ්‍රහස්පති සූර්යයෙක් වීම ගැන මට දැනගන්නට ලැබුනේ ආතර් සී ක්ලාක් මහතාගේ විද්‍යා ප්‍රබන්ධයකිනි. ඔහු එය සුබවාදීව දැක තිබිනි. ඇත්තටම එහෙම දෙයක් බැරිවෙලාවත් සිදුවුනොත් ඇතිවිය හැකි වෙනස්කම් කෙබදුද?

ජ්‍යොතිෂයට අනුව යහපත් ග්‍රහයෙක් වන බ්‍රහස්පති ඇත්තෙන්ම අසාර්ථක තරුවකි. මේ දැවැන්තයා තරුවක් වීමට තරම් විශාල නැත. ඒ කියන්නෙ නියුක්ලියර් චේන් රියැක්ෂන් එක සිදුවෙන්න තරම් විශාලත්වයක් බ්‍රහස්පති ට නැත.

යම් හෙයකින් එය සිදුවුනොත් මට නම් සිතෙන්නේ සෞරග්‍රහ මණ්ඩලය දෙකඩ වනු ඇති බවයි. අගහරු හා සෙනසුරු ඇතැම්විට බ්‍රහස්පති වටා භ්‍රමණය වීමට ඉඩ ඇත. අගහරු සූර්යයාගේ හා බ්‍රහස්පතිගේ යන දෙදෙනාගේම ආකර්ශනය වීමට ඉඩ ඇත. අගහරුගේ අධික ශීතල නැතිවී එය ජීවීන්ට ජීවත්වීමට සුදුසු පරිසරයක් බිහිවනු ඇත.

පෘථිවියේ උෂ්නත්වය වැඩිවී උත්තර හා දක්ෂිණ ධ්‍රැව වල අයිස් දියවනු ඇත. ජලමට්ටම ඉහල යනු ඇත.

එසේම වසරේ වැඩි කාලයක් තුල රාත්‍රියක් නැතිවනු ඇත.  රාත්‍රියට හුරුවුන ජීවී විශේෂයන්ට මෙය අහිතකර ලෙස බලපානු ඇත.

සෙනසුරු හා නෙප්චූන්ගේ සූර්යයන් බ්‍රහස්පති වටා බ්‍රමනය වීමෙන් ඒවායේ අයිස් දියවී විශේෂයෙන් යුරෝපා වැනි ග්‍රහයන් වල ජීවයට සුදුසු පරිසරයක් බිහිවනු ඇත.

ඒ සියල්ල පසෙක තිබියේවා .කේන්දරකාරයන් අලුතෙන් හදන කේන්දරවල ස්වරූපය කෙබදු වේද

ඌරන්ගේ පෝෂනය ගොවිපොලේ පැවැත්මට ප්‍රයෝජනවත් බැවින් කිරි සහ ඇපල් ඌරන්ට වෙන් කර තබන්න.

ඌරන්ගේ පෝෂනය ගොවිපොලේ පැවැත්මට ප්‍රයෝජනවත් බැවින් කිරි සහ ඇපල් ඌරන්ට වෙන් කර තබන්න.

අනෙක් සතුන් ඒ ගැන කතා නොකළ යුතුය. එසේ කතා කරන්නේ නම් අවසාන විග්‍රහයේදී අප විසින් පරාජය කරන ලද මිනිස් සතුරාට සේවය කිරීමකි. සතුන් ගේ විප්ලවයෙන් මිනිස් සතුරා පරාජය කරන ලදී. ඉන් ඉක්බිති ගොඩ නැගූ සතුන්ගේ රාජ්‍යයේ පැවැත්ම ඇත්තේ තීරණ ගන්නා වූ ඌරන් අතේය. ඌරන් හැර සෙසු සතුන් විප්පලවීය ජීවගුණයකින් දුක දරාගෙන මිනිසුන්ගේ පාලනය පැවති යුගයටත් වඩා දුක අනුභව කරමින් ගොවිපොලේ ( ඌරන්ගේ ) සුබ සිද්ධිය සදහා වෙහෙසිය යුතුය.

කතාව නම් ඇත්ත තමා ඉතින් ඒත්.

ඇයි සහෝදරය ඒත් ඒත් ගාන්නෙ. මතක නැද්ද මිනිසුන්ගෙ පාලනය. ඔවුන්ගෙ පීඩනය ඉවසන්න බැරුව සතුන් නැගී සිටිය අමතකද 

ඔබ යෝජනා කරන්නෙ ආයෙ මිනිසුන් කැදවන්න කියලද



නෑ එහෙමම නෙමේ . මම මිනිසුන්ගෙ පාලනයක්  ආයෙ පැතුවා නෙමෙයි නැහ් නැහ් .නැපෝලියන් සහෝදරයට ජයවේවා. අපි වෙන දෙයක් කතා කරමු.

හරි හරි . අපි ඒක අමතක කරමු. මා එක්ක කීවට කමක් නෑ. වෙන කා එක්කවත් කටේ කෙල බිදක් හොල්ලනාව් එහෙම නෙමෙයි. ස්නෝබෝල් එක්ක නැපෝලියන් තරඟ කළැ වෙලාවෙ බලු පැටවු ටික ස්නෝබෝල්ගෙ ඇස් වහල නැපෝලියන් හැංගුව. ඊට පස්සෙ කිරි දීල හැදුව. 

මොනවා .ඔවු අලුත් උපන් බලු පැටවු ටික මට මතකම නැතිවුනානෙ. දැන් උන් කෝ.

හෙහ් හෙ උන් නැපෝලියන් එක්ක. ස්නෝබෝල් ගොවිපොලෙන් එලෙව්වෙ උන් තමා.

බලපුවම මිනිස් ආන්ඩුවකට වඩා නරකනෙ.



කට කට. බල්ලන් තමා ගොවිපොල හා නියමුවන් වන ඌරන් ආරක්ෂා කරමින් මිනිස් උපද්‍රවයන්ගෙන් ගොවිපොල රැක ගන්නෙ.

ගොවිපොල තුල සිටින ප්‍රතිවිප්ලවවාදීන් මෙල්ල කිරීමත් උන්ගෙන් ඉටුවන සද්කාර්යයක්.

එහෙමනම් සහෝදරය අපි විප්ලවීය ගීයක් ගයල සමුගනිමු නේද.

ඔවු ඔවු තාලෙට කියමු.

දුර්ගුණ මිනිසුන් පලවා හැරියේ

ඔද තෙද බල ඇති ඌරන් වේ

නැපෝලියන් උන්ගේ මහරජුවේ

නැපෝලියන් ගේ නාමේ සැරදේ වොරැදේ

බිහිසුනු මිනිසුන් සුන් කර දැමුවේ

ඌරන් හා අප බලු සේනාවයි

අප සියලු සතුන් උන්ගේ ගුන ගුණ ගයනෙමු

ඌරන්ගේ ශ්‍රීනාමය සැරදේ බැබලේ

අසරන සතුනට මගපෙන්වනු මැන

වීර විපුල ඌරනි අති  උත්තම

වැද්දන් හට තහනම් තහනම්

කාහල නාදය නගවු සැමදා

මෙහි ලස්සනම කතාව නම් මහලු අශ්වයා විකුණා ඌරන් විස්කි බෝතලයක් ලබාගැනීමය.

ජෝජ් ඕවල් ගේ ඇනිමල් ෆාම් කතාව සම්මාජවාදයේ විකෘතිය මැනවින් පෙන්වයි. අපද ලියන්නේ සමාජවාදයාට් එරෙහිව නොව එහි මේ නෛසර්ගික විකෘතියට එරෙහිවය. සමාජවාදයේ ගැටලුව එහි ප්‍රායෝගික ප්‍රජාතන්ත්‍රවාදයක් නොවීමයි. බලය එක් රැස් වීමේ වරද කතා නොකෙරේ .ධනය එක් රැස් වීම පමනක් කතා කෙරේ.

කතාවට වශී වී රත්‍රන් ගලවා දෙන ගැහැනුන්ගේ රන් ගෙන නායකයා හදන්නෙ කාරෙකක් ගන්නටය.රන් ගලවා දුන් අයට අතවන වනා කාරෙකේ යන්නටය. ඒ ඔහුගේ ආශාවයි. ඔහුගේ ඇත්ත අවශ්යතාවයයි.

සමාජවාදය බිහිවන්නේ දියුණු අධ්‍යාත්මිකව උසස් සමාජයකය. නොදියුණු සමාජයක අවබෝධයෙන් ඇතිඅකරගන්නා හැඟීමක් නොව ඉරිසියාව කුහකකම මත ඇතිකරගන්නාවිපරීත මානසිකත්වයක් මූලික වේ. එය කෙළවර වන්නේ නිළධාරිවාදයකිනි. සමාජවාදය බිහිවන්නේ ධනවාදය අභාවයට යාමෙනි. විප්ලවයකින් නොවේ. එසේ නැතිව ව්‍යාජ වංචනික මිනිසුන්ගේ ව්‍යායාමයකින් නොවේ.

වහලුන් තබා ගැනීම නොමනා බව මිනිසා තේරුම් ගත්තේය. කාන්තාවන් සිරකාර්තැබීම නොමනා බවද තේරුම් ගත්තේය. දැන් සත්ව හිංසාව නොමනා බව තේරුම් ගනිමින් සිටී. මෙලෙසම ආර්ථික සූරාකෑම නොමනා බව තේරුම් ගනු ඇත. අධ්‍යාත්මික සංවර්ධනයක් තුලින් සමාජවාදය බිහිවීම ගැන කීවේ එයයි.