Wednesday, April 22, 2020

රෝමවරු පරාජය කළ කූෂ් හි රැජින

ඉතිහාසය ගැන මට උනන්දුවක් ඇතිවුනේ කුඩා කලදීමය. පෘතුගීසි යුගය ඉන්දියානු නිතිහසාය් ,පුරාණ ශිෂ්ටාචාර ආදිය ගැන ලියවුන පොත් කීපයක්ම අපේ ගෙදර තිබුනි.මේ පොත් අතර තිබූ  ලක්දිව ප්‍රතිකාල් ප්‍රයත්නය නම්වූ පොත නැතිවූ සැටි මට හොදට මතකය. ඥාති පවුලක ගෙට ගෙවදීමකට යනවිට බස් එකේ යද්දි කියවන්නට පොත මම ගෙන ගියෙමි.බස් එකේ යද්දි කම්මැලිකමට කියවන්න මම ඔය පොත ගෙනිච්චා මතකයි.ඒ ගෙදරින් තමා නැතිවුනේ.ඒ පොතේ අකුරුත් පොඩි නිසා මට හරියට කියවන්නටත් බැරි විය. අපරාදෙ.

ඒ දාඩිය පෙරාගෙන කැවුම් පෙට්ටි ගෙන ගිය සමයයි. මාත් පොඩි එකා ඔය කැවුම් පෙට්ටි එහෙ මෙහෙ කරන්න උදව් කළා .අනේ මන්ද ඒ කාලෙ මිනිස්සුන්ට වැඩ නැද්ද මන්ද .අවුරුද්දටත් කැවුම් පෙට්ටියක්ම ගෙනියනව.ඒක ගමටම බෙදනවලු. 


ඉතිහාස පොත් පුස්තකාලවලින් කියෙව්වෙමි. ඉතිහාස පොත් මිලදී ගත්තෙමි. ඉතිහාසයට මගේ ලොකු ඇල්මක් විය.මේ නිසා මට යම් මට්ටමක සතුටුදායක ඉතිහාස දැනුමක් තිබිණි.
ඉතිහාසය ගැන උනන් දුවෙන්  විනෝදාංශයක් ලෙස දැනුම රැස් කල මට මගෙ දැනුම ගැන ලැජ්ජාවක් සිතෙන දෙයක් මේ ලගදී සිදුවිය. ඒ ඇමනිරෙනස් (Amanirenas )රැජිනගේ නමවත් අසා නොතිබීම නිසයි.ඇය රෝමවරු පරාජය කළ කූෂ් හි එකැස් රැජිනයි. 

Kandake Amanirenas, the greatest African woman ever
Amanirenas

මෙය ලැජ්ජාවක් වන්නේ ඇයි? අප සාමාන්‍යයෙන් දන්නේ ජයග්‍රාහකයාගේ ඉතිහාසයයි. එහි තේරුම අපට කියවන්න ලැබී ඇත්තේ සැබෑ ඉතිහාසය නොවන බවයි. එහෙත් හැනිබාල් වැනි ජයග්‍රාහී පරාජිතයන් ගැනද අප දන්නෙමු. හැනිබාල් ගැන ලිව්වේ රෝමවරුය. සමහරවිට සිය කොන්සල්වරුන්ගේ කීර්තිය පෙන්වීමට තමන් පරාජය කළේ ධීර සතුරෙක් බව නොසැගවූවාද විය හැක. එහෙත්  Amanirenas පරාජිතයෙක්ද නොවේ. එහෙත් අප බොහෝ දෙනෙක් ඇයගේ නමවත් අසා නැත. ඊට හේතුව ඇයට අවාසි දෙකක් තිබීමයි.එකක් හම කලු වීමයි අනෙක ස්ත්‍රියක් වීමයි. හැනිබාල් ව පස්සන අයවත් ගෙ නම කියන්නාට බිය වෙති.


පිරිමි ඉතිහාසකරුවන් රැජිනියන්ට කරන පොදු චෝදනාවනම් චරිතයයි. අනුලා රැජින.ක්ලියෝපැට්‍රා ආදීන්ට මෙම චෝදනාව කළහ.අන්තහ්පුර තබාගෙන සිටි රජවරු ශෝයි බබාලාය. එසේම රැජිනියන්ට පොදුවේ කරන මේ දුෂ්චරිත චෝදනාද අතිශයෝක්තීන්ය. ඇතැම් විට මුලුමනින්ම අසත්‍යය.

කූෂ් ලෙස හැදින්වුන රටේ රජකල කන්දකීලාට පොදුවේ දුෂ්චරිත චෝදනා කිරීමටද නොහැකිවුනේ ඔවුහු හුදකලා නොවූ නිසාය.කන්දකී යනු පදවිනාමයකි.හුදකලා නොවුනා කියන්නේ  මේ රැජිනක් රජවන්නේ සැමියා මියයාම නිසා ලාබාල පුත්‍රයා වෙනුවෙන් හෝ වෙන කිසිම විකල්පයක් නොවීම නිසා නොවේ. රජකම ඔවුන් කුසලතාව මත ලබා ගත්තකි .රාජ සභාවේද සැලකිය යුතු පිරිසක් ස්ත්‍රීහුය. පිරිමින් බහුතරයක් වූ රාජසභාවක හුදකලා වීමට කන්දකීලාට සිදුනොවීය.කාගේවත් රූකඩ නොවූ කන්දකීලා warrior women ලාය.



Shanakdakhete (177 BCE–155 BCE) (earliest known ruling queen)
Amanirenas (40 BCE–10 BCE)
Amanishakheto (c. 10 BCE–1 CE)
Amanitore (1–20 CE)
Amantitere (22–41 CE)
Amanikhatashan (62–85 CE)
Maleqorobar (266–283 CE)
Lahideamani (306-314 

ඇතැම්විට කුවේනිලා කන්දකීලා ඥාතීන් වීමටද ඉඩ ඇත. නැගෙනහිර අප්‍රිකානුවන් හා දකුනු ආසියානුවන් අතර ජාන සමානකම් හදුනාගෙන ඇති බැවිනි. ඇදහිලි විශ්වාසවලද අරුම සමානකම් ඇත. උතුරු ඉන්දියානු සංස්කෘතික බලපැමට ලක්වුවද අපද ද්‍රවිඩයන් බව අමතක කළ යුතු නැත.


පොදුවේ ගත්කළ අප කියවන ඉතිහාසය සුදු පිරිමින් විසින් ලියන ලද්දකි. එහි කලු මිනිසුන් දුෂ්ටයෝය. පාරාවෝලා දුෂ්ටය ,කලු මදිවාට ස්ත්‍රීන්ද වන කන්දකීලා කොහොමත් දුෂ්ටය. සුදු පිරිමියා හැමතැනම දිනයි.


එහෙත් අතීතය හාරා අවුස්සන විට ස්ත්‍රිය පිරිමියාට ශරීර ශක්තියෙන්වත් දෙවෙනි නොවූවාය.  ස්ත්‍රී   නවශිලා සැකිලි වර්තමාන ක්‍රීඩිකාවන්ගේ මෙනි.ඔවුහු බරවැඩ කළහ යුද බිමේ ඉදිරියෙන්ම වූහ. කන්දකීලා යනු මේ සැබෑ අතීතයේ වර්තමාන ලිඛිත ඉතිහාසයේ නෂ්ටාවශේෂයි. අයිස් කන්දක මුදුන මෙනි. ලිඛිත ඉතිහාසයක් නොවූ පෙර දවස අද අප සිතනවාට වඩා බොහෝ වෙනස්ය. එය අප දන්නා සුදු පිරිමියාගෙ කතාවට වඩා වෙනස් බව නොකිවමනාය.





Wednesday, April 15, 2020

මානව ඉතිහාසයේ අග්‍රගණ්‍ය විශිෂ්ටතමයන් තිදෙනා

මානව ඉතිහාසයේ අග්‍රගණ්‍ය විශිෂ්ටතමයන් තිදෙනා තීරණය කි9රීමේදී මා විසින් නිර්ණායක  කිහිපයක් යොදාගත්තෙමි.

එම පුද්ගලයා වර්තමානයට කර ඇති බලපෑම -එනම් ඔහු නොසිටින්නට අද අප දන්නා ලොව වෙනස් වී තිබිය යුතුය.

දේශපාලනික කරුණු පමණක් අදාල කර ගැනීම _ විද්‍යාත්මක සොයාගැනීම් කළ අය මානව සමාජයට කර ඇති බලපෑම් කොතරම් ප්‍රබල වුවද අදාල කරගෙන නැත.

සමස්ත ලෝකයටම බලපා තිබිය යුතුය.- ලොව එක් කොටසකට පමණක් බලපෑම අදාල නැත.

බලපැම හොඳ හෝ නරක ලෙස නොසැලකීම


බලපෑම එම පුද්ගලයාගේ පෞද්ගලිකත්වයටම අදාල වීම - වෙනත් අය ඔහුවෙනුවෙන් ක්‍රියා කිරීම 
                           

        

 මිටියක් බදු චාල්ස්    688AD -  741 AD

අද ලොවට වැඩිම බලපෑම සිදුකළ තැනැත්තා ලෙස මා සළකන්නේ මිටියක් බදු චාල්ස්        ( චාර්ල්ස් මාර්ටල් )  ය. ඔහුට මිටියක් බදු චාල්ස් කියා විරුද නාමයක් ලැබී ඇත්තේ ඔහු සතුරන්ට දුන් පහරවල් නිසාය ( මිටියකින් මෙන් ).


ලොවට ප්‍රබලම බලපෑමක් කළ තැනැත්තා ලෙස මා සළකන්නේ ප්‍රංශ රජෙක් වූ චාර්ල්ස් මාර්ටල් ය. ටුවර්ස් සටන ලෙස ප්‍රකට සටනේ ජයග්‍රාහකයා ඔහුය. මෙම සටන ක්‍රි ව 732 දී ප්‍රංශයේ පොයිටියර් නගරය අසළ සිදුවිය.එහෙත් එය ප්‍රකට වුනේ ටුවර්ස් සටන ලෙසයි. ඔහු එම සටන ජයනොගත්තා නම් මෙය කියවන ඔබේත් මගේත් ජීවන රටාව එහෙම පිටින්ම උඩුයටිකුරු වනු ඇත.
                               

          

ජෝෂප් ස්ටාලින් ( 1878 AD-1953 AD)

දෙවෙනියට ලොවට බලපැමක් කළ පුද්ගලයා ජෝෂප් ස්ටාලින් ය.

ඇයි ලෙනින් කියා ඔබ අසනු ඇත. ස්ටාලින් නොවන්නට ලෙනින් ගේ නමවත් ඔබ අසා නැතිවන්නට ඉඩ ඇත. කෙරෙන්ස්කි ගේ නම ඔබට ෆැමිලියර් නෑ නේද අන්න ඒ වාගෙ තමයි.

ඇයි හිට්ලර් පරාජය කළ බටහිර කදවුර චර්චිල් ල රුස්වෙල්ට් ල.
සෑබෑ යුද්දය තිබුනේ නැගෙනහිරයි.හිට්ලර් වැඩි ශක්තියක් යෙදුවේද නැගෙනහිරටයි නාසීන්ට දරුනුම ප්‍රහාර එල්ල වුනේද නැගෙනහිරිනි. ඇත්තෙන්ම බටහිරට අවශ්‍ය වුනේ හිට්ලර් දුර්වල කර ඔහුව සාකච්ඡා මේසයට ගෙන ඒමටයි.එසේ වූවානම් අදටත් නාසීන් බලවත්ව සිටිනු ඇත.

ඇයි මාවෝ. ?

සෝවියට් දේශයක් ගොඩ නැගී ලොව පුරා සමාජවාදයට ශක්තියක් නොවන්නට මාවෝ වෙනුවට ක්වෝමින්ටෑන්වරු චීනයේ බලවත් වනු ඇත. 

එසේම සමාජවාදය පුස්තකාල පොත් අතර සිරවූ දර්ශනයක් පමනක් වීමටද ඉඩ තිබුණි.



                                                            

                           මුහම්මද් තුමා  (570AD-632 AD)

ඇයි යකෝ තවත් ආගමික නායකයන් ඉන්න බව දන්නෙ නැද්ද බොලව් බොලව් බොලව් කියා ඔබ මගෙන් අසනු ඇත.

ඔවුන් මානව චින්තනයට කවර බලපෑමක් කළත් එම ආගම් දර්ශන ප්‍රචාරය කළේ වෙනත් අය විසිනි. උදාහරනයකට අශෝක රජු ගේ බලපෑම දකුනු ආසියාවේ කුඩා රටවලට පමණි. ඔහුට වඩා කනිශ්ක බලපෑම් කර ඇත. වෙනත් පුද්ගලයන් නොවන්නට බොහෝ ආගම් පුස්තකාල පොත් වලට සීමා වනු ඇත.

නමුත් මුහම්මද් තුමා සිය ධර්මය තම විසින්ම ප්‍රචාරය කළ අතර එය අදටද ලෝක බලයක් වේ.




Monday, April 13, 2020

සිත්වල ඇති කොරෝනා- තොටවත්ත හා මෝදර කොල්ලා

කොරෝනා කාලේ කාගේත්  සිත් නිදහස් ව තිබේ.ඇත්තටම මෙය අලුතෙන් කල්පනා කිරීමට හොඳම අවස්ථාවකි. ලැබෙන විවේකය අන්තර්ජාලය ඇසුරු කරමින් දැහැමෙන් සෙමෙන් ගත කරමු.


 තෙද ඇති ශාස්ත්‍රකරුවෙක් මේ බිමේ වෙයි. ඔහුට පැසසිය යුතු මට්ටමේ ඥාන සම්භාරයක් ඇති බවද කිවයුතුය.  ඔහු අනාවැකි කියා අතේ කයිතන් වූ අයෙක් බව නොකියාම බැරිය.වෙනත් සාත්තරකාරයන් සේම ඔහු කරන්නේද දක්ෂ අනුමාන කිරීම්ය. බල්ලෙක්වත් ආයෙ එන්නෑ කියපු කතාව මෙන්ම ප්‍රසන්න පුද්ගලයෙක් එනබව කීවේද එසේ අනුමාන කිරීමෙනි.

මේ ශාස්ත්‍රවන්ත සාත්තරකාර තෙමේ විවිධ දෙවිවරුන්ට දෝෂදර්ශනයට ලක් කර වීඩියෝ මුදාහරින අතරේ අග්‍ර දෙවිදුටද නිග්‍රහ කර වීඩියෝවක් මුදා හැරියේය. මෙය දුටු මා සිතුවේ මේකටනම් බබා හම්බෙන බවය. මට පරන කතාවක් මතක්වේ.

එක් පියෙක් තම අවසාන මොහොතේ පුතෙකුට අවවාද තුනක් කළේය. මුලින්ම කීවේ හරක් කුලප්පු නොකරන ලෙසයි .අනෙක් අවවාද මට මතක නැත. මේ පුතු හරක් පට්ටියක් දුටු විගස සිය ඇඹෙනිය හා ලහියේ පලා යයි. ඔහුගේ ආර්යාවට මෙය මහත් පැනයක් විය.

ඇය සිතේ සගවා ගෙන සිටි මේ ගැටලුව දිනක් මුදාහැරියේ සිත සන්සුන් කරගනු පිනිසය.

එම්බා වල්ලභය ! තෝ කුමක් හෙයින් ගව මහීෂාදීන් කෙරෙන් පලා යවුද? තෝ උමතුවෙන්දැයි පිළිවිසියාහුය.

එබස් ඇසූ පුරුෂයා සුසුමක් පහතට හෙලා බයබෝයි සොදුර ! මාගේ පියානනන් ගේ අවසන් වදන් වලට එරෙහි වන්නට මට බැරිය.ඔහු මරන මංචකයෙඩිහී කීවේ හරක් කුලප්පු නොකරන ලෙසයි.

එබසට සිනාසුන ස්ත්‍රිය මෙසේ දෙඩුවාය.

නුඹගේ පියානන් දුර දක්නා නුවනින් හෙබියේය. හරක් කුලප්පු නොකරන්න කීවේ අනෙකක් නොව ආගමිකයන් කුපිත නොකරන ලෙසයි.එසේ නැතිව මහීෂයන් එන විට පසු නොබලා දුවන්නට නොවේ"

ඉහත කතාවෙන්ද කියවෙන්නේ ආගමිකයන් යනු  කෝප ගැන්විය නොයුතු උත්තමයන් පිරිසක් බවයි. ඔවුන් අතරින්ද ඒබ්‍රහමික ආගමිකයන් යනු කිසිසේත්ම ( විහිලුවටවත් ) කෝපගැන්විය නොයුතු ඉතා උතුම් පිරිසකි.



ඒ අනුව අපේ ගම්වල සිටින මුරුතැන් බත්  පළතුරු මල් පිළිගන්නා මතු බුදුවෙන දෙවිවරු විවේචනය කළොත් බැතිමත්තු බොලව් බොලව් කියමින් කීබෝඩ් එකෙන් ජාතකේ විමසනු ඇත. ඔවුහු උපරිමව සමූහයකට මැදිව ගලක් ගසනු ඇත. එහෙත් අග්‍ර දෙවිදුන්ගේ බැතිමතුන් මෙසේ සිල්ලර වැඩ කරන අය නොවන බව ඉතිහාසය පෙන්වයි. මධ්‍යතන යුගයේ යුරෝපා ඉතිහාසය කියවා යම් අවබෝධයක් ලබා ගනු යෙහෙකි. යුරෝපයේ වෙනස් මත දැරූ අය ට සංග්‍රහ කිරීමට විවිධ උපකරන පවා අලුතෙන් සැදූහ. මායාකාරියන්ට සංග්‍රහ කිරීමට සෑදූ උපකරන කෞතුකාගාර වල දැකිය හැක. විද්‍යාවේ අන්ධකාරයෙන් හා මානව ශිෂ්ටත්වයේ අන්ධකාරයෙන් අග්‍ර දෙවිදුගේ  ප්‍රභාව අද මදක් යටපත් වී තිබෙන බව කනගාටුවෙන් වුව කිව යුතුය.


අග්‍ර දෙවිදුගේ බැතිමතුන් ආසියාවේ අප්‍රිකාවේ හා ලතින් ඇමරිකාවේ මිත්‍යාදෘෂ්ටිකයන් ගැන විස්සෝප වී ඔවුන් දෙව්ලොව යැවීමටද කාරුනික වූහ.
කෙසේ වෙතත් අග්‍ර  දෙවිදු වෙනුවෙන් පෙනී සිටින  වැඩිමහල් සොහොයුරන් දෙදෙනා අද සාමකාමීව සිටියත් බාල සහෝදරයා තවම චන්ඩිකම් කරයි. ඒ ඔහු තවම වැඩිවියට පත්වී නැති නිසාය.

ඔහු වැඩිමහලු සහෝදරයන්ටද ඉදහිට සත්තම දාන බව නිව්ස් ඇසූ විට පෙනේ. අග්‍ර දෙවිගේ නියම පුත්‍රයා තමා බව කියා ගෝරනාඩු කරයි.


අග්‍ර දෙවිදු සරන යාමෙන් පුද්ගලයා තුල ඇතිවන විපර්යාසය පෙන්වීමට අවකන  දේශය උදාහරනකට ගමි. අවකන දේශයේ ( ඇෆ්ගනිස්තානයේ)  වැසියෝ බාමියන් වැනි විශාල පිලිම ඉදිකරමින් තෙල් මල් පුදමින් සිය සතුරන්ට බොලව් බොලව් කීමට එහා නොයමින් සිල්ලර ජීවිත ගත කරන කල්හි සත්‍යයේ පණිවිඩය ලැබුනි. ඒ පනිවුඩය ලැබුනේද සිල්ලර විදියට නොවේ. අග්‍ර දෙවිදුගේ බාල පුත්‍රයාගේ අනුහස ඇෆ්ගන්වරුන්ට ලැබුනි.

සැනෙකින් ඇෆ්ගන්වරයා පිබිදුනි. මරන හා මැරෙන අය ස්වර්ගයට යන මහා රණ හඩක් ඔහුගේ සවන වැකුනි. ඝස්නි හි **** ,ඝූර්හි **** ඉන්දියාවට පහර දුන්නේ සෙල්ලම් ගෙවල් බිද දමන්නාක් සේය. සින්ද් හි පාල රජවරු පරාජය වුනේ සිනහ උපදවනලෙසිනි. ඝස්නි හි **** සෝමනාත දේවාලය වැනසීමේ සටන මහත් උත්කර්ෂයෙන් ලියා ඇත. ඉන්දියන් සේනා පිරිවරාගත් හින්දු බමුනෝ **** ට කල කන්නලව් අහස තෙක් විහිදුනි.ඒ සියල්ල අලුයම ලූ කෙල පිඩක් සේ බැහැර කර  සිංහ රාජයෙක් සේ ආ **** සිය පා පහරින් දේවාලේ දොරට ගැසූ විට රන් රිදී මුතු මැනික් විසිවුන හැටි අසන්නට  ප්‍රියය.ඔහු අවංකයෙකි. ඔහුට දුන් අල්ලස් ප්‍රතික්ෂේප කලේ අල්ලස් ගෙන මිත්‍යාවාදීන් බේරුවා කියා අග්‍ර දෙවිදු ඉදිරිපිට වරදකරුවෙක් වීමට තමාට බැරි බවයි.


මැද පෙරදිගින් ආ වීර පුරුෂයන් අතර ***** *** නම් වීරයෙක්ද විය. යුද්ධවලට වඩා විහිලු වූ ඉන්දියා සටන් වල යෙදෙන විට ( උදේ පාන්දර  කම්මැලිකම යන්නත් එක්ක එක් සටනක් දිනා  දවල්ට කැමට පෙර  තව සටනක් දිනා එන )දෙතුන් සීයක් විසින් දස දහස් ගනන් වූ සේනා පරදවමින් මෙසේ හින්දුස්ථානය පුරා සරන විට ***** *** ට බිහාරයේ අමුතුම අත්දැකීමකට මුහුන දෙන්නට සිදුවිය. කහපාට වස්ත්‍ර හැද හිස් මුඩුකල බමුනන් දහස් ගනනකි. අසුවල් පොත තොපලග තිබේදැ‍යි ඇසූ *** ට ඔවුන් කීවේ පින්වත ඒ පොතනම් අප ලග නැත කියායි. කලින් සටන් වලදී හමුවුනේ අඩුගානෙ අවම විරෝධයක්වත් දක්වන පිරිසකි. බොලව් බොලව් වත් නොකියා  පරාජය වූ විට මරනානුස්මෘති භාවනාව වඩන මොවුන් හා සටන් *** වැන්නෙකුට තරම් වේද?ඔහු මේ අය දිව්‍ය ලෝකයට ( ඔහුට අනුව අපායට ) යැවීය.


පොතක් නිසා එක් රටක පරම්පරා දෙකතුනක වෙනස් පැහැදිලිකිරීමට ඇෆ්ගන් උදාහරනය ගත්තෙමි. එක් පරම්පරාවක් බොලව් බොලව් කීමට එහා නොගියේය. ඔවුන්ගේ මී මුනුපුරෝ කඩුව අතට ගත්හ. මෙය ඒ තරම් මහානුභා වසම්පන්න පොතකි. ඒ බාල සහෝදරයාගේ පොතයි. මද්දුම සහෝදරයාගේ පොතද මහානුභාව සම්පන්නය. පෘතුගීසීන් ස්පාඤ්ඤ වරු ලොව පුරා වීර ක්‍රියා කලේ මේ පොතේ අනුභාවයෙනි.

එමනිසා මේ පුස්තක වහන්සේ විවේචනය නොකල යුතුමය. තොටවත්ත මෙය විවේචනය කල ආකාරයද මගේ සිත් ගත්තේ නැත. ඔහු වර්ග සමූලඝාතන ගැන වැඩිපුර කතා නොකල නිසාය. ඔහු කහා කලේ සභ්‍ය අසභ්‍ය වාදයයි. කන්නගී ගේ කොලිටිය ගැනද කියමින්  කිරි දරුවන් මැරීම ගැන ඔහු කතා කළා වුව ඒ ඉතා අඩුවෙනි.කන්නගී සිටියේ කෘෂිකාර්මික දකුනු ඉන්දියාවේය .මේ  කතා කරන්නේ එඩේරුන් සිටි සැඩ පරුෂ මැද පෙරදිග කාන්තාරය ගැනයි.


දේවදූතයන් පා තබන්නටවත් බියවන තැන තොටවත්ත පිනුම් ගසා තිබේ.


මම තොටවත්තගේ අදහස් හෙලා දකිමි. මා ප්‍රිය කරන්නේ ඔහුගෙන් ගේම ඉල්ලූ මෝදර කොල්ලාටය.ඊට හේතුවක් ඇත. අවුරුදු හාරදහසක්  පමන පරන දේවල් නැවත අදින්නේ ඇයි. අප කළ යුත්තේ ආගම්වල යහපත් දේ මතුකර අයහපත් දේ කාලයේ වැලිතලාවෙන් වැසීම නේද? අද පවතින යථාර්ථය තුල අප ජීවත් විය යුතු නේද? ලක්ෂගනන් මිනිස්සු වෛර බැද ගන්න ඔවුන්ගේ සිත් රිදවන දේවල් ප්‍රචාරය කරන්නේ ඇයි? නිකම් අහක යන ප්‍රශ්න පටලගන්නෙ ඇයි? ඔවුන්ගේ විශ්වාසය ඔබට මිත්‍යාවක් වුවද ඔවුන්ට එය පරම සත්‍යයකි. 

 ඔහු කතා කලේ උපරිම සංයමයෙන් බව ඔහු කීවේය.තනියම මුනගැසුනොත් කතා කරන්නෙ මෙසේ නොවන බව ද කීවේය.  එසේම ඔහු සේ නොඉවසන වෙනත් බැතිමතුන්ට මුනගැසුනොත් වෙන දේ ඔහු කියන විට මගේ ඇගේ මයිල් කෙලින් සිටියේය. මේවා නිකම්ම වචන නොවේ. ඉතිහාසයක් පුරා ඔවුන් ක්‍රියාවෙන් ඔප්පු කල දේවල්ය.

මෝදර කොල්ලාගේ ඉවසීම ගැන ඔහුට ස්තූතිවන්ත වෙමි.ඔහුට කෝපවීමට සාධාරන හේතු තිබේ. යමෙකුගේ  විශ්වාසය ඔහුට පරම සත්‍යයක් වුවද තව කෙනෙකුට  මිත්‍යාවකි .ඔහු ආගම සිය මෑණියන්ට සමාන කරයි. එම සැසදීම නම් අනේ මන්දා. ආගම යනු අප වෙත පටවන ලද්දකි. මෘදු බලහත්කාරය පාවිච්චි කර අශෝක අධිරාජයා අපට ආගමක් පැටවූ හැටි බලන්න. දැන් අප එය කරතබාගෙන යමු. ඒ වාගෙ තමා ඉතින්. ලෝකෙ කොතනත්ය් වුනේ ඕක. රජා වැලදගත් ආගම වහල් ජනතාවත් වැලදගත්තා. ඔනම ආගමකින් වාසි ලබන්නෙ පූජකයො.




අග්‍ර දේවිදුගේත් සියලු මුරුතැන් බත් හා පලතුරු දේවතාවුන්ගේත් පිහිටෙන් තොටවත්තට බුද්ධිය පහල වේවා. සියලු මෝදර කොල්ලන් සන්සුන් වේවා.


අබරන් කළ දෑ විමසා අතීතයක් කැන
නොසිටිනු යටගිය දෙයකට නුඹේ මුවින්  බැන
අබරන් අද ඉන්න විදිය ගැන පසසනු මැන
ඉන්දිකයෝ අබරන් ගේ දොසක් නොකිව මැන


පසුව ලියමි .


මේ ලිපියත් ටිකක් වගෙ අවුල් කියා සිතුනොත් මෙය ඉවත් කරගනිමි. මේවා ඒ තරම්ම සංවේදී මාතෘකා නිසාය.ලිපියේ සමහර තැන්වල තරු දා ඇත්තේ කී බෝඩ් එකේ එම අකුරු ටයිප් කළ නොහැකි නිසාය.  ඒබ්‍රහමික ආගමක ට අදාල ලිපියක් නිසා කී බෝඩ් එක  වෙව්ලන්නට වූයෙන් ලිපිය සකස් කලේද අමාරුවෙනි.බය නැති අලුත් කී බෝඩ් එකක් ගත යුතුය. මාතෘකාවේ සිත්වල කියන වචනය වෙනුවට වෙනත් වචනයක් දැමීමට සිත්වුවද ඒකත් කේස් එකක් වෙයි කියා එම වචනය වෙනුවට සිත්වල කියා දැම්මෙමි.


Sunday, April 5, 2020

කොරෝනා බටහිර හා ආසියාව

ලොව පුරා කොරෝනා රෝගයට අලුතෙන් ආසාදනය වීම හා මරන ප්‍රස්තාරය ෆ්ලැට් වී ඇත.ලෝකයේ අලුතෙන් 80000 ක් දිනකට ආසාදනය වන විට 5000 ක් පමන මියයන මට්ටමේ නතර වී ඇත. අද මීටත් වඩා අඩුවී ඇති අතර එන්න එන්නම අඩුවනු ඇත.සමස්ත මරන ප්‍රමානය ලක්ෂයක් වී සමස්ත ආසාදිතයන් ගනනන් ලක්ෂ විස්සක් වී ඇමරිකාවේ ආසාදිත ප්‍රමානය ලක්ෂ දහයක් පමන වූ පසු එන්න එන්නම රෝගීන් අඩුවෙමින් යනු ඇත.පීක් එකෙන් බසිනු ඇත.සැප්තැම්බර් පමන වන විට කොරෝනා ලෝකයෙන්ම අතුරුදන්වනු ඇත මීට හේතුව ලෝක නායකයන් තම ආකල්ප වෙනස් කර ලාභයට වඩා ජීවිත වටිනා බව තේරුම් ගැනීමයි.

කොරෝනා නිසා බලවත් අපහසුතාවයට පත්වුනේ බටහිර වන්දනාමාන කරන පිරිසයි. සුද්ද මෙච්චර අනාගනීවිද කියා ඔවුන් අන්ද මන්ද වී ඇත.

අච්චර සුද්ද මෙච්චර ඇනගනියිද කියා විශ්මයට පත් අය විවිධ සිත නිවන කතා කියති.
බටහිර රටවල් මේ කරන්නෙ පැතිරෙන්න ඉඩ අරිනව ස්වාභාවික ප්‍රතිශක්තියට (herd immunity)ඉඩ දෙනව .වගෙ කතා ඇසෙන්නේ එනිසාය.
ඒත් ඇත්තනම් සුද්ද ඇනගත්තේය.ඒ වල්බූරු නිදහස නිසාය.
චීනයේ වූහාන් හි රෝගය පැතිරෙන විටම බටහිර ලෝකය සැලකිලිමත් විය යුතුව තිබිණි. මාර්තු මුල තම රටවලින් රොගීන් වාර්තා වන විටද ඔවුන්ට වගේ වගක් නොවීය.

චීනා වැඩේ ලස්සනට ගොඩ දා ගත්තේය. චෙනයේ සංඛ්‍යාලේඛන ගැන මමද විශ්වාස නොකරමි. ඒත් රෝගය පාලනය කලේ චීනා පමානක නොවේ. දකුනු කොරියාව තයිවානය හා සිංගප්පූරුවද රෝගය පාලනය කරගෙන ඇත.

ඉන්දියාවේ රෝග පාලනය ගැන සමහරුන්ට විවේචන ඇත. ඒත් කෝටි 130 ක ජනගහනයක රෝගය පැතිරුනොත් එය පාලනය කරගැනීම දුෂ්කරය. රෝග පැතිරුන පසු දියුනු රටවලටටත් රෝග සත්කාර හා පහසුකම් සැපයීම අමාරුවී ඇති නිසා අපේ වගෙ රටවල කල යුත්තේ රෝග නිරෝධායනයයි.ඒ සඳහා දැඩි ක්‍රියාමාර්ග ගන්න තරමට අරමුන කරා යාමට පහසු වේ.

ලංකාවද බොහෝ දුරට සාර්ථකය. සුද්ද ඇනගන්නවා සියැසින් දුටු නිසා ඉන් පාඩමක් ඉගෙන ගැනීම අපේ සාර්ථකත්වයයයි.

වෛරස් වල තර්ජනය මිනිස් ඉතිහාසය පුරාම දැකිය හැක. එම නිසා රෝගවලට මුහුන දිය හැකි යාන්ත්‍රනයක් අවශ්‍යය. 
ඒ සඳහා පුද්ගල දුරස්ථකරනය ,නව තාක්ෂනය භාවිතා කෙරෙන සන්නිවේදනය,ග්‍රාම රජ්‍ය වැඩපිලිවෙල,සූදානමින් සිටීම යන කරුනු මත පදනම් වැඩ පිලිවෙලක් අවශ්‍යය.

පුද්ගල දුරස්ථකරනය - පුද්ගල සම්බන්ධතා රෝගවලට සරුපසක් නොවන සේ අතේ දුරින් තබා ගැනීම.
නව තාක්ෂනය භාවිතා කෙරෙන සන්නිවේදනය - ගෙදාර් සිට වැඩ කිරීම හා වෙනත් තොරතූර් බෙදාගැනීම දියුණු සන්නිවේදන තාක්ෂනය තුලින් සිදුකිරීම.
ග්‍රාම රජ්‍ය වැඩපිලිවෙල - ගමට අවශ්‍ය නිශ්පාදන ගමේම සිදුකිරීම. නගර කේන්ද්‍රකරගත් මහා නගර මිත්‍යාවෙන් මිදීම.
සූදානම් සරීරෙන් වැඩ කිරීම - නිතරම ව්‍යසනය අතිශයෝක්තියෙන් උපකල්පනය කර ඉන් මිදෙන මානසිකත්වයක් ඇතිකරගත යුතුය . අපගේ ලොකුම දුර්වලකම ශක්තිය දුර්වලතා අවස්ථා තර්ජන විග්‍රහ කිරීමේදී දුර්වලතා හා තර්ජන ගැන දක්වන අඩු සැලකිල්ලයි.මෙය ව්‍යසන කැන්දාගැනීමකි. 


Saturday, March 21, 2020

කොරෝනා වලින් උගත් පාඩම්


  • කිසිම ජ්‍යොතිර්වේදියෙකුට අධිමානසිකලාභියෙකුට කලින් කොරෝනා ගැන අනාවැකි කීමට බැරිවූ බව - ග්‍රහලෝකකාරයෝ,වාලම්පුරිකාරයෝ ,දෙවිවරු එකෙක්වත් නැත.ප්‍රශ්නය විසදුන පසු සාක්කු සුද්ද කිරීමට ඔවුන් ආපසු එනු ඇත.



  • පන්සල් ,පල්ලි,දේවාල වසා ඇති බව රෝහල් විවෘත කර ඇති බව - මේ අය කරන්නේ රෝග පැතිරීමට සහාය වීමයි. රටින් රටට බොහෝ රෝග ගෙන ගොස් ඇත්තේ ආගමික විගඩම් කාරයන්ය. මොවුහු රෝග වාහක පිරිසකි. ඔවුන්ට කළ හැකි එකම සේවය විද්‍යාව හා තාක්ෂනය විසින් මෙම ප්‍රශ්නය විසදන තුරු පැත්තකට වී සිටීමය. ප්‍රශ්නය විසදුන පසු පුරුදු පරිදි අවුරුදු දහස් ගනන් පරන පොත් පෙරලා ඉන්ද්‍රිය ගෝචර නොවන ලෝකය ගැන බොරු බේගල් කීමට පුලුවන.


ඉහත කාරනා ගැන කතා කිරීමද කාලය කා දැමීමකි. නමුත් පහත කරුණු ගැන අවධානය යොමු කිරීම වැදගත් වේ.



  • රාජ්‍ය අංශය ශක්තිමත් විය යුතු බව. - ඕනෑම හදිසි අවස්ථාවකට මුහුන දිය හැකි ශක්තිමත් රාජ්‍ය අංශයක් ඕනෑම රටකට තිබිය යුතුය.මෙම ශක්තිමත් රාජ්ය අංශයට ආහර නිෂ්පාදනය හා සෞඛ්‍ය පිළිබද විශේශඥ ශ්‍රම බලකායකින් සමනවිත විය යුතුය. සෞඛ්‍ය සේවයට අයවැයෙන් සැලකිය යුතු ප්‍රතිශතයක් වෙන් කිරීමට සියලුම රටවල්කට සිදුවන අතර ඕනෑම අවස්ථවකට ප්‍රයෝජනයට ගත හැකි ආහාර සංචිතයක්ද තිබිය යුතුය. ටයිටැනික් නැවේ ජීවිත ආරක්ෂක බෝට්ටු ස්වල්පයක් තිබූ නිසා සිදුවූ ජීවිත හානිය වැනි ගැටලුවක්  රෝහල් වල ඇදන් සීමිත වීම නිසාද  ඇතිවේ.

  • පුද්ගල දුරස්ථ බව - බොහෝ රෝග බෝවන්නේ පුද්ගල සම්බන්ධතා නිසාය. ආචාර සමාචාර වැනි දේද යම් දුරස්ත බවක් තබාගෙන සිදුකිරීම වැදගත්ය. එසේම තාක්ෂනය දියුනු නිසා නිවසේ සිට ඉගෙන ගැනීම,නිවසේ සිට සේවය කිරීම ද ප්‍රවර්ධනය කළ යුතුය.එවිට මහා මාර්ගවල තදබදයද සැලකිය යුතු ප්‍රතිශතයකින් අඩුවේ. රැකියාවලින් 50% ක්ම නිවසේ සිට කළ හැකි ඒවායි.


  • ගත යුතු තීරන ඒ මොහොතේම ගැනීම  - බොහෝ රටවලට කොරෝනා පැතිරුනේ ගුවන් තොටුපොලවල් නියම වෙලාවේ නොවැසීම නිසාය.


  • වල්බූරු නිදහස නොමනා බව - චීනයේ කොරෝනා සාර්ථකව පාලනය කළේ එරට වල්බූරු නිදහසක් නැති නිසාය. බොහෝ අවස්ථාවල චීන ක්‍රමය වැඩකරන බව අපට පිලිගැනීමට සිදුවේ


  •              ස්වයංපෝෂිත ආර්ථිකයක් තිබිය යුතු බව - ආහාර ද්‍රව්‍ය ගබඩා කර තබා ගැනීමට බොහෝ දෙනෙකි යුහුසුලු වුවද අප එවැනි දෙයකට යොමු නොවීමු. ඊට හේතුව වී ,පොල් හා යම් ප්‍රමානයකින් එලවලු තිබෙන නිසාය.අඩු තරමින් කෙසෙල් මුවයකින් කොහිල අලයකින් හෝ ශේප් විය හැකි නිසාය. මේ හැකියාව සියලුදෙනාටම අවශ්‍යය.


  • බෙදාහැරීමේ හා සම්බන්ධීකරන ක්‍රමවේදයක් තිබීම - හදිසි අවස්ථාවකට මුහුන දීමට ලක්ෂ දහයකවත් ස්වෙච්ඡා සේවයක් තිබිය යුතුය. ආහාර ද්‍රව්‍ය බෙදා හෑරීමට හෝ සේවය අවශ්‍ය අයට සේවා සැපයීමට හෝ ක්‍රමවේදයක් තිබිය යුතුය.

  • පරිසරය ආරක්ෂා කිරීම - කොරෝනා නිසා මිනිසුන් නිවෙස් වල සිටින අතර පරිසරය සැනසුම් සුසුමක් හෙළයි. ජලය නිල් පැහැයට හැරී ඇත. මාලු පීනති. කර්මාන්තශාලා වලින් දුම් පිටවීම නැවතී ඇත.

  • අදි පරිභෝජනවාදී ධනවාදයට මෙම ප්‍රශ්නය කළමනාකරනය කරගැනීමට බැරි බව - මෙය එන්න එන්නම පැහැදිලි වන්නකි.


සොබාදහමේ අපූර්වත්වය පෙන්වන වීඩියෝවකි. සොබාදහම යනු යුක්තියේ කැඩපතක් නොවේ. කවරම හෝ අරුම හේතුවක් නිසා ජාන ඉදිරියට ගෙන යාමේත් ඒ සඳහා අනුන් ගොදුරුකරගැනීමේත්  යාන්ත්‍රණයකි. ජාන ඉදිරියට ගෙන යාම පමනක්ම සත්වයාගේ කාර්යභාරය වන අතර එම කාර්යභාරය ඉටුකරන තාක් සොබාදහමේ අනුකම්පාව ලැබේ. වියපත් අයගෙන සොබාදමට කමක් නැත .ඔවුන්ට කොරෝනාගෙන් අනුකම්පාවක් නැත. මෙම වීඩියෝවේ කිරිල්ලගේ දරුපවුල ගැන ප්‍රශ්නය මිනිසුන්ගේ ප්‍රශ්නයක් මිස සොබාදහමේ ප්‍රශ්නයක් නොවේ.

https://www.youtube.com/watch?v=VvNrOVf17Es&fbclid=IwAR3V8nqlMsbgJ0J_LiEVwzuhKWbP7RZC1AP3nCN5XFwdFDpMwou1sVh-kUA&app=desktop

Friday, March 13, 2020

බළළා මැටියෙන් වුනත් මොකද මීයො අල්ලනවනම්

පසුගිය දිනවල ස්වාමීන් වහන්සේ නමක්   ධර්ම දේශනාවන්වලදී  කළ අදහස් දැක්වීම්  අල්ලගෙන පිරිසක්  බුකිය දෙවනත් කල බව අපි දනිමු.එහෙත්  අප කළ යුත්තේ වචනාර්ථය ගැනීම නොව අභිලාශය තේරුම් ගැනීමයි. එසේ නොවුනහොත් ස්වාමීන් වහන්සේගේ අදහසට විසුලු සහගත තේරුමක් ලැබෙනු නො අනුමානය.

ප්‍රස්තුත කතාව 

සැමියා බිරිදට තේ හදා දුනහොත් බිරිද අපායෙ යයි.

මේ අදහස බොහෝ ඊනියා නූතනවාදීන්ගේ බයිට් එකක් වීම නො වැලැක්විය හැක. එහෙත් ඇත්තටම ස්වාමීන් වහන්සේ කියන්නට හැදුවේ කුමක්ද ?

ටෙලි නාට්‍ය බලන්නට ඇබ්බැහිවී නිවසේ වැඩ මුලුමනින්ම අතපසු කරන කාන්තාවන්ට ඔවදනක් දීමය. මුලුමනින්ම කියන වචනය හයිලයිට් කරගන්න. නැත්නම් ඇතමෙක් මේ වාක්‍ය පසුපසද එලවීමට ඉඩ ඇත. පුරුෂයෝ මත්පැන් වැනි දුරාචාරවලට ඇබ්බැහිවී පවුලේ වගකීම් පැහැර හරිති. ඒවාටද මෙසේ ඔවදන් දී ඇත.මෙයද එවැන්නකි. උන් වහන්සේ  උග්ගහ සූත්‍රයෙන් මූලාශ්‍රයක් ගෙන ඇත. ඉදින් ස්වාමීන් වහන්සේ නමක් දහම් දෙසන විට මූලාශ්‍ර ගත යුත්තේ බුදු බනෙන් මිස වෙන කොහින්ද ?

නූතන උපදේශන සේවය මීට වඩා සුදුසු නැද්ද

නැත. ලංකාවේ උපදේශනය ජනප්‍රිය නැත. ආගමික සමාජයක ආගමට උපදේශනයට වඩා දෙයක් කළ හැක.අනෙක් අතට මේ දෙසුම කලේ සාමාන්‍ය බුද්ධියක් ඇති ගෘහිනියන් පිරිසකටය.සෝප් ඔපෙරාවලට ඇබ්බැහි වී සිටින්නේ ඔවුන්ය.   ඔවුහු ඉහලට ඉගෙන ගත් අය නොවේ.බුකියේ දාර්ශනිකයන් කලබල විය යුතු නැත. 

අනෙක් කතාව 

විවාහ වී දරුවන් දහ දොලොස් දෙනෙක් ලැබුවත් සැමියාගේ ඇඟ දැක නැත කීම විසුලු සහගත නොවේද?

ස්වාමීන් වහන්සේට අවශ්‍ය වුනේ කාමය අංක එක නොවන බව කීමටටයි. මේ දහම දෙසුම කලේ පාසල් යන නව යව්වන යව්වනියන් පිරිසකටය. රූම් යමින් සිසුවියන් තම ජීවිත නාස්තිකර ගැනීම ගැන ඔබලාත් මැසිවිලි නැගුවා නේද ? දරුවන් අපචාරයට ලක්වෙම ගැන ඔබ විලාප දුන්නා නේද ?ඒවාට තමා මේ බේත දෙන්නේ.

පසුව ලියමි.

මේ පෝස්ට් එක බුකියේ වයිරල් වූ තේ පෝච්චියේ ගැටුම හා ඇඟ දැකපු නැති කතාව දන්න අයටය. අනෙක් අයට මෙය තේරුම් ගත නොහැකිවනු ඇත. එහෙත් බ්ලොග් කියවන අය බුකියේද ස්ථිර පදිංචිකරුවන් බව  මම දනිමි.

Saturday, March 7, 2020

රත්තරන් බැන්ද කටුස්සා

දැනුම පිළිබද ව්‍යාජ ආරෝපණය ක්‌  තියෙනවා.  දැනුම දරන්නා සහ සෙසු අය මෙහි ගොදුරු.  නමුත් බලපුවම ඇති දෙයක් නෑ.  මෙම බන්ධනය බිදින තුරු සමානතා සමාජය ක්‌ බිහි වෙන්නේ නෑ.

මට මතකයි අපේ ඉස්සර අපේ ට්‍රැක්ටර් එකේ වැඩ කරපු කෙනා කියපු කතාවක්.
ට්‍රැක්ටර් එකක වැඩ දන්නවා කියන්නේ රටක් රාජ්‍යයක් වගේ කියලා. ට්‍රැක්ටර් ගැන නොදන්නා අයට මෙය පීඩිත ආරෝපනයක්, ට්‍රැක්ටර් කාරයට පීඩක ආරෝපණය ක්‌.

මේ වගේම දෙයක් ඩ්‍රයිවින් ලයිසන් ගන්න ට්‍රේනින් ගිය මුල් දවසේ වුණා.
සුක්කානමේ අත තිබ්බ මුල් දවසේ පුහුණු කරන එකා කිව්වේ මේක හරියටම කරන්න පුළුවන් එකෙක් මේ ලෝකෙවත් නෑ ලු. ඒ තරම් මාර බක්කක් ලු.

නමුත් අද ඩ්‍රයිවර්ලස් වෙහිකල්ස් පවා තියෙන්නේ.
කුන්ෆු පන්ති යට ගිය මුල් දවසේ මාස්ටර් කිව්වේ මේක සප්ත මහා සාගරයක් අපි කරන්නේ ඉන් ඇගිල්ල තේමා ගන්න එක කියලා.
මේ ව්‍යාජ ආරෝපණය හැම දනුමකටම හැම වෘත්තීය කටම තියෙනවා.

උඩ උදාහරණ මහා ලොකු රැකියා වල නෙමෙයි. ඒවා අසත්‍ය බව පෙන්වා දෙන්න අමාරු නෑ. ඒත් සමහර රැකියා ඒවට වඩා වෙනස්. එම රැකියා වලට යන්න අමාරුයි. ඉතින් ලොකුය කියන ඒවගේ තත්වය භයානක යි. මොකද ඒවා දාන්න හා ඉගෙන ගැනීමේ විභවය අඩුයි.

මේ දැනුම හා වෘත්තීය අධි ආරෝපණය/ව්‍යාජ ප්‍රතිබිම්භය  ප්‍රතිගාමී දෙයක්. කෙට් කාලීන පුහුණු වකින් බොහෝ රැකියා ඕනම කෙනෙක් ට කළ හැකියි. දිගු කාලීන පුහුණු වකින් පසු ඉතිරි රැකියා ත්.

යම් විභාග යකින් සමත් වූ පසු මෙසේ ම පුද්ගල පෞර්ෂය අධි ආරෝපණය වීමක් දැකිය හැක.

අනික් අය දන්නෙ නැති දෙයක් මම දන්නව හෝ අනික් අයට කරන්න බැරි දෙයක් මම කරනව හෝ අනෙක් අයට නොලැබුන අවස්තාවක් මට ලැබුන මම මාර පොරක් ය කියන හැඟීම.මෙන්න මේක තමා මනෝභාවය.

සැබෑ සමානාත්මතාව කරා යන්න නම් මෙන්න මේ ප්‍රතිගාමී බාධකය පනින්න ම වෙනව. එහෙම නැතිව ධනෝපායන මාර්ග ගැන කතා කරලම හරියන්නෙ නෑ. ධනය බලය පමනක්ම නෙමෙයි කීර්තිය ඇතුලු ඕනෑම මාදිලියක සුවිශේෂතාවයක් පරාජය කරන්න ඕන.


සමාජය වෙනස් වන්නේ නිෂ්පාදන ක්‍රමවේද වෙනස් වීමෙන්.  වර්තමානයේ කෘත්‍රිම බුද්ධිය මගින් මේ සියලු අධි  ආරෝපනයන් සහ ව්‍යාජ ප්‍රතිබිම්භ බිද දමනු ඇත.

පසුව ලියමි.

මේ ලිපිය කියවනවිට මා කුන්ෆු කාරයෙක්ය කියා කෙනෙක් වරදවා සිතන්නට ඉඩ ඇත. ඒ කාලෙ ටී වී එකේ ගියා කතාවක්. ගමින් ගමට යන ශා ඔලින් පූජකයෙක් ගැන. එහි ඩේවිඩ් කැරඩින් ගෙ රංගනය විශිෂ්ටයි. අපි පොඩි උන් විදියට ඒකෙන් වශී වෙලා හිටියෙ.කුන්ෆු ඉගෙනගන්න ඕන වුනාට සල්ලි නෑනෙ.ගෙවල්වලින් ඉඩ දෙනවයැ ඕවට.ඒත්  ගෙදරට හොරෙන් කුන්ෆු පන්තියකට ගියා. දවස් දෙකයි ගියෙ. තව දවසක් ගියානම් සල්ලි දෙන්නම වෙනව.හෙට දෙන්නම් කියල අමාරුවෙන් කාඩ් කපන එකාට ශේප් වුනා. මුල් දවසෙ මාස්ටර් දීපු පොර ටෝක් එක තදට වැදුන.සප්ත මහ සාගරෙන් ඇගිල්ල තෙමන කතාව කිව්වෙ එදා.


ශාඔලින් ආරාමෙ අන්ධ ප්‍රදාන පූජකය තනකොලපෙත්තට දෙන දාර්ශනික ටෝක් වගේම මේ මාස්ටරුත් මාර ටෝක් දෙන්නෙ. කුන්ෆු ක්ලාස් යන්න බැරිවුන එක ගැන ඒ දවස්වල හුගක් දුක් වුනා.
Image result for david carradine
David carradine