Friday, August 28, 2015

කොරියන් ගොනා පොල් පැලේ කයිද

අරුණි අපූරු ලිපියක් පළ කර ඇත.එය මාද කැමති විශය ක්ශේත්‍රයකි. ඇත්තෙන්ම මම විවේක වෙලාවට ගූගල් සර්ච් කරන විට නොවැරදීම ටයිප් කරන වචන කිහිපයක් වෙයි.3d printing ,virtual reality , artificial intelligence  ඒ අතර වෙයි.ත්‍රිමාණ මුද්‍රණ තාක්ෂනයෙන් නිර්මානය කළ හොටක් පක්ෂියෙකුට බද්ධ කිරීම ගැන එම ලිපියේ සදහන් වේ. ඇත්තෙන්ම බයෝනික් අවයව නිර්මාණය, නිවාස ගොඩ නැගීම, රොකට් එන්ජින් වල අමතර කොටස් පවා මෙම තාක්ෂනයෙන් නිර්මාණය කෙරේ.


බ්ලොග් කලාව දැනුම සොයායන සංවාද කරන දිශානතියක් කරා යා යුතුය.  සමාජයේ බුද්ධි කලම්බනයක් ඇති කළ හැක්කේ එසේය.තාක්ෂනය පෙර නොවූ විරූ වේගයකින් ඉදිරියට යයි. ගින්දර සොයාගැනීමෙන් බොහෝ කලකට පසු රෝදය සොයා ගැනුනි.  රිදී රත්තරන් වැනි මූලද්‍රව්‍ය සොයා ගත්තත් ඒවා  පටු සීමා වලට කොටුවිය. පැරණි ලෝකයේ සොයාගැනීම් අතර මාළිමාව ,ඉදිකිරීම් තාක්ෂණය සහ වාරි තාක්ෂනයට අදාල සොයා ගැනීම් ප්‍රතිඵදායක වූ බව සැබවි.එහෙත් ඒ ඉතා සෙමෙනි. අද මෙම දියුණුව සිදුවන්නෙ හිතාගන්නත් බැරි තරම් වේගයෙනි.

බටහිර විද්‍යාව හෙළා දකින නලින් ප්‍රාඥයා වරෙක කීවේ සමහර ඇංකරයන්ට ,පඩියන්ට පරිගකය මහා මෙවලමක කියාය. ඇත්ත කාට නැතත් මට නම් පරිගනකය විශ්මයකි.බටහිර විද්‍යාව හා තාක්ෂනය වේගයෙන් ඉදිරියට යයි. හඳට බුරන බල්ලන් මෙන් මේවා විවේචනනයෙන් අපට ලැබෙන දෙයක් නැත. අපේ අනුරාධපුර යුගයේ මීට සමාන කළැ හැකි තාක්ෂනයන් තිබුනේ නැත. දැනුම සංස්කෘතියට සාපේක්ශ යැයි කියන නලින් ඔහුගේ කෘතියක කීවේ අයින්ස්ටයින් අනුරාධපුර යුගයේ ජීවත් වුනානම් සාපේක්ෂතාවාදය සොයා නොගනු ඇත කියාය. ඇත්තය අයින්සටඉන් එකළ සිටියානම් ඔහු කළ සොයාගැනීම් වලට හිස් ගැසුම් කන්නාට සිදුවනු ඇත. රජෙකුට දුම් අල්ලමින් සිටි පසුගාමී සමජයක් මිස අපට දැනුම සොයන සමාජයක් තිබුනේ නැත.  ඇත්ත කතාව ඒකය.අප සිටියේ ඉන්දියාවේ කාබන් කොපියක් ලෙසය. 

දැනුම සොයායාම ගැන මුල්ම ගෞරවය දිය යුත්තේ මුස්ලිම්වරුන්ටය. ඔවුහු ඉදිකිරීම් ,දේශ ගවේශන ,ඇල්කෙමි ශාස්ත්‍රය ප්‍රගුණ කළහ.මුලිම් ප්‍රගතිය ඔටෝමන් යුගවලදී නතර විය. එය අතට ගත්තේ යුරෝපීයයාය.  යුරෝපයේ අදුරු යුගයෙන් පසු පල්ලිය හා රජා එලවා මානවවාදී සමාජයක් බිහිවූ පසු යුරෝපීයයා ගියේ දිගු ගමනකි.අනාගතයේ නිෂ්පාදන ක්ශේත්‍රයේ දැවැන්ත පෙරළියක් කිරීමට නියමිත 3d printing ද එම ගමනේදී හමුවූ රසවත් පළතුරක්මය.

විශ්වය ගැන සෙවීම නිෂ්ඵලය කියා අත් පය බැද රෙද්දක් පොරවගෙන නොසිට ආසන්න චක්‍රවාට කරා පවා යාමට අනාගත මිනිසා සමත් වනු ඇත අවශ්‍ය වන්නේ සුබවාදී දැක්මයි.

එහෙත් මේ ගමන යාමට පහසු වේද .කිසිසේත්ම නැත. පසුගාමී ම්ලේච්ඡ කාලකන්නි අමන තකතිරුවන් පිරිසක් ඊට උදැල්ල දමති. මේ අමන ගොබ්බ මී හරක් කවුද?

එක් පිරිසක් නම් මැදපෙරදිග  ත්‍රස්තවාදීන්ය. ඔවුන්ට අවශ්‍ය රෑ දාවල් අල්ලා අල්ලා කියා බෙරිහන් දීම පමණි.මානව සංහතියේ ප්‍රගමනය 15 වැනි සියවසේ ලියවුන පොතක පිටු අතර සිරකිරීමටටය. යුරෝපයේත් මේ වගෙ අයියල සිටියත් අද උන් ට කර කියා ගන්නට දෙයක් නැත.ජනතාව ආගමික උන්මත්තකයන්ට වඩා ඉදිරියෙන් බැවිනි.

ISIS ටත් වඩා මානව ප්‍රගමනයට බාධාකාරී වන්නේ උතුරු කොරියාවේ තනි පක්ෂ නාඩගමය. මාක්ස්වාදය කොරියාවේ සුවිශේෂ තත්වයන්ට ගලපා අපූරු රාජාන්ඩුවක් කිම් ඉල් සුන් නිර්මාණය කළේය. කෝටි දෙක හමාරක් මිනිසුන් සෙසු ලෝකයෙන් වෙන් කර එළිමහන් සිර කඳවුරක් ලෙස පවත්වාගෙන යයි. 1971 දි 1989 දි අපටත් වෙන්න ගියෙ මේ සන්තෑසිය බව සිහි වනවිට ඇග හිරි වැටේ.

උතුරු කොරියාවේ මැටි මී හරකා සෙසු ලෝකයට සිය න්‍යෂ්ඨික බලය පෙන්වා කප්පම් ගැනීම යළි පටන් ගෙන ඇත.එහෙත් ඌ උගෙ ඇත්ත ශක්තිය දන්න නිසා වැඩි දුරක් ඉස්සරහට යන්නෙ නැත. දකුණු කොරියාවෙන් උගෙ සිරකරුවන් කෝටි දෙකට අවශ්‍ය ආහාර ලැබුන පසු යලිත් කටුව ඇතුලට රිංග ගනු ඇත. කිම් ජොන් උන් යනු ගහක් උඩ සිටින රිලවෙකි. ගහ යට සිටින කොටින්ට සරදම් කරයි. ගහ යනු චීනයයි. උතුරු කොරියාවේ සිදුවන යම් සිදුවීමක් තුන් වන ලෝක යුද්ධයක් කරා යාමට මෙන්ම මානව සංහතියේ විනාශයට හේතුවිය හැක. බුද්ධිමය කටයුතු යුරෝපය මතත් කාය ශක්තියට අදාල දේ ආසියාව මතත් රදා පවතිමින් කිසිම වැඩක් කරන්නට බැරි තෙල් නිසා උපන්නාට වැනෙන අරාබිකාරයාට වඩා මේ කලාපයේ මිනිසුන් ඉදිරිගාමී දියුණු පිරිසකි. මෙම කලාපයේ ශිෂ්ට මිනිසුන් මියයාම ඉතාම කණාගාටුවකි.



මේ ඒ ලිපියයි.

කෙටියෙන්ම කියතොත් දකුණු කොරියාව උතුරු කොරියානු රෙජීමය ඉලක්ක කරගෙන කරගෙන යනු ලබන ශබ්ද විකාශණ යන්ත්‍ර ප්‍රචාරයන්ට එරෙහිව යැයි කියමින්, පසුගිය බ්‍රහස්පතින්දා, එනම් 2015 අගොස්තු 13 වැනිදා, උතුරු කොරියානු දේශ සීමා ආරක්ෂක බළකායක් විසින් දකුණු කොරියාවේ සීමා මායිමට කාළ තුවක්කු වෙඩි ප්‍රහාරයක් එල්ල කොට තිබේ…එයට ප්‍රතිචාර දැක්වූ දකුණු කොරියානු කාළතුවක්කු සේනාංක උතුරු කොරියාවේ සීමා මායිමට ප්‍රතිප්‍රහාර කිහිපයක් එල්ල කොට තිබේ…කිසිවෙකුටත් මෙයින් හානියක් වී නැතත්, දකුණු කොරියාව දේශ සීමා මායිමේ ජනාවාසයන් කිහිපයක වැසියන් ආරක්ෂිත ස්ථාන කරා ගෙන ගොස් ඇත…
එතැන් සිට සිදුවෙමින් පවතින්නේ උතුරු කොරියාවේ නායකත්වයේ සිටින ළපටි හරකා තප්පුලෑමත්, දකුණු කොරියාව එවැනිම ස්වරයකින් ප්‍රතිචාර දැක්වීමත්, ජපානයට සයනයේ සුළු දිය පහවීමත්, ඇමරිකාව සහ චීනය එක්ව සුපුරුදු පරිදි ” ළමයි සන්සුන් වෙන්න… එන්න හොඳ දරුවො ටික වගේ ඇවිත් ඉඳගන්න” කියමින් ගුරු මණ්ඩලයේ කාර්ය භාරය රඟ දැක්වීමත් පමණි….
උතුරු කොරියාවේ වත්මන් නායක කිම් ජොන්ග් ඌන් වනාහි ඒ පරම්පරාවෙන් රට පාලනය කරන තුන් වැනියාය…පළමු වැනියා හෙවත් මේ ගොන් වස්සාගේ සීයා වනුයේ “කිම්-ඉල්-සුං” නම් නායකයාය…ඔහුගේ අභාවයෙන් පසුව එරට අතට ගත්තේ ඔහුගේ පුතා වන “කිම් ජොංග් ඉල්” ය…2011 වසරේදී සිදුවූ ඔහුගේත් ඇවෑමෙන් පසුව 32 හැවිරිදි, අත්දැකීම් රහිත ගවයා එරට පාලකයාව සිටියි….
උතුරු කොරියාව ලෝක සාමයට, කළාපීය මනුෂ්‍ය ජීවිත මිලියන ගණනකට, නොගිණිය හැකි තරම් වටිනාකමකින් යුත් දේපළ රැසකට සහ සමස්ථයක් ලෙස ජාත්‍යන්තර ආර්ථිකයට බරපතළ තර්ජනයක් බව අවිවාදයෙන්ම පිළිගත යුතු කරුණකි….මෙම තත්වය වඩාත් තීව්‍ර වූයේ එහි වත්මන් නායකයා බලයට පැමිණීමත් සමගය…

38 වැනි සමාන්තරය සහ නිරවි කළාපයන්
38 වැනි සමාන්තරය සහ නිරවි කළාපයන්

උතුරු කොරියානු සමාජය තරම් අනුකම්පා කළ යුතු, අවිචාරවත් සමාජයක් මේ මොහොතේ තොරතුරු තාක්ෂණ විප්ලවයේ පසු කම්පන ලබන නූතන මිනිස් සමාජයට අයත් වෙනත් කිසිදු රටක තිබේදැයි සිතීම සැක සහිතය….උතුරු කොරියාව යනු මිලියන 25 ක් පමණ සිරකරුවන් ගාල් කර ඇති ලෝකයේ විශාලතම එළිමහන් සිර කඳවුර යැයි කීම අතිශයෝක්තියක් නොවේ…
එරට:
1. රාජ්‍ය නායකයාට සහ නායකයාගේ පවුලට, ඔවුන්ගේ ඇසුර ලබන සමාජ ස්ථරයට දේවත්වයෙන් සළකන, දෙවියන්ට සේ වඳින පුදන රාජ්‍යයකි… කොරියානු කම්කරු පක්ෂය හෙවත් කොරියානු කොමියුනිස්ට් පක්ෂයෙන් කැඩී බිහිවුණු ග්‍රාම්‍ය සමාජවාදී ප්‍රවාහය විසින් 1945 වසරේ සිට මේ දක්වා තම පාක්ෂිකයන් සහ තමන්ගේ බලය පවතින ප්‍රදේශය ජනතාවන්ගේ මොළ සේදීමේ සහ ඔවුන්ගේ තොරතුරු දැන ගැනීමේ අයිතිය ප්‍රමුඛ මානුෂීය අයිතිවාසිකම්, පුරවැසි අයිතිවාසිකම්, සිවිල් සහ දේශපාලනික අයිතිවාසිකම් බරපතළ ලෙස උල්ලංඝණය කිරීමේ ප්‍රතිඵලයක් ලෙස අවට ලෝකය සමග කිසිදු සබඳතාවයකින් තොර, දේශපාලනික වශයෙන් නිෂ්ක්‍රීය වහල් ප්‍රජාවක් බිහිව සිටිති….ඔවුහු ස්වකීය රාජ්‍ය නායකයාට ෆ්‍රොයිඩියානු විශ්ලේෂණයන්ට අනුව කියතොත් ළදරු වියෙහි ජීවිතයට කවන ටෝටමයන්ට සේ සළකති…සමූහ හිස්ටෙරික තත්වයක ලක්ෂණ ප්‍රකට කරමින් නායකයා අදහති…
උදා: වත්මන් කොරියානු නායකයාගේ පියා වන කිම් – ජොං – ඉල් 2011 වසරේදි මියගිය මොහොතේ බොහෝ පැසුණු මනස් සහිත වැඩිහිටියන් ” දෙවියෙකු මිය යා හැකිද?” යන පැණය අසමින් ළදරුවන් සේ මං මාවත් වල හඬ වැටීම… ( මෙය බොහෝ දෙනා කොරියානු රාජ්‍ය පරිපාලනය කෙරෙහි බියෙන් හෝ හුදෙක් “එක දා ගැනීමට” කරන ලද්දක් බව කීවත්, මෙහි සන්දර්භයෙහි ඇත්තේ දරුණු මනෝ විද්‍යාත්මක ඛේදවාචකයකි )
මෑතකදී කරන ලද සමීක්ෂණයක් හෙළි දරව් කරන අන්දමට උතුරු කොරියානු ජනතාවගෙන් 23% ක් සිය නායකයා ” මළ මූත්‍රා නොකරන්නෙකු” බවට විශ්වාස කරති…එයින්ම ඔහු දේවාත්මයක් බව කියති…( ද්‍රව්‍යවාදී කොමියුනිස්ට්වාදී අධ්‍යාපනය උතුරු කොරියාවේ ස්ථාපිත කිරීමේ “හොඳකම” මෙයින්ම ගම්‍ය වේ )
2. මේ තත්වය තවත් පෝෂණය කරමින් එරට රජය චන්ද්‍රිකා තාක්ෂණය උපයෝගී කරගන්නා විදේස් මාධ්‍ය ජාලයන්, අන්තර්ජාලය, යනාදි නව යුගයේ තොරතුරු සම්ප්‍රේෂණ ප්‍රවාහ සියල්ලක්ම පාහේ සහමුලින්ම අහුරා ඇත…එරට ජනතාවට ලැබෙන්නේ පියොං යෑං අගනුවර රාජ්‍ය මාධ්‍ය විසින් සකසනු ලබන සත්‍යයෙන් සහ යථාර්තයෙන් බෙහෙවින්ම දුරස්ථ තොරතූ පමණි…
3. මේ සියලු මනෝභාවයන් නිසා එරට ජනතාව සිය නායකයා සහ ඔහුගේ දේශපාලන පක්ෂයේ ඊනියා උත්තරීතර මණ්ඩලය වෙනුවෙන් ඉතා පහසුවෙන් ජීවිත බිලි දීමට තරම් මුළාවක සිටිති….එසේ ඔවුන් වෙනුවෙන් දිවි දීම තුළ තම යුතුකම් ඉටුවන බව ඔවුහු විශ්වාස කරති…තනි තනි පුද්ගලයන් වශයෙන් තමන්ගෙන් කිසිදු වටිනාකමක් නැති බවත්, තමන්ගේ වටිනාකම පවතින්නේ රාජ්‍යයට සහ නායකත්වයේ බළ ව්‍යාපෘතීන්ට කරනු ලබන සේවාවන් මත බවට විශ්වාස තබති….
4. රජය විසින් ගෙන යන ප්‍රචාරයන්ට මුළා වූ ජනයා, සිය දේශය වන උතුරු කොරියාව ඇමරිකා එක්සත් ජනපදය පවා පහසුවෙන් විනාශ කළ හැකි තාක්ෂණයක් සහ පිරිස් බළයක් ඇති සුපිරි බලවත් දේශයක් බවට විශ්වාස කරති…ලෝකයේ අනෙක් රටවල හමුදාවෝ ස්වකීය හමුදා ශක්තිය හමුවේ වෙව්ළන බවත්, ස්වකීය පාලකයන්ගේ ශිෂ්ඨ සම්පන්න පාලනය කෙරෙහි ඇමරිකාව ප්‍රමුඛ බොහෝ රටවල නායකයන් ඊර්ෂ්‍යාවෙන් පෙළෙන බවත් කිසිදු සැකයකින් තොරව අදහති…
බහු පක්ෂ ක්‍රමයේ මොන තරම් දුර්වලතා තිබුණත්, සංවර්ධනය වෙමින් පවතින රටවලට ඒවා හරහා ඉස්මතු වන දේශපාලනික බෙදීම් බාධක විය හැකි බව කීවත්, බහු පක්ෂ ක්‍රමය පවතින රටවල මෙවැනි මාරාන්තික ප්‍රහසනයන් නිර්මාණය වන්නේ නැත…ඒක පක්ෂ ක්‍රමයක් යම් රටක පවතින්නේ නම් හෝ ඒකාධිපති පාලන ක්‍රමයක් පවතින්නේ නම්, ඕනෑම නිමේෂයක එවැනි ජන සමාජයන් මෙවැනි අමන මරි මෝඩ දිශානතීන් කරා යන ගමනක් ඇරඹීමේ අවදානමක සිටී….උතුරු කොරියානු ජනතාව වනාහි මුළු ලොවෙන්ම අනුකම්පාව ලැබිය යුතු පිරිසකි….බහු පාර්ශ්වික ප්‍රජාතන්ත්‍රවාදයෙහි වටිනාකම තේරුම් ගැනීමට උතුරු කොරියානු ජනතාව කදිම නිදර්ශණයකි…
තත්වය එසේ තිබියදී උතුරු – දකුණු දෙකොරියාවන්ගේ හමුදා ශක්තිය සැකෙවින් සැසඳුවහොත්, පිරිස් බලය අතින් ඒ දෙපිරිසෙහි එතරම් විශාල වෙනසක් නොමැති වුවත්, සන්නාහ තාක්ෂණය, අවි තාක්ෂණය, සහ නිරීක්ෂණ තාක්ෂණය යනාදි කරුණු සැළකිල්ලට ගෙන බලන විට දකුණු කොරියාව සිටින්නේ උතුරු කොරියාවට වඩා ගව් ගණනක් ඉදිරියෙනි…උතුරු කොරියාවේ හමුදා ශක්තියෙන් 80% දශක ගණනකින් යල් පැනගිය ආම්පන්න සහ සන්නාහ වලින් සමන්විත වන අතර, හුදු අංක ගණිතයෙන් පමණක් ඔවුහු ඉදිරියෙන් සිටිනා බවක් පෙන්වති….සාමාන්‍ය සරල රාමුවක සිදු කරනු ලබන සටනකදී අධි තාක්ෂණයෙන් අනූන දකුණු කොරියානු හමුදාවන්ට පහර දෙනවා තබා, තමන්ගේ ආධි කල්පික අවි රැගත් රථවල එන්ජින් කීයක් පණ ගන්නවන්න ලැබේද යන්නත් උතුරු කොරියාව විෂයෙහි සැක සහිතය….එසේ හෙයින් එවැනි සටනකදී දකුණු කොරියාවට ඇමරිකානු ආධාර වලින් තොරව වුවත් පහසු ජයක් ලැබිය හැකි අතර, එවැනි සටනකදී උතුරු කොරියානු යුද යාන්ත්‍රණය සමූල ඝාතනය වීමක් අපේක්ෂා කළ හැක….
නමුත් එරට යුද යාන්ත්‍රණය ලොව ශ්‍රේණිගත කිරීම් වලදී ඉහළට ඔසවා තබන ප්‍රධානතම සාධකය වන්නේත්, ඔවුන්ට යාබද අනෙකුත් අසල් වැසි රටවල භීෂණය වන්නේත් එරට විසින් මේ වනවිට කරන ලද න්‍යෂ්ඨික අවි පරීක්ෂණ මගින් තනා ගෙන ඇතැයි කියන TNT Equivalent කිලෝටොන් 30 ක් පමණ වන යුද ශීර්ෂ 10 ක පමණ ගබඩාවයි…
න්‍යෂ්ඨික යුද ශීර්ෂ තිබුණාට ඒවා සඳහා ප්‍රහාර ප්‍රවාහක මාධ්‍යයක් නොමැති නම් එම යුද ශීර්ෂයන්ගෙන් හදිසි යුදමය තත්වයකදී ප්‍රායෝගික ප්‍රයෝජනයක් නොමැත…උතුරු කොරියාව සතු නවතම මධ්‍යම දුර ප්‍රමාණයේ මිසයිල පද්ධතිය වන ඔවුන්ගේ “ටේපෝ ඩොන්ග් ( ගිනි මකරා ) (Taepo Dong 2 ) ” මිසයිල පද්ධතියේ යන නවතම ඛාණ්ඩයට මෙම ප්‍රමාණයේ යුද ශීර්ෂයක් කිලෝමීටර් 4700 ක් පමණ දුරක් ගෙන යා හැකිය.

North Korean Payload projection Range
North Korean Payload projection Range

මේ අනුව උතුරු කොරියාවට තවමත් ඇමරිකා එක්සත් ජනපදයේ ප්‍රධාන භූමියට සෘජු ප්‍රහාරයක් එල්ල කිරීමේ ශක්‍යතාවය නැතත්, උතුරු කොරියාව අවට තිබෙන තාක්ෂණ – සංවේදී සමාජයන් සහ ලෝක ආර්ථිකය විෂයෙහි මර්මස්ථානයන්ට දැඩි හානියක් කිරීමේ හැකියාව තිබේ….
එනමුත් මේ සියල්ලට වඩා වැදගත් සාධකයක් නිසා මෙවරද එවැනි විනාශයක් සිදු නොවනු ඇතැයි සිතිය හැකිය….
ඔබ 80 – 90 දශක වල සිය ළමා කාලය ගත කළ කෙනෙක් නම් සෝවියට් සංගමයේ රාදුගා පොත් ප්‍රකාශකයන් ඵල කළ නිකොලායි නෝසව් නම් ලේඛකයා විසින් විරචිත සහ දැදිගම රුද්‍රිගු ශූරීන් විසින් ප්‍රති නිර්මිත “වැඩ බැරි දාසගේ කථා” කියවා ඇතුවාට සැක නැත….එම කෘති පෙළෙහි එක් කෘතියක වැඩ බැරි දාසගේ බුද්ධිය සහ මොළය ගැන මෙසේ කියා තිබිණි…
“වැඩ බැරි දාසගේ ඔලුව පුස්සක් කියලා සමහරු කියනවා….ඒත් එයා සපත්තු දෙක ඔලුවේ දමාගන්නේ නැතුව දෙපයේ දමාගෙන ඉන්නවා… එහෙම නම් කොහොමද කියන්නේ එයාගේ ඔලුව පුස්සක් කියලා? ”
උතුරු කොරියාවේ නායකත්වයේ සිටින කිම් ජොන් ඌන් නම් අමන ගෝතයාගෙන් වුවද මෙවන් සාමාන්‍ය අවබෝධයක් බලාපොරොත්තු විය හැකි අතර, ඔහුට යුද නායකයන් වශයෙන් ක්‍රියා කරන කාළකණ්නියන් අතර මනුෂ්‍යත්වයට හිමි සාමාන්‍ය ප්‍රඥාව මෙහෙයවා තීරණ තීන්දු ගන්නා එක් මිනිසෙකු හෝ සිටිය හැකි බවට අනුමාන කළ හැක…
එසේ නම් එවැනි න්‍යෂ්ඨික ප්‍රහාරයක් ඔවුහු එල්ල කළහොත් ඔවුන්ට එරටට යාබද රටවල් කිහිපයක් ප්‍රධාන නගර කිහිපයක් ( උදා: දකුණු කොරියාවේ, තායිවානයේ සහ ජපානයේ තාක්ෂණ තන්ත්‍රයන් මෙහෙයවන අගනුවර වල් සහ ආර්ථික කළාපයන්) විෂයෙහි දැඩි හානියක් කළ හැකි වුවත් එයින් පසුව එක්සත් ජනපදය සහ නේටෝ බලවේග එක්ව ඔවුන්ට එල්ල කරනු ලබන සමස්ථාපිත ප්‍රතිප්‍රහාරයකදී සිදුවිය හැකි විනාශය උතුරු කොරියාවේ නායකත්වය නොදන්නවා යැයි නොසිතමි….
එබැවින් මෙවරත් ඔවුන් දමන්නේ ඔවුන්ගේ චිරාගත සම්ප්‍රාදායන්ට අනුව දමනු ලබන “හිස් සත්තමකි”… ඒ බව පැහැදිලිය….
මොවුහු මෙලෙස කාළීනව සත්තම් දැමීමේ අරමුණු කිහිපයකි:
1. ආර්ථික වශයෙන් සිඟමනට වැටී තිබෙන උතුරු කොරියාවේ විශාල සාගතයක් සහ දුර්භික්ෂයක් පවතී…චීනයෙන් ලැබෙන අල්ප වූ මූල්‍යමය ආධාරයන්ද කිම් ජොන් ඌන් නම් මෝඩයාගේ ළාමක ෆැන්ටසි සැබෑකර ගැනීමට දරන උත්සාහයටම යෙදේ….මෙවැනි විටෙක කොරියානු නායකත්වයට සිය ජනතාවගේ කුස ගිනි නිවීම යම්තමකටවත් කළ හැක්කේ දකුණු කොරියාව සහ ජපානය විසින් එරටට ලබා දෙන සහල් සහ අනෙකුත් ආහාරමය ආධාර නිසාය…..ඉඳ හිට තමන් මේ යවන ආධාර වෙනුවෙන් ජපානය, දකුණු කොරියාව යම් යම් කොන්දේසි ( පාරදෘෂ්‍ය භාවයේ අත්‍යාවශ්‍ය වීම, ප්‍රජාතන්ත්‍රවාදය අගයන මානව හිමිකම් ගරු කරන සමාජයක් බවට උතුරු කොරියාව පත් කිරීමෙහි ලා නිර්දේශ ) ආදිය පනවා සිය ආධාර ප්‍රමාණයන් අඩු කරති…ඇතැම් විටෙක එවැනි අඩු කිරීම් ආශ්‍රිත සමයන් වලදී උතුරු කොරියාව යුද තර්ජනයක් මවා පෙන්වා, සිය යුද ශීර්ෂ ගබඩා පෙන්වා අසල්වැසි රටවල් බිය වද්දවා සත්තමයක් දමති….එයට බියවන අසල් වැසි රටවල් උතුරු කොරියාවේ “නැති වන්නට කිසිවක් නැති” රෙජීමය සහ ජනතාව තම තමන්ගේ සංකීර්ණ දියුණු සමාජයන්ට එරෙහිව විනාශය දියත් කරනු ඇතැයි බියෙන් බියට පත්ව උතුරු කොරියාව යළි සනසා තබන්නට “කප්පම්” වශයෙන් උක්ථ ආධාර නැවතත් වැඩි වැඩියෙන් ලබා දෙති…මේ සඳහා මෙවැනි න්‍යෂ්ඨික හෝ සහ- සමූල ඝාතක අවි මගින් සිදු කෙරෙන යුද්දයක් සිය එළිපත්තේ සිදුවෙනවා දකින්නට අකමැතිව සිටින චීනයද ඒවාට එක් කොට උතුරු කොරියාවට කප්පම් පිණිස සාගත මලු යවති..කිම් ජොන් ඌන් උන් හිටියේම යුද සරඹ පාමින් කරන විගඩම මෙයින් වටහා ගත හැක.
2. ආර්ථික වශයෙන් අභ්‍යන්තරව දැන් දැන් උතුරු කොරියානු ජන සමාජය තුළ ඉතාම ඉතාම සුළුතරයකට හෝ තමන් විඳිනු ලබන දුක් ගැහැට පිළිබඳව විරෝධාකල්ප මතුවෙමින් පවති….එමෙන්ම කිම් ජොන් ඌන් විසින් ඝාතනය කරන ලද ඉහළ පැලැන්තියට අයත් ජනතා ආදරය දිනූ චරිත කිහිපයක මතකයන්ද මේ වනවිට ඔහුගෙන් ජනතාව ඈත් කරමින් ඇත… ( ඌන් ගේ ) .මෙවැනි ව්‍යාකූලත්වයන් හරහා සමාජයන් අර්බුදයන් ඉස්මතු වීමෙන් තොරව පවත්වා ගැනීමට ඔවුන්ට දිය යුතු කදිම අනුපානය වන්නේ ජාතික ආරක්ෂාව සහ දේශය සතු යුද ශක්තිය ඉස්මතු කිරීමයි….නො-එසේ නම් දේශ ප්‍රේමය සමග බැඳුණු දේශ ප්‍රේමියෙකු ඉස්මතු කිරීමයි..”සතුරන් අප ආක්‍රමණය කිරීමට ඉතාම ආසන්නය” කියමින් සතුරු ක්‍රියාකාරකම් කරන බලවත් සතුරන් ලෙස යම් පිරිසකට හංවඩු ගසයි ….වාර්ෂිකව නටන උතුරු කොරියානු සළු පාලියේ තවත් එක හේතු කාරකයක් වන්නේ මෙම සාධකයයි..
එම නිසා මෙම තත්වය අවි යුද තත්වයක්, කළාපීය යුද්දයක්, සංකීර්ණ ලෝක බලවතුන්ගේ කල්ප විනාශ ගැටුමක් ලෙස පරිණාමය නොවනු ඇති බවට වගකීමෙන් ප්‍රකාශ කළ හැක….මේ මොහොත වනවිට සිදුවෙමින් පවතින සම්මුතිවාදී උත්සාහයන්ට උතුරු කොරියාවේ ළාමක ගොනා ප්‍රමුඛ පාලකයන් දක්වන ප්‍රතිචාර කෙබඳු වෙතත්, උතුරු කොරියාව අරමුණු කරගෙන “මහ රටවල්” එනම් රුසියාව, චීනය, ඇමරිකා එක්සත් ජනපදය ප්‍රමුඛ නේටෝව උනුන් හා යුද වදින තත්වයකට එන්නේ නැති බවට සහතික විය හැක….උතුරු කොරියාව රුසියාව සහ චීනය යන රටවල් ද්විත්වයටම මායිම්ව තිබුණත්, උතුරු කොරියානු නායකයන් මේ රටවල් දෙකම සමග සුභ සබඳතා පැවැත්වුවත්, උතුරු කොරියානු රෙජීමය සිය “කඳවුරු මිතුරෙකු” ලෙස සළකාගෙන ඔවුන් වෙනුවෙන් ඇමරිකාවට එරෙහිව යුද වදින තරම් මුග්ධ තැනකට ඒ රටවල් දෙකම පිරීහෙන්නේ නැත….එනිසා මෙය ගෝලීය අර්බුදයක් වීමේ අවදානම අවමය….එනමුත් මෙම කළාපීයව ඇතිවන යම් යුද්දයකදී භාවිතා වෙන අවි ආයුධ වල අතුරු ප්‍රතිපල නිසා ලෝකයේ අනික් කළාප වල මිනිසුන් යම් යම් ආපදා වලට මුහුණ පෑමේ අවදානමක් ඇත….උදා: Radioactive Fallout

Korea North ( Democratic People`s Republic of Korea )
Korea North ( Democratic People`s Republic of Korea )

එසේ හෙයින් ඒ ගැන විශ්වසනීයත්වයෙන් තොර මූලාශ්‍ර වෙතින් ලැබෙන වාර්ථා දැක තැතිගෙන තමන්ද ඇතුළු බොහෝ දෙනෙකු අපහසුතාවයට පත් කළ යුතු නැත….
නමුත් දකුණු කොරියාවේ සේවය කරන අපේ මිනිසුන් වන ඔබ සැමට පැවසිය යුතු වැදගත් කරුණක් ඇත…
මා මෙම ලියැවිල්ල ලිව්වේ අතීතයේ ලද අත්දැකීම් පදනම් කරගෙන සහ ජාත්‍යන්තර සබඳතා විෂයෙහි මගේ ඇති දැනුම සහ කියවීම පමණක් පදනම් කරගෙන කරන විශ්ලේෂණයක් ලෙසය….එහෙත් ” මිනිසා තමයි අඳුනාගත නොහැකි සතා” යන ධර්මතාවයද තිබෙන බැවින් මෙවර කුමක් හෝ නපුරු අමුත්තක් සිදු නොවෙතියි සහතික කරම කියන්නට නොහැක…( එවැන්නක් සිදු නොවෙනු ඇතැයි අත්දැකීම් මත පදනම්ව සිටගෙන උපකල්පනය කරනු පමණි ).. මේ සියල්ල තීරණය වන්නේ උතුරු කොරියාව නම් අගතිගාමී රෙජිමයෙහි නායකයන්ගේ මානසික මට්ටම අනුවය…විශාල විනාශයක් සිදු කළ යුතුය කියන උමතු තීරණයේ ඔවුන් එල්බ ගෙන සිටින්නේ නම් හෝ එවැනි විනාශයක් කළ පසු එළඹෙන සටන් මාලාව ඔවුන්ට ජය ගත හැකිය යන අමන තක්සේරුවේ සිටින්නේ නම් ඕනෑම මොහොතක මෙතෙක් අප නුදුටු විරූ විනාශයක් සිදුවීමටද ඉඩක් නැත්තේ නොවේ….
මේ නිසා ඔබ මෙසේ කිරීම නුවණට හුරුය…
1. සෝල් නුවර ශ්‍රී ලංකා තානාපති කාර්යාලය තිබෙන තැන, එය සම්බන්ධ කරගත හැකි අංක, එම කාර්යාලය විසුරුවා හරිනු ලබන ශ්‍රී ලංකා රජයේ හදිසි පණිවිඩ නිසි වෙලාවට ලබාගත හැකි ස්ථානයන් හෝ ක්‍රම වේදයන් අද අදම දැනගෙන සූදානම් කර තබාගන්න…
2. ඔබ තුමන් කොරියානු භාෂාව ප්‍රමාණවත්ව දන්නවා ඇතැයි උපකල්පනය කරමි…එසේ නම් එම භාෂාවෙන් හෝ නො-එසේ නම් ඉංග්‍රීසියෙන් හදිසි පණිවිඩ විසුරුවා හරින මාධ්‍ය ( ෆේස්බුක් මාධ්‍ය නොවේ…ප්‍රධාන දහරාවේ මාධ්‍ය ) මේ දිනවල වැඩියෙන් ඇසුරු කරන්න….
3. හදිසි අවස්ථාවකදී අනුගමනය කළයුතු ක්‍රියා පටිපාටීන් ගැන කොරියානු රජය දැනුවත් කරයි නම් ඒ ක්‍රියාමාලාවන් හොඳින් මතකයේ තබාගන්න….
4. හදිසි අවස්ථාවකදි ඔබ වසන නිවස හෝ බෝඩිම අතහැර යම් තැනකට යාමට සිදුවුවහොත් රැගෙන යාමට අත්‍යාවශ්‍ය ද්‍රව්‍ය කිහිපයක් හෝ ඇතුලත් “හදිසි ගමන් මල්ලක්” සූදානමින් තබා ගැනීම වටී…මෙයට බැන්ඩේජ් කිහිපයක්, ගෝස් කැබලි, ප්ලාස්ටර්, පුළුන්, කතුරක් ආදී ප්‍රථමාධාර ද්‍රව්‍ය කිහිපයක්, දීර්ඝ කල් ඉකුත් වීමේ කාළයක් සහිත ජල බෝතලයක් හෝ කිහිපයක්, විදුලි පන්දමක්, බැටරි කැබලි කිහිපයක්, ජංගම ගුවන් විදුලියක් හෝ ජංගම දුරකථන සඳහා ජංගම බැටරි චාජරයන්, External Battery Packs වැනි දෑ එක්වීම ඔබට විශාල සේවයක් වනු ඇත….
5. ඔබ දිගින් දිගටම බෙහෙත් ගත යුතු යම් රෝගී තත්වයකින් පෙළෙයි නම් ( එසේ නොවේ යැයි පතමි ) ඒ අදාළ රෝගයට අවශ්‍ය ඖෂධ ටිකක් වැඩිපුර මිළට ගෙන ඔබේ වෛද්‍ය උපදෙස් අනුව අත් බෑගයක හෝ සිසිලන බෑගයක බහා ඔබ ලගින්ම තබාගන්න….Ex: Diabetes, Asthma, Blood Pressure etc.
6. ඔබ ජීවත් වන ප්‍රදේශයේ ඇති පොලිස් ස්ථාන, ගිනි නිවන හමුදා ඒකක, ගිලන් රථ සේවා, ප්‍රධාන රෝහල්, ජංගම වෛද්‍ය සේවා, යුද හමුදා ඒකක, එක්සත් ජාතීන් සහ ජාත්‍යන්තර රතු කුරුස සංගමයේ ආදී ආයතන වල ශාඛාව ආදී ආයතන වල
– ලිපිනය සහ එම ස්ථානයට යන හැටි ( මග සටහන් )

-දුරකථන අංක
-සම්බන්ධ කරගත යුතු අයගේ නම් සහ අංක, සහ විද්‍යුත් තැපැල් ලිපින පවා

ඔබේ ජංගම දුරකථනයේ මෙන්ම කඩදාසි සටහන් වල ළඟින් තබා ගන්න….හදිසි යුදමය තත්වයකදී භාවිතා විය හැකි ඇතැම් යුද අවි නිසා
– ජංගම දුරකථන ජාල බිඳ වැටී සන්නිවේදනය අවහිර විය හැක…

– රැහැන් දුරකථන සහ සන්නිවේදනය අවහිර බිඳ වැටිය හැක….
– විදුලිය විසන්ධි වීම් සිදුවිය හැක…
– ඉලෙක්ට්‍රොනික උපාංග පිළිස්සී ක්‍රියා විරහිත විය හැක…

මෙබඳු අවස්ථා වලදී ඉහත සඳහන් වාර්ථා ඔබේ ජංගම දුරකථනයේ හෝ ටැබ් එක වැනි වෙනත් ඉලෙක්ට්‍රොනික් උපාංග වල පමණක් තබා ගතහොත් ඔබ අසරණ වීමේ අවදානමක් ඇත…එනිසා කඩදාසි සටහන් වල මේවා අතින් ලියා තබා ගැනීම වටී….
7. ඔබට හිතවත් කොරියාවේ වෙසෙන යහලුවන්, ඥාතීන්ගේ අංක, ලිපිනයන් මෙන්ම ඔබේ ලංකාවේ වෙසෙන ඥාති මිතුරන්ගේ අංක සහ ලිපිනයන්ද එවැනි කුඩා කඩදාසි සටහන් ගොණුවක ලියා ඔබ ළඟින් තබා ගන්න….
8. ඔබේ හැඳුනුම් පත්, ගමන් බළපත්‍රය ආදිය පහසුවෙන් ඔබේ අතට ගත හැකි තැනක තබාගන්න.. යන එනවිටත් ඔබ සතුවම බෑගයක තබා ගත හැකි නම් වටී….
යම් අවදානමක් හමුවේ මහා කලබගෑනියක් කරනවාට වඩා ඉවසීමෙන් අවදානමකට පෙර සූදානම් වීමෙන් ඔබේත්, ඔබ සමග සිටින අයගේත් ජීවිත බේරා ගත හැකි බව අවබෝධ කරගෙන දැනුවත්ව සිටින්න….
අනතුරක සේයාවක් වැටෙන පළමුවන හෝරා කිහිපය තුල ශ්‍රී ලංකාව සමග සම්බන්ධ වීමට වෙර දරනවාට වඩා ඔබ සහ ඔබේ එරට සේවය කරන මිතුරු මිතුරියන් ආරක්ෂිත ස්ථානයක යෑම බෙහෙවින්ම වැදගත් බව සලකන්න….ශ්‍රී ලංකාවේ ඥාතීන් සමග සම්බන්ධ වී තමන් සුවෙන් සිටින බව දැන්වීම දෙවනුව කළ යුත්තකි….පළමු ප්‍රමුඛතාවය වන්නේ ඔබේ ආරක්ෂාවයි…දෙවැනි ප්‍රමුඛතාවය වන්නේ ඔබ අවට සිටින කාගේ හෝ ආරක්ෂාවට උපකාරී වීමයි….තුන්වැනි ප්‍රමුඛතාවය කොරියාවේම වෙසෙන ඔබේ ඥාති හිතවතුන්ගේ ආරක්ෂාවයි….මේ සියළු ප්‍රමුඛතාවයන් අවසන් වූ විට ඔබ කළ යුත්තේ ශ්‍රී ලංකාවේ වෙසෙන අයට ඔබ සුවසේ වෙසෙන බවත්, නවාතැන් ගෙන සිටින ස්ථානයත් කියා පණිවිඩ ‍යැවීමයි…..අනතුරක පළමු නිමේෂයේදී ඔබ සතු කාළයත්, පහසුකම් සහ මුදල් ලංකාවේ ගෙදරට පණිවිඩ දෙන්න මිඩංගු නොකරන්න….ඒවා ඔබට පසුව ඔබේ ජීවිතාරක්ෂාව සඳහා උවමනා විය හැක…
නොදන්න මගුල් බ්ලොගයේ උතුර් කොරියන් නායකයා හදුන්වා ඇති ආකාරය මගේ සිත් ගත්තේය.

උතුරු කොරියානු සමාජය තරම් අනුකම්පා කළ යුතු, අවිචාරවත් සමාජයක් මේ මොහොතේ තොරතුරු තාක්ෂණ විප්ලවයේ පසු කම්පන ලබන නූතන මිනිස් සමාජයට අයත් වෙනත් කිසිදු රටක තිබේදැයි සිතීම සැක සහිතය….උතුරු කොරියාව යනු මිලියන 25 ක් පමණ සිරකරුවන් ගාල් කර ඇති ලෝකයේ විශාලතම එළිමහන් සිර කඳවුර යැයි කීම අතිශයෝක්තියක් නොවේ…

එරට:

1. රාජ්‍ය නායකයාට සහ නායකයාගේ පවුලට, ඔවුන්ගේ ඇසුර ලබන සමාජ ස්ථරයට දේවත්වයෙන් සළකන, දෙවියන්ට සේ වඳින පුදන රාජ්‍යයකි… කොරියානු කම්කරු පක්ෂය හෙවත් කොරියානු කොමියුනිස්ට් පක්ෂයෙන් කැඩී බිහිවුණු ග්‍රාම්‍ය සමාජවාදී ප්‍රවාහය විසින් 1945 වසරේ සිට මේ දක්වා තම පාක්ෂිකයන් සහ තමන්ගේ බලය පවතින ප්‍රදේශය ජනතාවන්ගේ මොළ සේදීමේ සහ ඔවුන්ගේ තොරතුරු දැන ගැනීමේ අයිතිය ප්‍රමුඛ මානුෂීය අයිතිවාසිකම්, පුරවැසි අයිතිවාසිකම්, සිවිල් සහ දේශපාලනික අයිතිවාසිකම් බරපතළ ලෙස උල්ලංඝණය කිරීමේ ප්‍රතිඵලයක් ලෙස අවට ලෝකය සමග කිසිදු සබඳතාවයකින් තොර, දේශපාලනික වශයෙන් නිෂ්ක්‍රීය වහල් ප්‍රජාවක් බිහිව සිටිති….ඔවුහු ස්වකීය රාජ්‍ය නායකයාට ෆ්‍රොයිඩියානු විශ්ලේෂණයන්ට අනුව කියතොත් ළදරු වියෙහි ජීවිතයට කවන ටෝටමයන්ට සේ සළකති…සමූහ හිස්ටෙරික තත්වයක ලක්ෂණ ප්‍රකට කරමින් නායකයා අදහති…

උදා: වත්මන් කොරියානු නායකයාගේ පියා වන කිම් – ජොං – ඉල් 2011 වසරේදි මියගිය මොහොතේ බොහෝ පැසුණු මනස් සහිත වැඩිහිටියන් ” දෙවියෙකු මිය යා හැකිද?” යන පැණය අසමින් ළදරුවන් සේ මං මාවත් වල හඬ වැටීම… ( මෙය බොහෝ දෙනා කොරියානු රාජ්‍ය පරිපාලනය කෙරෙහි බියෙන් හෝ හුදෙක් “එක දා ගැනීමට” කරන ලද්දක් බව කීවත්, මෙහි සන්දර්භයෙහි ඇත්තේ දරුණු මනෝ විද්‍යාත්මක ඛේදවාචකයකි )

මෑතකදී කරන ලද සමීක්ෂණයක් හෙළි දරව් කරන අන්දමට උතුරු කොරියානු ජනතාවගෙන් 23% ක් සිය නායකයා ” මළ මූත්‍රා නොකරන්නෙකු” බවට විශ්වාස කරති…එයින්ම ඔහු දේවාත්මයක් බව කියති…( ද්‍රව්‍යවාදී කොමියුනිස්ට්වාදී අධ්‍යාපනය උතුරු කොරියාවේ ස්ථාපිත කිරීමේ “හොඳකම” මෙයින්ම ගම්‍ය වේ )

2. මේ තත්වය තවත් පෝෂණය කරමින් එරට රජය චන්ද්‍රිකා තාක්ෂණය උපයෝගී කරගන්නා විදේස් මාධ්‍ය ජාලයන්, අන්තර්ජාලය, යනාදි නව යුගයේ තොරතුරු සම්ප්‍රේෂණ ප්‍රවාහ සියල්ලක්ම පාහේ සහමුලින්ම අහුරා ඇත…එරට ජනතාවට ලැබෙන්නේ පියොං යෑං අගනුවර රාජ්‍ය මාධ්‍ය විසින් සකසනු ලබන සත්‍යයෙන් සහ යථාර්තයෙන් බෙහෙවින්ම දුරස්ථ තොරතූ පමණි…

3. මේ සියලු මනෝභාවයන් නිසා එරට ජනතාව සිය නායකයා සහ ඔහුගේ දේශපාලන පක්ෂයේ ඊනියා උත්තරීතර මණ්ඩලය වෙනුවෙන් ඉතා පහසුවෙන් ජීවිත බිලි දීමට තරම් මුළාවක සිටිති….එසේ ඔවුන් වෙනුවෙන් දිවි දීම තුළ තම යුතුකම් ඉටුවන බව ඔවුහු විශ්වාස කරති…තනි තනි පුද්ගලයන් වශයෙන් තමන්ගෙන් කිසිදු වටිනාකමක් නැති බවත්, තමන්ගේ වටිනාකම පවතින්නේ රාජ්‍යයට සහ නායකත්වයේ බළ ව්‍යාපෘතීන්ට කරනු ලබන සේවාවන් මත බවට විශ්වාස තබති….

4. රජය විසින් ගෙන යන ප්‍රචාරයන්ට මුළා වූ ජනයා, සිය දේශය වන උතුරු කොරියාව ඇමරිකා එක්සත් ජනපදය පවා පහසුවෙන් විනාශ කළ හැකි තාක්ෂණයක් සහ පිරිස් බළයක් ඇති සුපිරි බලවත් දේශයක් බවට විශ්වාස කරති…ලෝකයේ අනෙක් රටවල හමුදාවෝ ස්වකීය හමුදා ශක්තිය හමුවේ වෙව්ළන බවත්, ස්වකීය පාලකයන්ගේ ශිෂ්ඨ සම්පන්න පාලනය කෙරෙහි ඇමරිකාව ප්‍රමුඛ බොහෝ රටවල නායකයන් ඊර්ෂ්‍යාවෙන් පෙළෙන බවත් කිසිදු සැකයකින් තොරව අදහති…

මේ කොටස යළි පළකලේ දුක ශෝකය පුදුමය අනුකම්පාව වනි හැඟීම් ගනනාවක් එකට පොරකන බැවිනි. බලන්න තනි පක්ෂ නාඩගමේ රඟ.

Thursday, August 27, 2015

තවත් මුල්ලපටස් ලියුමක්

 මුල්ලපටස්  යන වචනය මම දැනගෙන සතියක් වත් නැත. එය මට අහුවුනේ සඳරුගෙ බ්ලොග් එකෙනි. ආපස්සට බ්ලොග් ලිපි කියවගෙන යනවිට සඳරුවා මුල්ලපටස් බිව්ව හැටි කියා තිබිණි.ඇඩ්ඩිං නම් වූ උත්තමයෙක් මුල්ලපටස් පෙරන්නට පටන් ගත් විට මුල්ම වඩිය බීමි වරප්‍රසාදය ලැබුනේ සඳරුවාටය. මුල්ලපටස්වල කික් එක එන්නෙ තැපැල් බව කියනු ලැබේ. සඳරුවාට කැරකිල්ල හැදී ගෙදර යාමට ත්‍රීවීල් එකක් අවශ්‍ය විය. කික් එක අවසන් වුනේ ඩොක්ටර් කෙනෙක් හමුවී බෙහෙත් ගත් පසුය.

පශ්චාත් නූතනවාදීන් ඇතුළු ප්‍රාඥයෝ මුල්ලපටස් ලිපි ලියති. එහි අරමුණ කියවන එකා මඤ්ඤං කිරීමය. මෙහිදී කලන්තෙ දාන්නෙ නූගතුන් පමණක් නොවේ. ජීවිතේට අහල නැති වචන දැක ඩොකාලාට ඉන්ජලාටද කලන්තෙ දායි. නූගතුන්ට සේම බයෝ මැත්ස් කරපු උන්ට ද සිතෙන්නෙ මෙතන මොකක් හරි මගුලක් ඇති කියාය.

මෙම ලිපි වලට මුල්ලපාටස් ලිපි කියන්නෙ ඇයි. ඊතයිල් ඇල්කොහොල් බොන්න පුළුවන්කම තිබියදී දැනුවත්ව හෝ නොදැණුවත්ව මීතයිල් ඇල්කොහොල්ද මිශ්‍රව හෝ කෘමිනාශක ,ලාම්පු වල මැන්ටල් කුඩු , සර්ජිකල් ස්පිරිට් ,යූරියා ආදිය මිශ්‍ර කර අමෘතයක් නිපදවන නිසාය.

මට ඊ මේලයකින් මුල්ල්පටස් ලිපියක් ඇටෑච් කර එවා තිබිනි. එහි තිබුනේ නලින් ද සිල්වාගේ ප්‍රවාදයක් ඛන්ඩනය කරන පෙරටුගාමියෙකුගේ අදහස්ය. ඊ මේලය ආවේ ගයාන් දේවප්‍රිය යන නමෙනි. මෙය මට පමණක් එවූ එකක් විය නොහැක. එහෙත් මෙම බ්ලොග් එකේ පමණක් නිසා මේ අපේ බ්ලොග් හිතවතෙක් විසින් එවූවක් විය හැකි නිසා එම ලිපිය ගැණ මගේ අදහස් මෙහි දක්වන්නට සිතුවෙමි.

මුන්ට "සමාන" කියන වචනය කියන්නට බැරිය. ඒ වෙනුවට කියන්නෙ "පර්යාය" කියන වචනයය. මේ විදියට හාවගෙයි ඉබ්බගෙයි කතාවක් වුනත් විකාර වචන මැද්දට දමා ජීජැක් හා ලකාන් ගැනද කියා මුල්ලපටස් ලිපියක් සකස් කළ හැක.

ඇටෑච් කළ ලිපියේ ඊතයිල් ඇල්කොහොල් අදහස.

නලින් ද සිල්වා මහතා බුදුදහම දැනුම් පද්ධතියක් නොවේ කියා කියයි.
දැනුම් පද්ධතීන් නිවන් යාමට බාධාවක්ලු.
දැනුම් පද්ධතියකින් කෙරෙන්නේ යමක් ගැන දැනගැනීමයි.
අපෙන් ස්වාධීනව ලෝකයක් ඇත එය අපට දැනගත හැකිලු.( නලින් මෙය එසේ නොවන බව කියයි )
ලෝකය යම් නියම වලට අනුව ක්‍රියා කරයි. එය අපට දැනගත හැක ( නලින් එය එසේ නොවන බව කියයි )
දැනුම මනසේ ජිර්මාණයකි.
වුයුක්ත කතන්දර අපට ගෝචර නැත.
වෙනත් දැනුම් වල ලෝකය තේරුම් කරන විට බුදුදහම සියල්ල බොරුය කියා කියයි.

ගයාන් කියන්නෙ නලින් ගෙ අදහස් පැරණි ජර්මන් දර්ශනහි එන ඒවා බවයි.

නලින් පරස්පර විරෝධී කතා කියයි.

ඔහු බටහිර විරෝධී කීවද බටහිර විරෝධයද බටහිර චින්තනයේ ඵ්ලයකි.

ගයාන් කියන්නෙ දේශීයත්වය යනුද බටහිර ච්න්තනයේ ඵැලයන්ලු නැත්නම් අතීත ෆැන්ටසිය. ( ඔහුගේ මෙම කතාව පැහැදිලි නැත. 

බුදුදහම දැනුම පද්ධතියක් නොව දැණුම අහෝසි කළ යුතුය යෝජනා කරන්නක් බවත් නලින් නොදැණුවත්ව කරන්නෙ බුදුදහම විසංයෝජනයක් බවත් පවසන ගයාන් නිශ්ඵල දාර්ශනික ප්‍රශ්න වන අපෙන් බැහැර ලොව ඇද්ද නැද්ද  ( මෙය සත් ,අසත් ලෙස හැදින්වේ )ගැන ඔහුගේ අදහස් දක්වයි.යථාර්ථය ගැණ කාන්ට් හා ලැකාන් ගේ අදහස් පෙන්වා දෙන ගයාන් කොහෙන් හෝ අහුලාගත් වචන ටිකක් දෙසා බායි. මේවාගෙ ගත යුත්තක් නැත. ඇත්තේ රළු දිළිදු පරිවර්තන පමණි

ගයාන්ගේ මුල්ලපටස් ලියුම


දැනුම තරණය වෙනුවට
ෆැන්ටසිය තරණය කිරීම

 පළමු කොටස
මහාචාර්ය නලින් ද සිල්වා විසින් රචිත —බුදුදහම යනු දැනුම්
පද්ධතියක් නොවේ˜ යන ප්‍රතිප්‍රවාදය විරුද්ධාභාසයකි. දැනුම
පාවිච්චි කර දැනුම ඉක්මවා යන අදහසක් ප්‍රකාශ කිරීමද දැනුමකි
(අවිඥානික)
නලින් ද සිල්වාගේ මූල ික ප්‍රවාදයට අනුව දැනුම නිවන්
මාර්ගයට යෑමට බාධාවකි. ඔහුට අනුව නිවන සම්බන්ධයෙන් ගත්
කල දැනුම් පද්ධති ආකල්පය ඉවත දැමීමට සිදුවෙයි. දැනුමට
අදාළව නලින් ගොඩනගන ප්‍රවාද කිහිපයක් පහත ලෙස
සාරාංශගත කළ හැක.
1 - දැනුම් පද්ධතියකින් කෙරෙන්නේ යම් ක්ෂේත්‍රයක ලෝකය
පිළ ිබඳ අවබෝධය ලබාගැනීම යැයි බොහෝ විට කියැවෙයි.
(දර්ශනයට අනුව මෙය පාරභෞතික ක්ෂේත්‍රයයි)
2 - එහිදී උපකල්පනය කරන කරුණු අතර අපෙන් ස්වායත්තව
(ස්වාධීනව) ලෝකයක් පවතින බවත්, එකී ලෝකය යම් ආකාර
අනුව ක්‍රියා කරන බවත්, ඒ ක්‍රියා කරන ආකාර අපට දැනගත හැක ි
බවත් වෙයි.
3 - ඇතැම් දැනුම් පද්ධතියක ලෝකය ඊනියා වාස්තවික
යථාර්ථයක් බවත් එකී ලෝකය ක්‍රියාත්මක වන්නේ යම් නියමවලට
එකඟව බවත් උපකල්පනය කෙරෙයි. එමෙන්ම ඒ නියම කවරේදැයි
අපට දැනගත හැකි බවත් උපකල්පනය කෙරෙයි.
4 - එකම සංස්කෘතියක ජීවත් වන්නන්ගේ සංකල්ප හා වෙනත්
දැනුම් අතර සාම්‍යයක් දැකිය හැකිය. මේ සාම්‍යය හේතුකොටගෙන
අප දකින්නේ එකම ලෝකය යැයි අපි සිතමු. මගේ පොල් ගස ඔබේ
පොල් ගසෙන් වෙනස් නොවන්නේ යැයි අපි සිතමු. මේ සාම්‍යය අප
නොමඟ යවයි. (විප්ලවවාදී පක්ෂ තුළ මේ ප්‍රකට මුළාව
සිද්ධාන්තයකි)
5 - දැනුම යනු නිර්මාණයක් බවත් එය ඒ ඒ පුද්ගලයාගේ ඉන්ද්‍රිය
පද්ධතියට, සංස්කෘතියට සහ මනසට සාපේක්ෂය.
6 - වියුක්ත කතන්දර අපට කිසිසේත්ම පංචේන්ද්‍රියවලට ගෝචර
කරගත නොහැකිය. (ජීවිතය වියුක්ත සංකල්ප අනුගමනය කිරීම
මුළාවකි)
7 - බුදු දහමෙහි කෙරෙන්නේ මේ සියලූ සංකල්ප ඇතුළත් දැනුම
(දැනුම් පද්ධතීන්) බොරු බව කියා දීමය.
8 - වෙනත් දැනුම්වල අරමුණ ඊනියා ලෝකය තේරුම් කිරීමය.
එහෙත් බුදු දහමෙහි කියැවෙන්නේ මා නම් බොරුව තේරුම් ගන්නා
ආකාරය ය. (සංසාර සාරය නිවන් නොදකියි)
නලින් ද සිල්වා ඔහුගේ ලිපිය ආශ්‍රිතව සාකච්ඡා කරන්නෙ ්
දැනුමෙහි අනුභූති උත්තර ස්වභාවය ගැනය. එම්මෑනුවෙල් කාන්ට්
නම් දාර්ශනිකයා සිංහලෙන් විධිමත්ව ඔබ කියවුවහොත් නලින්
දැනුම ගැන මතු කරන ක්ෂේත්‍රය ඔබට හමුවෙයි. යම්කිසි
පුද්ගලයකු zමනස, ලෝකය සහ දෙවියන් හේතුව පාවිච්චි කර
වටහා ගැනීමට ගියහොත් ඒ තැනැත්තාට හමුවන්නේ න්‍යාය-විරෝධ
මිස පිළ ිතුරක් නොවේ. නලින් යෝජනා කරන්නේ හේතුව පාව්චිචි
කර නිවන වටහා ගැනීමට යාම මුළාවක් බවයි. එය දැනුමේ ජාතික
සංස්කෘතික සීමාවයි.
නලින්ට උත්තර සැපයීමේදී ඔහු විසින් නිර්මාණය කරන
තර්කාභාසයකට (තර්කයේ ස්වරූපය පිළ ිබඳව තර්ක කිරීමට
යනවිට ඇති වන ආභාසය) නිසි පිළ ිතුරක් ගොනු කළ යුතුය. අප
උදාහරණයක් ගෙන නලින්ගේ ප්‍රධාන තර්කයක (තර්ක ශාස්ත්‍රය
යනු නිවැරැදිව සිතන ක්‍රමය අධ්‍යයනය කිරීමයි) ඇති
විරුද්ධාභාසය පෙන්වා දෙමු.
අපි ඔහුගේ එක වාක්‍යයක් විභාග කරමු. මෙම වාක්‍යය තුළ
ඔහුගේ චින්තනයේ කේන්ද්‍රීය මානය ඇත. අපි දැන් ඔහුගේ
චින්තනයේ කේන්ද්‍රීය අදහස තනි වාක්‍යයකට ගොනු කරමු.
—බටහිර අධ්‍යාපනය විසින් වර්ධනය කෙරුණු පෞද්ගල ිකත්වයක්
මට ද වෙයි... මට ද මමායනයක් ඇත... ඊනියා උගතකු ය යන
හැඟීම අඩු කර ගැනීම මමායනය අඩු කර ගැනීමට එක් හේතුවක්
වන්නේ යැයි සිතමි˜
එක්තරා මොහොතකට පසු නලින් ද සිල්වාගේ චින්තනය යම්
ලක්ෂ්‍යයක් පසු කරයි. මෙම ලක්ෂ්‍යය පසු කළ පසු ඔහුගේ
චින්තනය ඔහු විසින් මෙලෙස නම් කරයි. —පශ්චාත්-බටහිර
චින්තනය˜ එය ඔහු නම් කරන්නේ බටහිර විරෝධී චින්තනය
ලෙසින්ය. තර්ක ශාස්ත්‍රයේ මූල ික අදහසක් යොදා ගත්විට zබටහිර
- විරෝධී යන්නම බටහිර චින්තනයේ ඵලයක් ලෙස ගත හැක. යම්
කෙනකු හේතුව :ඍැ්ිදබ- පාවිච්චි කොට යම් චින්තනයක ්
සංස්කරණය කරන්නේ නම්, එම හේතුව එක්තරා සීමාවකට වඩා
එහා ගොස් (අනුභූතියට එහා) වැඩ ගන්නා විට එම හේතුව එතෙක්
ගොඩනැගූ කතන්දරය විසංයෝජනය වීමට ද උදව් වෙයි.
නලින් ද සිල්වා මහතාගේ චින්තනය ක්‍රමිකව හදාරන විට පසක්
වන්නේ ඒ තුළ විරුද්ධාභාස :ඡ්ර්ාදංැි- ඕනෑ තරම් පෙන්විය
හැකි බවයි. ඔහු හේතුව යොදාගෙන හේතුව විසින්ම බිහි කරන
අතිකරණ සඳහා ද එය යොදාගෙන යථාර්ථය විග්‍රහ කරයි.
උදාහරණයක් ලෙස ඔහු බටහිර-විරෝධී යැයි තමන්ව හේතුව
යොදාගෙන තර්ක කරන විට එම බටහිර විරෝධීත්වය යනුම
බටහිර චින්තනයේ අග්‍රඵලයක් ලෙස නොගනියි. ඒ අනුව දේශීය,
පෙරදිග යන සංකල්ප බටහිර, විදේශික යන සංකල්ප වහරන්නේ
නැතිව ගොඩනැගිය නොහැක. බොහෝ පශ්චාත්යටත්විජිතවාදීන්ගේ
විරුද්ධාභාසයක් මෙතැනදී අපට පෙන්විය
හැක. ඔවුන්ට අනුව ඉතිහාසයේ එක්තරා  නම් මොහොතකට හෝ
සිදුවීමකට පෙර (එනම් විදේශ ආක්‍රමණවලට පෙර -  xයනු මෙම
විදේශ ආක්‍රමණ සිදුවීමයි. උදා- ඉංග්‍ර ීසිීන් ලංකාවට ආවේ 1818දී)
අපට පැවතියේ දේශීය සාරයකි. එය පවිත්‍රය. කිසිවකු ක්‍රමවත්
ලෙස මේ මොහොත ගැන නොසිතයි. මේ x යනුම අපව යටත්
කරගත් විදේශිකයන් හරහා අප ලබාගත් අවබෝධයකි. එය දේශීය
පවිත්‍ර මොහොතක් නොව විදේශීය චින්තනයේ අග්‍රතම ඵලයයි.
නලින් ද සිල්වා ඇතුළු සියලූ සිංහල ජාතිකවාදීන් පිරිසුදු නිකැළැල්
සලමුතු ජාතිකත්වයක් ගොඩනංවන්නේම බටහිර අධ්‍යාපනය,
බටහිර වියුක්ත චින්තනය හරහා මිස අපගේ ඊට පෙර පැවති
පූර්ව-බටහිර චින්තනයක් හරහා නොවේ. එය පසු ආවර්තනයකි.
ගුණදාස අමරසේකරගෙන් අප ඇසිය යුත්තේ නවකතාව නම්
ආකෘතිය ඔහුට ආවේ කොහෙන්ද කියාය. නවකතාවට පෙර අපට
කතා කලාවක් පැවති බව සැබෑය. එය ජාතක කතාවක් මිස
අනෙකක් නොවේ. මාර්ටින් වික්‍රමසිංහට අනුව ඒවායේ චරිත
ගොළුය. අමරසේකරගේ යථාර්ථවාදී නවකතාව තුළ ජීවත් වන
සම්, මස්, ලේ, ඇට නහර යනු පූර්ව-බටහිර, පුරාණ ලාංකේය
(පුරාණ සිංහල නොවේ - සිංහල යනු ද බටහිර චින්තනයේ ඵලයකි.
ජීවමාන භාෂාවන් ප්‍රාදේශිකය. වියුක්තය. පෞද්ගල ිකය. භූමියක්
නැත. ව්‍යාකරණ රටාවක් ද නැත. ඒ සියලූ ගුණ එක්සත් කරන්නේ
අධිරාජ්‍යය මිස අන් යමක් නොවේ. සිංහල යන්න අනන්‍ය වන්නේ
බි්‍රතාන්‍ය අධිරාජ්‍යයටය) අදහසක් නොව බටහිර නවකතාවේම
ඵලයකි. පුරාණ කවිය රජවරුන්, පුරයන්, වංශාධිපතියන්, රාජ
සභාව ගැන විවරණ කරද්දී නූතන බටහිර කවිය අධ්‍යාත්මය ගැන
අටුවා ලියයි. පැරැණි කවියා සොබාදහම අලංකරණය කරද්දී
නූතන කවියා, තම අනුභූතීන් ගැන ලියයි. මේ උදාහරණ දාමය
හරහා මා යෝජනා කරන්නේ zදේශීය සංකල්ප, දේශීය ප්‍රවාද
යන්නම බටහිර චින්තනයේ ඵලයන් බවයි. නැතහොත් ඒවා
විරුද්ධාභාසයන් බවයි. එසේත් නැතහොත් අතීතය ගැන සමකාලීන
ෆැන්ටසීන්ය.
මා ඉහත දී ඛණ්ඩනය කළේ නලින් ද සිල්වා මහතා මෙතෙක් තම
චින්තනය තුළ වහරන ලද මූල ික ප්‍රවාදයකි. මා යෝජනා කරන
විදර්ශනය අනුව ඔහුගේ දේශීය චින්තනය යනුම බටහිර දර්ශනයේ
ප්‍රවර්ගයකි. නලින්ගේ බොහෝ ප්‍රවාද ජර්මානු විඥානවාදයට ඉතා
සමීපය. ඒවා දීර්ඝ වශයෙන් විදාරණය කිරීම මෙතැනට අදාළ
නැත.
 දෙවැනි කොටස
ඊළඟට මා උත්සාහ කරන්නේ නලින් මහාචාර්යවරයා
සිහිනෙන්වත් නොසිතන චින්තන කලාපයකට ඔහුව රැගෙන
යන්නය. අපි දැන් උත්සාහ කරන්නේ ඔහුගේ තවත් උපන්‍යාසයක
අනේකත්වය පෙන්වා දීමටය. නලින් තම රචනාවේ මුඛ්‍ය විමුක්ති
අදහස පහත පරිදි කැටි කරයි.
—බුදු දහමෙහි අරමුණ මා යන සංකල්පය ද මගේ මනස යන
සංකල්පය ද ඇතුළු දැනුම මුසාවක් බව පැහැදිලි කිරීම ය.˜
බෞද්ධ සභ්‍යත්වය ගැන ප්‍රාමාණික උගතුන් ලංකාවේ ඕනෑතරම්
ජීවත් වෙයි. නලින් ද සිල්වා බුදුදහම ගැන කියන ඉහත ප්‍රවාදය මා
දන්නා තරමින් බෞද්ධ ඥාන-විභාගය තුළ කිසිවකු මින් පෙර
මෙපරිදි පහදා නැත. අනෙක් අතට නලින් කියන ආකාරයේ
අදහසක් බෞද්ධ සංස්කෘතිය තුළ ජීවත් වන්නකු පවා නොදන්නා
දෙයකි. මට වැටහෙන තරමින් —බුදුදහම යනු දැනුම් පද්ධතියක්
නොවේ˜ යන මාතෘකාවම බෞද්ධ ශිෂ්ටාචාරයට විදේශිකය.
මිථ්‍යාදෘෂ්ටිකය.
මාගේ යෝජනාව සහ නිගමනය ඉතා සෙමින් දැන් මා ප්‍රසාරණය
කරමි. —බුදුදහම යනු දැනුම් පද්ධතියක් නොවේ යන˜ අදහස
ක්‍රිස්තියානි සභ්‍යත්වයේ පදනමයි. ඕනෑම කිතුනු ලබ්ධිකයෙක් ඉතා
හොඳින් දන්නා සිදුවීමක් ක්‍රිස්තියානි දහම තුළ ඇත. එය නම්
ක්‍රිස්තුස් වහන්සේව කුරුසියේ තබා ඇණ ගැසූ විට වේදනාවෙන්
හ~ ගා උන්වහන්සේ කී වාක්‍යයයි. —දෙවියනේ ඔබ කොහිද?˜
මිනිසුන් දෙවියන්ගේ දැනුම කෙරෙහි වූ භක්තියෙන් ඔහුට/
ඇයට(?) අනන්‍ය වන විට කිතුනුවාට සම්මුඛ වූ සුවිශේෂ අත්දැකීම
කුමක්ද? බෞද්ධ, මුසල්මාන, යුදෙව් සහ වෙනත් සියලූ
ඇදහිල ිවලට ඇත්තේ දෙවියන් ගැන සාර්වත්‍රික :ඹබසඩැරි්ක-
අදහසකි. එනම් දෙවියන් සර්වබලධාරීය යන්නය. බුදුන් වහන්සෙ ්
අනිත්‍යය දේශනා කළ ද උන්වහන්සේ ද දැනුම :ණබදඅකැාටැ-
ඉදිරිපිට සර්වබලධාරීය. සර්වතෝභද්‍රය. වාගීශ්වරය. ත්‍රිපිටකය යනු
උන්වහන්සේගේ වාගීශ්වරභාවය ප්‍රකට කරවන ත්‍රිලක්ෂණයයි.
එනම් අර්ථය පිරිසුදු වචනයකින්, මධ්‍යයකින් උත්පාද වෙයි. අනෙක්
අතට බුදුන් වහන්සේ ශබ්දය ආධ්‍යාත්මික කරයි. නිර්වාණය යන ු
පුද්ගල විමුක්තියක් වන්නේ මේ නිසාය.
ක්‍රිස්තුස් වහන්සේ කුරුසිය මත තබා ඇණ ගසන විට
(ප්‍රභාකරන්ගේ හිස මතට වෙඩි තබන මොහොතේ) උන්වහන්සේ කී
උදාන වාක්‍යය අපි යළිත් සිහිකරමු. —දෙවියනේ ඔබ කොහිද?˜ මේ
උදාන වාක්‍යය නිසා මිනිස් සංහතිය ලැබ ූ විකල්ප විමුක්ති
සංස්කෘතිය කුමක්ද? දෙවියන්ගේ දැනුම සර්වබලධාරී නැත.
දෙවියන් ද අප මෙන් අසම්පූර්ණය. දැනුම අපව රැගෙන යන්නේ
සත්‍යය වෙතට නොව මෝහය වෙතටය. දැනුම අවිද්‍යාවක් යන
අදහස බටහිර-ක්‍රිස්තියානි සභ්‍යත්වයේ අගඵලයකි. විමුක්තිය කරා
ආවේශ වන්නකු හෝ ප්‍රේරණය වන්නකු එසේ කළ යුත්තේදැනුම
අතහැර අනෙකාට විවෘතව සම්මුඛ වීමෙනි. විමුක්තිය දේශනා
කරන සාමූහිකයක් අතර ඇති බැඳීම වර්ණවත් වන්නේ විශ්වාසය
:ඊැකසැෙ- මතය. බෞද්ධ කතිකාව අධ්‍යයනය කරන්නකුට
උන්වහන්සේ සර්වතෝභද්‍ර හැර උන්වහන්සේගේ දැනුම සදිග්ධ
තැන් විචාරණය කරන සම්ප්‍රදායක් දෘශ්‍යමානද? බුදුදහම ඇසුරු
කරන්නාට මහා අනෙකෙක් නැති බව විද්‍යමාන වනවාද? මේ
සන්දර්භය තුළ මහාචාර්ය නලින් බුදුදහම දැනුම් පද්ධතියක්
නොවේ යැයි කරන යෝජනාව ඉතාම සාධනීය කරුණකි. නමුත ්
උභතෝකෝටිකය වන්නේ එම අදහසේ විදේශික සාරය මඟින් මුළු
බුදුදහමම විසංයෝජනය වීමට ඉඩ ඇති බැවිනි. දැනුම මුළාවක්
බව අවබෝධ කරගැනීම අප දන්නා පරිදි දෘෂ්ටිවාදී විචාරයේ
රැඩිකල ්ම ආස්ථානයයි. සම්භාව්‍ය මාක්ස්වාදයේ දෘෂ්ටිවාදය
විචාරය කිරීම —දැනුම සහ නිවැරැදි දැනුම˜ (ව්‍යාජ විඥානය/
විද්‍යාව) අතර භේදය තුළින් උපන්නක් නම් නූතන මාක්ස්වාදයෙ ්
දෘෂ්ටිවාදය විචාරය කිරීම ෆැන්ටසිය සහ සමාජ යථාර්ථයට
(සමාජ යථාර්ථය යනු දැනුමක් ලෙස නොව යථාර්ථයෙන් පලා
යාමක් ලෙස) මාරු වී ඇත.

අප විසින් ඔබට හඳුන්වා දුන් නව-සන්දර්භය තුළ දෘෂ්ටිවාදය
විචාරය කිරීමේ තත්කාලීන න්‍යාය වන්නේ චින්තනයේ හෝ න්‍යායේ
වැරැදි අඩුපාඩු පෙන්වීම හෝ අනුභූතික යථාර්ථය දෘෂ්ටිවාදී
වැඩිබිම ලෙස සැලකීම නොවේ. ඒ වෙනුවට අද්‍යතන දෘෂ්ටිවාදය
විචාරය කිරීම (දෘෂ්ටිවාදය නම් පදය නලින්ගේ කතිකාවෙන් ඉවත ්
වී බොහෝ කල්ය. එබැවින් නලින්ට මිනිසාට අවිඥානයක් තිබේය
යන ප්‍රවාදය මුණගැසී නැත) ෆැන්ටසිය සහ සමාජ යථාර්ථය යන
ක්ෂේත්‍ර කරා, එනම් දැනුමේ ක්ෂේත්‍රයෙන් දෘෂ්ටිවාදී විචාරය —
අවිඥානයට සහ විනෝදය˜ කරා විතැන් වී ඇත. මහාචාර්ය නලින්
තම සවිඥානික ජීවිතයේදී හෙළා දකින චින්තනයක සාරාත්මක
කොටසක් සමඟ (ක්‍රිස්තියානි දේව ධර්මය) අවිඥානිකව අනන්‍ය වීම
අහම්බයක් නොවේ. බුදුදහම දැනුම් පද්ධතියක් නොවේ යන අදහස
මඟින් නලින් බෞද්ධ ආචාර විද්‍යාවෙන්, ක්‍රිස්තියානි ආචාර
විද්‍යාවට :ෑඑයසජි- ඛණ්ඩනය වී ඇත. මෙහිදී ආචාර විද්‍යාව
(නැතහොත් ආචාර-ධර්ම) යනු කෙනෙක් අන්‍යයන් ජීවත් වන
ලෝකයක සදාචාරය උල්ලංඝනය කොට තමන්ගේ ආත්මයේ
නිදහස වෙනුවෙන් ක්‍රියා කිරීමේ ස්වභාවය ආචාර විද්‍යාව විසින්
පරීක්ෂා කරනු ලැබේ. නලින් ද සිල්වා කර ඇත්තේ නොදැනුවත්ව
බෞද්ධ සදාචාරයේ පදනම විචාරය කිරීමයි. (සැලකිය යුතුය -
බුදුන් දෙවියන් විවේචනය කිරීම නිසා බුදුදහම දේව විරෝධී යැයි
සලකන පටු කල්පනාවට පාඨිකාවන් නොවැටෙනු ඇත යන්න මගේ
ප්‍රාර්ථනයයි)
දැන් අපට මහාචාර්ය නලින් ද සිල්වා මහතාගේ ඥාන-විභාගය
(යථාර්ථය ගැන ඔහුට ඇති දැනුම හෝ නො-දැනුම) විචාරය කළ
හැක. අපි ඔහුගේ ඥානයේ ස්වරූපය වටහා ගැනීමට ඔහුගේ
වාක්‍යයක් විශ්ලේෂණය කරමු.
—ඇතැම් දැනුම් පද්ධතියක ලෝකය ඊනියා වාස්තවික යථාර්ථයක ්
බවත් එකී ලෝකය ක්‍රියාත්මක වන්නේ යම් නියමවලට එකඟව
බවත් උපකල්පනය කරයි. එමෙන්ම ඒ නියම කවරේදැයි අපට
දැනගත හැකි බවත් උපකල්පනය කෙරෙයි˜
යථාර්ථය ගැන අපගේ (පෙරටුගාමී පක්ෂය) අද්‍යතන දැනුම
කුමක්ද?
මිනිස් චින්තනයට බාහිරින් අදහස් පවතී යැයි ප්ලේටෝ
පිළ ිගත්තේය. ඒ අනුව ඔහු සත්වාදියෙකි. බර්ක්ලේ චින්තනය බාහිර
යථාර්ථයට සම්පූර්ණයෙන් යට කළේය. හේගල් ද බාහිර
යථාර්ථයක් තිඛෙන බව පිළ ිගත්තේය. මේ අනුව විඥානවාදය සහ
භෞතිකවාදය එකිනෙකින් වෙන් වන්නේ ඉහත අප බාහිර යථාර්ථය
සංකල්පයට උරාගත හැකිද? නොහැකිද? යන පදනම මතය.
හේගල් කීවේ බාහිරින් පවතින වාස්තවික ලෝකය හෝ යථාර්ථය
වාස්තවික (පෞද්ගල ික නොවේ) චින්තනයට තුල්‍ය හෝ උරාගත
හැකි බවයි. මේ අවබෝධයට අනුව නලින් ද සිල්වාගේ යථාර්ථය
පිළ ිබඳ අවබෝධය කුමක්ද? ඔහුට අනුව සංකල්පවලින් ස්වායත්ත
සංජානන ඇති බව පෙන්විය හැකි සමතෙක් වේද?
නලින්ගේ මූලික ප්‍රවාදයට අනුව මනසින් තොරව යථාර්ථයක්
නැත. ඔහුට අනුව මනසේ අරමුණ වන්නේ ලෝකයේ නිරීක්ෂණයට
ලක් වන කොටස ගැන පමණක් සත්‍ය විස්තරයක් ලබාදීමය.
නලින්ට අනුව අවිඥානය පවා මනසට ඉන්ද්‍ර ියට සාපේක්ෂය.
තමාගේ චින්තනය ගැන නලින් එලෙස නිර්වචනය කළත් වෙනත්
අයගේ චින්තනයන් සහ වෙනත් දාර්ශනික පද්ධතීන් (බටහිර
දර්ශනය, බටහිර මාක්ස්වාදය) පරීක්ෂා කිරීමේදී ඔහු ඒවා සලකන
ලද්දේ පරිපූර්ණ යථාර්ථයන් ලෙසය. —යථාර්ථය˜ චින්තනය තුළ ගිලී
ඇතැයි සිතන ඔහු වෙනත් යථාර්ථයන් ද එසේම යැයි අනුමාන
කරයි.
මනෝ විශ්ලේෂණය අනුදත් නූතන බටහිර දර්ශනයට අනුව
(සත්‍ය වශයෙන්ම මෙය විදර්ශනයකි ජ් :Aබඑස-ඡයසකදිදචයහ- —
යථාර්ථය˜ අසම්පූර්ණය. :ෂබජදපචකැඑැ- දර්ශනයේ සම්භාව්‍ය ගැටුම
පැවතියේ යථාර්ථය මනසින් බාහිරව පවතීද? :ඍැ්කසිප-
නැතහොත් යථාර්ථය පවතින්නේ මනස තුළ ගිල ීද? මේ විවාදයට
අනුව මානුෂික කෙනෙක් නැතිව ලෝකයත්, ලෝකයක් නැතිව
මානුෂික කෙනෙක්වත් වටහාගත නොහැක. ඒ අනුව ලෝකය සහ
මානුෂික ඒජන්තයා අතර සහසම්බන්ධයක් ඇත.
දේවල් අපට පෙනෙන ආකාරයත්, ඒවා සැබැවින්ම පවතින
ආකාරයත් :ඔයසබට-සබ-සඑිැකෙ- අතර වෙනස බටහිර දර්ශනය තුළ
කාන්ට් මතු කර පෙන්වයි. නමුත් ලැකාන් අනුදත් අද්‍යතන බටහිර
විදර්ශනයට අනුව මෙම ඉහත භේදය මුළාවකි. ඒ මන්ද? යමක
එහි-එහිම-ස්වරූපය නොහොත් සාරය යන්න නිගමනය කළ
හැක්කේ —යථාර්ථය˜ යනුවෙන් දෙයක් සම්පූර්ණ ලෙස පවතිනවා
නම්ය. යථාර්ථය අසම්පූර්ණ නම් එහිදී යමක් අපට පෙනෙන
ආකාරය සහ ඒ දෙයට ඇති සාරය අතර වෙනස ද අහෝසි වී
යයි. මෙතෙක් කල් අප දැන සිටි පරිදි මුළාවන් :ෂකකමිසදබි- අදාළ
වූයේ දැනුම පාවිච්චි වන තැන්වලදීය. නව තත්ත්වයට අනුව
සාරයන් තුළ ද ඇත්තේ මුළාවන්ය. (පක්ෂය, ප්‍රජාතන්ත්‍රවාදය,
ජාතිය)
ඉහත අප සංවාද කළ —යථාර්ථය˜ පිළ ිබඳ නව තිසීසයට අනුව
වාස්තවික යථාර්ථය මිථ්‍යාවක් වන්නේ එය ආත්මයෙන් ස්වාධීනව
පරිබාහිරව පැවති නිසා නොවේ. ආත්මය යථාර්ථයේම කොටසක් වූ
නිසාය. ඒ අනුව ආත්මය යථාර්ථයේ කොටසක් යන්න හුදු න්‍යායික
අදහසක් පමණක් නොවේ. එය ප්‍රායෝගික අවශ්‍යතාවකි. ඕනෑම
යථාර්ථයක් අසංගත වන්නේ එහි ගුණයක් නිසා නොව යථාර්ථයට
ආත්මය විසින් අඩු කරන ගුණයක් දී තිඛෙන නිසාය. යථාර්ථය
ගැන අපට වාස්තවිකව පුරෝකථනය කළ නොහැකි වන්නේ එය
නිපදවන අවසාන ගුණය වන —ආත්මය˜ :ීමඉවැජඑ- අපගේ ඥානයට
සහ අනුභූතියට අදෘශ්‍යමාන නිසාය. නිධානය චිත්‍රපටයේ කතා
නායකයා (ඔහු අන්තිමට මිනීමරුවකු වෙයි) සමඟ ප්‍රේක්ෂක අප
අනන්‍ය වන්නේ මන්ද යන කාරණය අපට නොවැටහෙයි.
අපගේ චින්තනයේ නියම සතුරා පවතින්නේ ඉන් බාහිර තැනක
නොව චින්තනයේම අභ්‍යන්තරය තුළය. චින්තනයට බාහිර සතුරන්
අවශ්‍ය (දෙමළ, බටහිරයා, පක්ෂය තුළ විමතිකයා, ද්‍රෝහියා)
වන්නේ චින්තනය සීමිත ක්‍රියාවක් නිසාය. එසේ නැතිව එය වියුක්ත
එකක් නිසා නොවේ. හේගලියානු දර්ශනය තුළ කෙනකුගේ
චින්තනයේ හෝ ජීවිතයේ ස්වයං-විසංවාදයට වඩා වැදගත්කමක ්
දෙමින් බාහිර සතුරාට හෝ බාහිර බාධාවට ද්විතීයික තැනක්
දෙන්නේද චින්තනය සීමිත ස්වයං-පරාවර්තනයක් නිසාය.
මහාචාර්ය නලින් ද සිල්වා විසින් අනුමාන කරන බටහිර
වාස්තවික ඥානය/ යථාර්ථය යන්න අප සලකා බැල ිය යුත්තේ
සද්භාවය පිළ ිබඳ රූපික ආභාසයක් ලෙසිනි. ඉන් අදහස් වන්නෙ ්
පැවැත්මක් නැති දෙයකට පැවැත්මක් තිබේය කියා විශ්වාස කර
ක්‍රියා කිරීමයි. උදා - මකරුන් කටින් ගිනි දැල් පිට කරයි. මකරුන්
යන්න හිතින් මවා ගත් දෙයක් නිසා ගිනිදැල් පිට කිරීම සිතින් මවා
ගත් ලෝකයකම සිදු වෙයි. දැනුම යථාර්ථය විචාරය කිරීමට
තවදුරටත් අදාළ නැති බව නලින් කියන විට එය සැබෑය. නමුත්
සිංහල-බෞද්ධ මහා අනෙකාගේ ආමන්ත්‍රණයට අනුව දෘෂ්ටිවාදීව
පොල පනින නලින් අවිඥානිකව සිංහල-බෞද්ධයකු වීමට
ෆැන්ටසිකරණය කරයි. යථාර්ථයට අප මුළා වන්නේ දැනුම විචාරය
කරන විට නොව අප ෆැන්ටසියට භක්තිමත් වන විටය. විමුක්තිය
ළඟා කරගත හැක්කේ ෆැන්ටසිය තරණය කරන විටය.


භාරතීය සහ යුරෝපීය දාර්ශනිකයන්ට රෑ එළි වන තුරු  දහවල රැය වන තුරු කල්පනා කිරීමට බොහෝ ප්‍රශ්න තිබිනි. ලකාන් ලා ජීජැක්ලා කියා සායම් තවරා එවන්නෙත් පරණ අරක්කුය.
මුල්ලපටස් ඉවත් කර තේරෙන බාසාවෙන් මේ දාර්ශනික කරුණු ගැන මගෙ මතය කියමි.

අපෙන් බාහිර වූ ලෝකයක් ඇද්ද

ලෝකය  අපගේ මනසේ නිරීක්ෂනයක් නොවේ. අපගේ මනස ලෝකයේම කොටසකි.එසේම සත්‍ය වීම පරාසයනට සාපේක්ෂය. යථාර්ථය අදාල පරාසයන්ට සාපේක්ෂ වන අතර එම පරාසයෙන් පිටතදී සත්‍ය නොවිය හැක.අප යනු ලෝකයේම කොටසක් නිසා අපෙන් බාහිර ලෝක ගැන සංවාදය මින් මතුවට අවශ්‍ය නොවෙයි.
තව දුරටත් පැහැදිලි කරන්නේ නම් මම කියා කෙනෙක් සිටින්නේ මම සිටින පරාසය තුලයි.
බෞද්ධ දර්ශනයේ මේ ගැන තවත් නඩර දෙමළයක් ඇත. මියගොස් යළි උපදින්නෙ මැරුන කෙනා නොවේ වෙනත් කෙනෙක් ද නොවේ. මේක අසන පුද්ගලයාට මේ මුල්ලපටස් නොතේරෙන නිසා මේ නම් මාහ ලොකු දෙයකි. මෙය තීරුම් ගන්නට මගේ දැනුම ප්‍රමානවත් නැත. මගේ දැනුමෙන් ඔබ්බට ඇති මේ මහමෙර තේරුම් ගන්නවට වඩා බෝධිපූජාවක් පැවැත්වීම හොඳයි
 කියා ක්‍රිකට් කණ්ඩයමේ ග්‍රහ අපල දුරු කිරීමට කවි කියමින් බෝගසට වතුර වක්කරයි.


අනේ පවු

මෙතන ඇත්තේ සරල කතාවකි.මියගිය පුද්ගලයා ඇසුරින් ඇතිවූ වෙනත් පුද්ගලයෙකි කියා කී විට ප්‍රශ්නය විසදේ. ඇසුරින් කියන වචනාය දමා වාක්‍ය දෙක සමබන්ධ කිරීමට නාගර්ජුනලා ,නාගසේනලා වැනි නාගයන් කැමති වී නැත. මෙහිදී මට මිළින්ද ප්‍රශ්නය පොතේ එන තකතිරු උපමා මතක් වෙයි. 
එක් උපමාවක යම් දේනුවක් කන සියල්ල දිරවන නමුත් කලලය දිරවන්නෙ නැත්තෙ කළලයේ කර්ම බලය නිසා කියා කියයි. මෙය කියන්නෙ නාගසේන නොවේ නාගසේනගෙන් ප්‍රශ්න අසන මිළිදුය ( මිනැන්නඩර් ).නාගසේන පාස් කරපු බෝලෙට ඩෑෂ් පහරක් එල්ල කරයි.

තාර බර ඇරිය යුතුය. අහසේ සිටින සියල්ලන්වන්ම පොලවට ගත යුතුය.කිසිම රාමුවක කොටු නොවිය යුතුය.කෙසේ නමුත් බුදුන් වැනි අය කාලයට සාපේක්ෂ උගතුන් බව නම් මම පිළිගනිමි.



කපුටා කළුය යන කතාව සුදු කපුටෙක් දකින තුරු සත්‍ය වන අදහසකි.( ප්‍රවාද ,උපන්‍යාස වැනි වචන ඕනෑකමින්ම නොදමමි )
සුදු කපුටෙක් දුටු පසු අවශ්‍ය නම් කපුටා කළුය යන අදහස බොරුය කියා හෝ අළුත් එකා වෙනම සතෙක් කියා හෝ අපට දැණුමක් ගොඩ නගා ගත හැක. නමුත් මේ දැනුම ගොඩ නැගුවේ පවතින දෙයක් ඇසුරෙනි. ඇසුරෙන් කියන වචනය ඉතා වැදගත්ය. ඔබ දකින කපුටා මා දකින කපුටාගෙන් වෙනස් නැත.කපුටා ගැන මගෙ සිතේ මැවෙන චිත්ත රූප වෙනස්ය.චිත්ත රූපද කපුටන් සේම ලෝකයේ නිර්මාණයකි. ප්‍රශ්නය ඇත්තේ එය කේන්ද්‍ර කරගෙන සිතීමෙනි.සියල්ල මනසේ නිර්මානය කියන නලින් ල මම කේන්ද්‍ර කරගෙන ලොව මම වටා බ්‍රමනය වන බව සිතයි.එය මුලාවකි. මම ද කපුටා මෙන්ම අදාල පරාසයට පමනක් සත්‍ය වන යම්කිසි දෙයකි.

මේවා සිතීම නිශ්ඵලයයි බුදුන් කී කතාව ඇත්තය.

Wednesday, August 26, 2015

ඉස්තේවන් අයියගෙ ලියුම


කාලය හරහා අතීතයට යාම ගැන අදහස ආවේ 1895 තරම් කාලයකදීය. එහෙත් ඇල්බට් අයියගෙ අන්ඩර දෙමළයක් නිසා එය කතාබහට ලක් විය.ඇල්බගෙන් පසු රජවැඩකාරයා අපේ ඉස්තේවං අප්පුවාය. මේ ඉස්තේවං ගොයියගෙ  ලියමනකි. මෙය හමුවුනේ අන්තර්ජාලයෙන් බව කියන්න ඕනෑ නැත.එය පළකර තිබුනේ  නොදන්න මඟුල් කියා බ්ලොග් එකකය.

ස්ටීවන් හොව්කින්ග්


මහාචාර්ය ස්ටීවන් හොව්කින්ග් යනු ඇල්බට් අයින්ස්ටයින්ට පසුව මෙලොව පහළ වූ ශ්‍රේෂ්ඨතම භෞතික විද්‍යාඥයා ලෙසද, මෑතකදී මිනිසා දුටු විශිෂ්ඨතම විශ්ව න්‍යාය විද්‍යාර්ථයාණන් ලෙසද සැළකේ….එතුමන් විසින්, එතුමන්ගේම පරිඝණක කට හඬ යොදාගෙන සහ බෙනෙඩික්ට් කම්බර්බැච්ගේ ගැඹුරු ස්වරය සහ මාටින් විලියම්ස්ගේ අධ්‍යක්ෂණය යොදාගෙන කරවූ ඩී.වී.ඩී තැටි පෙළක් ඇසුරෙන් ( Stephen Hawking`s Universe – Trio of DVDs) , එතුමන්ගේ මේ කාළ තරණ න්‍යායන් සම්බන්ධ ඉතාම සැකෙවි විග්‍රහය, සිංහල පාඨකයන්ගේ හිතසුව පිණිස මෙසේ පරිවර්තනය කරමි…ඩී.වී.ඩී පට පෙළ අන්තර්ජාලයට එක් කිරීමට නුදුරේදීම කටයුතු කරමි…)














මගේ නම ස්ටීවන් හොව්කින්ග්. භෞතික විද්‍යාඥයෙක්, අභ්‍යාවකාශ විද්‍යාඥයෙක්, ඒ වගේම එක්තරා විදිහකට හීන දකින්නෙක්….මට සෙලවීමට පවා නොහැකි උනත්, පරිඝණකයක් ආධාරයෙන් කථා කරන්නට සිදුවුණත්, මගේ මනස නිදහස්….එය බොහොම නිදහස් මේ විශ්වය ගවේෂණය කරන්නත්, ලොකු, ලොකු ප්‍රශ්ණ අසන්නත්…” කාල තරණය කළ හැක්කක්ද? අපට අතීතයට දොරටුවක් විවර කළ හැකිද?..එහෙමත් නැත්නම් අනාගතයට යන්නට කෙටි මාවතක් සොයා ගන්නට පුළුවන් වේවිද?..අපට සොබාදහමේ නීති යොදාගෙන, කාළයේ පවා ස්වාමීන් වන්නට හැකියාව තිබෙනවද?…” මෙවැනි ලොකු ප්‍රශ්ණ මට අහන්න නිදහස් මනසක් තිබෙනවා….
එක්තරා කාළයකදී, මේ කාළ තරණය කියන විද්‍යාත්මක ප්‍රවාදයක්, නැත්නම් හුදු ප්‍රබන්ධයක් පමණක් වෙලා තිබුණා…ඒ කාළයේ තිබුණු මතවාද සහ අල්ප දියුණුව නිසාම මම, පිස්සෙකු ලෙස හඳුන්වනු ලැබීමෙන් වැළකීමට ඒ ගැන වැඩි යමක් කථා කළේ නෑ…නමුත් මේ කාළයේදී නම් මම ඒ ගැන එතරම් පරිස්සම් වෙන්නේ නෑ…සත්තකින්ම, මම ටිකක් දුරට අර ශිලාස්ථම්භයන් ( Stonehenges of England) එංගලන්තයේ හදපු මිනිස්සු වගේ…මම “කාළය” නැමති සංකල්පයට ඇබ්බැහි වෙලා ඉන්නේ…මට කාළ තරණ යන්ත්‍රයක් එහෙම තිබුණා නම්, මම මැරිලීන් මොන්‍රෝ නළඟන, ඇගේ ජීවිතයේ හොඳම කාළයේදී ගිහින් මුණ ගැහෙනවා…එහෙමත් නැත්නම් ගැලීලියෝ තම දුරේක්ෂය අහස දෙසට හරවද්දී ඔහු හමුවට යනවා…ඇතැම් විට මම විශ්වයේ අවසානය තෙක්ම යන්න තිබුණා, අපේ අභ්‍යාවකාශ කතන්දරය අවසන් වන අයුරු බලාගෙන එන්න…
මේක කළ හැක්කක් වන්නේ කොහොමදැයි නිර්ණය කරන්නට අපිට සිදුවෙනවා “කාළය” දෙස භෞතික විද්‍යාඥයන් බලන විදිහට බලන්න…එනම් කාළය යනු “සතරවැනි මාණයයි” ( Fourth Dimension) යන න්‍යායෙන් බලන්න අපිට සිද්ද වෙනවා…ඒක ඔය ඇහෙන තරම් අමාරු දෙයක් නෙමෙයි…ඉස්කෝලෙ නිසි පරිදි යන සෑම ඉස්කෝලෙ ළමයෙකුම දන්නා දෙයක් තමයි, භෞතික වස්තුවක් මාණයක් තුනක, නොහොත් “ත්‍රිමාණව” පැවතීම…මම මේ මගේ පුටුවේත් මානයන් තුනක ඉඳගෙන ඉන්නවා…හැම දෙයක් සතුවම, දිගක්, පළලක් වගේම උසකුත් තියෙනවා…
නමුත්, තව වර්ගයක දිගක් තිබෙනවා…මේ “දිග” යනු “කාළයේ දිගයි”…මිනිසෙකුට ජීවත් වී ගත හැක්කේ අවුරුදු 80 ක් වුණාට, ශිලාස්ථම්භයන්ගේ ගල් කණු අවම වශයෙන් අවුරුදු දහස් ගණනක් පවතිනවා…සෞර ග්‍රහ මණ්ඩලය වසර බිලියන ගණනක් පවතිනවා..හැම දෙයක් සතුවම කාළයේ සහ අවකාශයේ දිගක් තිබෙනවා…කාළය හරහා ගමන් කරනවා කියන්නේ “මෙන්න මේ හතර වැනි මානය” හරහා ගමන් කරනවා කියන එකයි..
මෙහි අර්ථය කුමක්දැයි සළකා බැලීම සඳහා, අපි හිතින් මවා ගමු, අපි දිනපතා කාර් එකකින් ගමනා ගමනයේ යෙදෙනවා කියලා…එක සරල රේඛාවක රථය පැදෙව්වොත් ඔබ චලනය වන්නේ එක මාණයක ( Mono Dimensional Drive ) පමණයි…වමට හෝ දකුණට හැරෙව්වොත්, එය ද්වි-මාණ වෙනවා ( Two Dimensional)…වංගු සහිත කඳු පාරක ඉහළට රිය පැදෙව්වොත් එයට “උච්ඡය / උන්නතාංශ මානය ( උස ) ” එකතු වී, එය ත්‍රිමාණ ( Three Dimensional Drive ) රිය පැදවීමක් වෙනවා…
නමුත් කොහොමද අපි කාළ මාණය හරහා යන්නේ? අපි සිවුවැනි මානය හරහා මඟක් සොයා ගන්නේ කොහොමද?
පි සුළු මොහොතකට විද්‍යා ප්‍රබන්ධයකට ඉඩ දෙමුකෝ…හුඟක් කාළ තරණ චිත්‍රපටි වල, විශාල ශක්තියක් වැය වන, ශක්ති කුසගින්න සහිත යන්ත්‍ර තමයි දක්වන්නේ….ඒ යන්ත්‍ර කාළය හරහා මඟක් හදනවා…ඒක කාළය හරහා “උමඟක්” කිව්වොත් වඩා නිවැරදියි…ඔන්න කාළ තරණය කරන්නෙකුත් ඉන්නවා…නිර්භීත, රැවටිය නොහැකි, ඕනෑම දේකට මුහුණ දෙන්න සූදානම් කෙනෙක්…ඔහු මේ “කාළ උමඟට” පය තබා, තමන් නොදන්නා කාළයකින් මතු වෙනවා…මෙම සංකල්පය හුඟක් ඈතකදි සිදුවන්නක් වෙන්න පුළුවන්, ඒ වගේම යථාර්තය මීට වඩා බොහොම වෙනස් වෙන්න පුළුවන්, නමුත් මේ අදහස නම් එතරම් විකාර රූපී අදහසක් නෙමෙයි…
භෞතික විද්‍යාඥයනුත් කාළය හරහා පවතින උමං ගැන කල්පනා කර බැලුවා, නමුත් අපි ඒකට එන්නේ වෙනත්ම කෝණයකින්. අපි කල්පනා කරන්නේ අනාගතයට හෝ අතීතයට යන දොරටු, සොබා දහමේ නීති වලට අනුව ඇත්තටම පවතින්න පුළුවන්ද කියන කාරණය..වෙන මොනවද ඉතින්, අපි එහෙම දොරටු වලට නමකුත් දී තිබෙනවා : “පණු ගුල්” කියලා… ( Worm Holes of Time ) ඇත්තම කිව්වොත් මේ පණුගුල් අපි වටා තිබෙනවා. නමුත් ඒවා දකින්න බැරි තරම් ක්ෂුද්‍රයි.. මේවා පවතින්නේ කාළයේ “සිදුරු” සහ “මුලු” වල..මේ සංකල්පය ඔබට තරමක් අසීරු වෙයි අවබෝධ කරගන්න…නමුත් මා එක්ක රැඳී ඉන්න…
( ..”පණුගුල්” යනුවෙන් හැඳින්වෙන්නේ කාළයේ ස්ථාන දෙකක් යා කරන, ඇල්බට් අයින්ස්ටයින්ගේ සාපේක්ෂතාවාදයෙහි පෙර දකින ලද, සෛද්ධාන්තික උමං මාර්ගයකි…එසේ නැති නම් කාළය හරහා ඇති කෙටි මාර්ගයකි..මෙහි දැක්වෙන්නේ එබඳු පණු ගුලක ත්‍රිමාණ රූප සටහනකි…මෙහි සෘණ  ශක්ති අවස්ථාව අවකාශය සහ කාළය උමඟෙහි විවරයට අදිනු ලබන අතර, ඒවා වෙනත් විශ්වයකින් මතු වේ..මෙවැනි තත්වයන් කල්පිතයන්ට පමණක් සීමා වී ඇති අතර, කිසිවෙකුත් කෙදිනකවත් මේවා දැක නැත…නමුත් චිත්‍රපට ගණනාවක මෙවැනි දේ හුවා දක්වා තිබේ…)
කිසිවක් සමපෘෂ්ඨීය හෝ ඝනීභූත නැත…ඔබ හොඳින් බලයි නම්, ඒවා සියල්ලේම රැළි සහ හිල් දක්නට ලැබෙනු ඇත…මෙයම කාළය සම්බන්ධවද අදාළය..පූල් ක්‍රීඩාව සඳහා යොදා ගන්නා බෝලයක් වැනි සුමට දෙයකද, ඉතාම කුඩා රැළි, පළුදු සහ හිල් ඇත…පළමු ත්‍රිමාණ සම්බන්ධයෙන් නම් මෙය සත්‍යයක් බව පෙන්වා දෙන්න පුළුවන්..නමුත් මාව විශ්වාස කරන්න, මෙයම කාළ මාණය හෙවත් සිවුවැනි මාණය සම්බන්ධවද අදාළයි…ඉතාම කුඩා පළුදු, පරතර සහ හිල් කාළයේත් තියෙනවා…ඒවා අතිශයින්ම කුඩා ඒවා වන අතර, ක්ෂුද්‍ර අණු වලටත් වඩා කුඩායි..කුඩාම අණු වලටත්, පරමාණු වලටත් වඩා පහළට යන විට අපි එනවා “ක්වන්ටම් පෙණ” නම් තත්වයට…මේ කාළ පණුගුල් තියෙන්නේ එතනයි…කාළය සහ අවකාශය හරහා කුඩා උමං මාර්ග සහ කෙටි පාරවල් නිරතුරුවම ඇති වීම, නැති වීම සහ යළිත් ඇති වීම තමයි මේ ක්වන්ටම් ලෝකය තුළ දිගටම සිදු වෙනවා…
ඇත්ත වශයෙන්ම මේවා, වෙනස් ස්ථානයන් දෙකක් සහ වෙන් වෙන්ම කාළ දෙකක් එකට යා කරනවා…
අවාසනාවකට, මේ සැබෑ ලොවෙහි කාළ උමං, සෙන්ටිමීටරයකින් බිලියන- ට්‍රිලියන -ට්‍රිලියනයකින් එකක් තරම් ක්ෂුද්‍රයි…මිනිසෙකුට හෝ වෙනත් කිසිවකට ඒ හරහා ගමන් කළ නොහැකි තරමටම ක්ෂුද්‍රයි…සමහර විද්‍යාඥයන් සිතනවා, මෙයින් එක පණු ගුලක් අල්ලා ගෙන, එය ට්‍රිලියන ගුණයකින් විශාල කළොත් මිනිහෙකුට හෝ අභ්‍යාවකාශ යානයකට
මේ තුළට පිවිසිය හැකි අයුරකින් සකස් කරන්නට ලැබේවි කියලා..
වශ්‍ය තරම් බලය සහ අධි තාක්ෂණය දුන්නොත්, ඇතැම් විටක යෝධ පණු ගුලක් අවකාශයේ තනා ගන්න පුළුවන් වේවි…මම කියන්නේ නෑ එහෙම කරන්න අනිවාර්යෙන්ම පුළුවන් වෙයි කියන එක…නමුත් කළ හැකි වෙන්නත් ඉඩ තියෙනවා..හැබැයි යම් දිනක එවැන්නක් හැදුණොත් එය ඉතාම ආශ්චර්යමත් දෙයක් වේවි..එහි එක කොණක් පෘතුවිය අසළත්, අනිත් කොණ ඉතාම දුර බැහැර ග්‍රහ ලොවක අසළත් තියෙන්න පුළුවන්..
සෛද්ධාන්තිකව, මේ කාළ උමං හෝ පණුගුල් වලට පුළුවන් අපිව වෙනත් ග්‍රහ ලෝක වලට ගෙන යනවාට වඩා හුඟක් දේ කරන්න…මේවායේ කොන් දෙකම තිබෙන්නේ එකම තැන නම්, “දුර” මත වෙන් නොවී, “කාළය” මත පමණක් වෙන්වෙලා නම් තියෙන්නේ, අභ්‍යාවකාශ යානයකට හැකි වෙයි මෙතුළට ගොස්, නැවත පෘතුවිය අසළින්ම මතු වෙන්න, නමුත්, බොහෝ ඈත අතීතයේ පෘතුවිය අසළින්…සමහරවිට ඩයිනෝසරයන්ට හැකියාව ලැබෙයි, එවැනි ගුවන් නැවක් බිමට බාන්න එන හැටි දැක ගන්න…

මිහිපිට මිනිසා විසින් තනපු වේගවත්ම යානය තමයි ඇපලෝ 10 රොකට්ටුව..එය පැයට සැතපුම් 25,000 ක වේගයක් ලබා ගත්තා..නමුත්, කාළය තරණය කළ යුතු නම්, අපි ඒ වගේ 2000 ගුණයක වේගයක් ලබා ගත යුතුයි, අවම වශයෙන්…
දැන් මට තේරුම් යනවා, මේ චතුර්-මාණ චින්තනය කියන එක එතරම් පහසු දෙයක් නොවේය කියලා..ඒ වගේම මේ “පණුගුල්” කියන එකත් ඔබේ ඔලුවට දා ගන්න ඉතාම අපහසු සංකල්පයක්, නමුත් රැඳී ඉන්න දිගටම. මම හිතා ගත්තා ඉතාම සරල පරීක්ෂණයක්, මේ මිනිස් කාළ තරණය කළ හැකි දෙයක්ද, අනාගතයේ වත් කියන එක නිර්ණය කරන්න…මම කැමතියි සරල පරීක්ෂණ වලට සහ ෂැම්පේන් වලට…
ඒ නිසා, මම ඒ කැමති දේවල් දෙක ( සරල පරීක්ෂණ සහ ෂැම්පේන් ) එකතු කළා, මිනිසාට අතීතයට හෝ අනාගතයට කාළ තරණයන් කරන්න පුළුවන්ද කියලා බලන්න…
දැන්, අපි හිතමුකෝ මම සාදයක් පවත්වනවා, අනාගතයේ සිට එන කාළ තීර්ථ යාත්‍රිකයන්ව පිළිගන්න…නමුත්, පොඩි දෙයක් තියෙනවා…මම මේ මොහොතේ ඉන්න කිසිම කෙනෙකුට මේ ගැන කියන්නේ නෑ, සාදය අවසන් වන තුරුම…!!( වර්ථමානයේ ඉන්න කිසි කෙනෙකුට ඇරයුම් කරන්නේ නෑ…සාධ වේලාව අවසන් වන තුරුම මේ ගැන කියන්නෙත් නෑ කාටවත්ම..) .. මම හැදුවා ආරාධනා පත්‍රයක්, කාළයේ සහ ස්ථානයේ ප්‍රශස්ථ ඛණ්ඩාංක භාවිතා කරලා…( අනාගතයෙන් එන්න ඉන්න කාළ යාත්‍රිකයෙකුට සාදය පැවැත්වෙන තැන සහ නියම අතීත වෙලාව සොයා ගන්න…)
මම ප්‍රාර්ථනා කරමින් ඉන්නේ, ඒ ආරාධනා පත්‍රයේ පිටපත්, මොන විදියකින් හෝ වසර දහස් ගණනක් සුරැකිව තිබේවි කියලා…අනාගතයේ යම් කිසි දවසක ජීවත් වෙන කෙනෙක් ඒ මගේ ආරාධනාව ගැන තොරතුරු සොයාගෙන, “පණුගුල් කාළ යන්ත්‍රයක්” ( Worm Hole Time Machine ) හරහා, මගේ සාදයට පැමිණිලා, ඔප්පු කරයි අනාගතයේ හෝ කාළ තරණය “කළ හැකි දෙයක්” බව….( මහාචාර්ය හෝකින්ග් තම සිසු, සිසුවියන්ට මෙය කීවා පමණක් නොව, ඒ සඳහා සාද මේසයක් ද සූදානම් කර තැබුවේය…)
ඔය අතරේ, මගේ කාළ යාත්‍රික ආරාධිත අමුත්තන් දැන් ඕනෑම මොහොතක මෙතනට සැපත් වේවි…
( සාදය ඇරඹීමට නියමිත වේලාවට තව ඇත්තේ තප්පර පහකි…මහාචාර්ය හෝකින්ග් අවරෝහණ ගණනය කරයි…) පහයි…හතරයි…තුනයි…දෙකයි…එකයි….”ටිං” ( ඔරලෝසුවේ කටුව සාදය ඇරඹෙන මොහොත වැදී, එය පසු කර යයි…)
කවුරුත් ආවේ නෑනේ…හරිම සවුත්තුව…අපරාදේ මේ සූදානම් කරපු කෑම…මම නම් ප්‍රාර්ථනා කරේ අනාගතයේ ඉඳලා ලෝක රූ රැජිණක් අර දොරෙන් දැන්, දැන් මතු වේවි කියලා…කෝ..? කවුරුත් නෑනේ….
ඉතින් ඇයි මේ පරීක්ෂණය වැඩ කළේ නැත්තෙ..?..එක හේතුවක් වෙන්න ඇත්තේ, අතීතයට කාළ තරණය කිරීමේදී මතු වෙන, ඉතාම ප්‍රකට ප්‍රශ්ණයක්….අපි මේ ගැටළුවට කියනවා “ද්වෛධයන් ( Paradoxes) / විරෝධාභාස ගැටළුව” කියලා…( The Problem of “Paradoxes” )..
මේ පැරඩොක්සස් ගැන කථා කිරීම විනෝද ජනකයි…මේවායින් හුඟක්ම ජනප්‍රිය පැරඩොක්සයට කිව්වේ “ග්‍රෑන්ඩ් ෆාදර් පැරඩොක්සය” ( Grandfather Paradox) කියලා..මගේ ළඟ නම් දැන් තියෙනවා ඉතාම සරල පැරඩොක්ස කල්පිතයක්…මම ඒකට කියන්නේ ” උමතු විද්‍යාඥ ද්වෛධය” කියලා…( The Mad Scientist Paradox )
( ග්‍රෑන්ඩ්ෆාදර් පැරඩොක්සය මෙබඳුය…කාළය හරහා යන්නෙකු තම සීයා මරා දමයි…එවිට කාළත්‍රයේ “නිමරු” ( Rifts in Time ) හෙවත් විභේදිත පැලුම් ඇතිවේ…එයින් වෙනම කාළ ගැලීමක් සිදුවේ…ඉහත රූපයේ එම ක්‍රියාව දෙස සැළකිල්ලෙන් බලන්න…)
චිත්‍රපටි හරහා විද්‍යාඥයන්ට පිස්සන් ලෙස ඇමතීමට නම් මම කොහෙත්ම කැමති නෑ, නමුත්, මේ කියන්නට යන කථාවෙදි නම් ඒක ඇත්තක්…මේ කියන කථාවේ ඉන්න හාදයා දැඩි අධිෂ්ඨානයකින් ඉන්නේ ද්වෛධයක් / පැරඩොක්සයක් නිර්මාණය කරන්න…ඔහුගේ ජීවිතයෙන් පවා එයට වන්දි ගෙවන්න සූදානම් ඔහු…අපි උපකල්පනය කරමු, ඒ මනුස්සයා කොහොම හරි “පණු ගුලක්” විදාරණය කොට, “එක මිනිත්තුවක්” අතීතයට යන්න පුළුවන් කාළ උමඟක් සැදුවා කියලා…( කාළ නාලයක්…) දැන් මේ පණු ගුල අස්සෙන් මෙයාට පේනවා, මෙයාම එක මිනිත්තුවකට පෙර සිටිය හැටි…ඒත් මෙයා පණුගුල අස්සෙන් මෙයාගේම මිනිත්තුවකට කළින් ස්වරූපයට වෙඩි තැබුවොත් මොකද වෙන්නේ..? ( මැරෙන්නම වෙඩි තැබුවොත් )… එහෙම නම් ( මිනිත්තුවකට පෙර ඔහු, හෙවත් t -1 හි සිටි මිනිසා මිය ගියා යැයි සිතමු…) ඔහු මේ මොහොතේ ( හෙවත් වත්මන් මොහොතේ t=0 ) මැරුණු මිනිසෙකි…එහෙම නම් වෙඩිල්ල තැබුවේ කවුද? .. ( සරලව පැහැදිලි කිරීම : මිනිත්තුවකට පෙර සිටි මිනිසා, මේ වත්මනේ සිටින මිනිසා පණුගුල හරහා තැබූ වෙඩිල්ල වැදී මිය ගියා නම්, වත්මනේ ඉන්නේ මීට මිනිත්තුවකට පෙර මැරුණු මිනිහෙකි…එතකොට වෙඩිල්ල තැබුවේ කවුද?..Simplification by D.K…)..හුඟක් භෞතික විද්‍යාඥයන්ට රාත්‍රියේ බියකරු සිහින ජනිත කරවන දෙයකි, මේ ගැටළුව…
( මිනිසාට, පණුකුහරය හරහා මිනිත්තුවකට පෙර පිස්තෝලය සකසමින් සිටි තමාවම දර්ශණය වන ආකාරය…)
නමුත්, විශ්වයේ මූලික නියමයන්ට අනුව මෙවැනි දේවල් සිදු නොවේ…”හේතු” නිසා “ඵල” හට ගන්නවා විනා, කිසිම අයුරකින් එහි අනික් පස, හෙවත් ඵලය නිසා හේතු වෙනස් වීමේ පැරඩොක්සය හට ගැන්ම සිදු නොවේ….
මම නම් හිතන්නේ කිසිම දේකට, ස්වයංක්‍රීයව “නොවිය හැක්කක්” බවට පත් වෙන්න බෑ කියලයි…එහෙම උනා නම් මේ විශ්වය මහා අවුලකට ඇද වැටෙන එක නවත්වන්න කාටවත් බැරි වෙයි…ඒ නිසා, මම හිතනවා හැම වෙලාවෙම පැරඩොක්සය නවත්වන්න, පැරඩොක්සයක් සිදුවීම වළක්වන්න යමක් සිද්ද වෙයි කියලා…ඒ අනුව අපේ පිස්සු විද්‍යාඥයට, තමන්ගේ මිනිත්තුවකට පෙර සිටි අතීත ස්වරූපයට වෙඩි තබන්න ඇති හැකියාව වළකන්න මොනවා හෝ දෙයක් සිද්ද වෙයි…ඔහුට කිසිදාක හැකි වෙන එකක් නෑ ඒ පණු කුහරය තුළින් තමාටම වෙඩි තියා ගන්න…මේ සිද්ධියේදි නම්, මට කණගාටුයි කියන්න, පණු කුහරයම තමා ගැටළුව වෙන්නේ….
අවසානයේදී මට හිතෙනවා, මේ වගේ පණු කුහරයක් සාදා ගන්න එක කරන්න පුලුවන් දෙයක් නෙමේ කියලා…ඒකට හේතුව තමයි “ප්‍රතිපෝෂණය” ( “Feedback”)…ඔබ ගිහින් තිබෙනවාද “රොක්” සංගීත සංදර්ශණයක් බලන්න… ( ” මම නම් ගිහින් තියෙනවා…ඒ වගේම ඉතාම කර්ණ කටුක ලෙස එතුමා මේ කියන දේ අත් දැකලා තියෙනවා…” – D.K )…
ඔබ රොක් සංදර්ශණයක් කවදා හෝ නරඹා තියෙනවා නම්, අර කන් හිරි වැටෙන ශබ්දය ඔබට හඳුනා ගන්න පුළුවන් ඇති….ඒක තමයි “ප්‍රතිපෝෂණය”…මේක ඇතිවෙන හේතු ඉතාම සරලයි…ගායකයන් සහ රොක් වාදකයන් කරන ශබ්දය මයික්‍රෆෝනය ඇතුළට යනවා…එය වයර දිගේ සම්ප්‍රේෂණය වී, ශබ්ද විකාශන යන්ත්‍රයෙහි ශබ්ද වර්ධක මඟින් වඩා වර්ධනය වී, ස්පීකර් ඔස්සේ එළියට එනවා…
( Feedback හට ගැන්ම…)
ඒ එළියට එන නාදය නැවත මයික්‍රෆෝනයටම යනවා…නමුත්, ඕනෑවට වඩා විශාල ශබ්දයක් ස්පීකර හරහා පැමිණ, එය මයික්‍රෆෝනයට නැවත ගියහොත්, එය නැවත, නැවතත් රවුමට, රවුමට යමින් “පුඩු ලෑමක්” සිදු කරමින්, ඒ සිදු කරන සෑම මොහොතකම තව, තවත් අධික ලෙස ශබ්දය වැඩි කරනවා..කවුරු හරි ඒක නතර නොකළොත්, “ප්‍රතිපෝෂණය” මඟින් ශබ්ද විකාශන පද්ධතිය විනාශ කරාවි….
පණු කුහරයටත් වෙන්නේ මේකම තමයි, හැබැයි වෙනසකට තියෙන්නේ ශබ්දය වෙනුවට “විකිරණ” මඟින් එය සිදුවීම….පණු කුහරය විදාරණය වුනු ගමන්ම, ස්වභාවික විකිරණයන් එයට ඇතුළු වී, නවතින්නේ “ලූප සෑදීමෙන්” ( Formation of Radiation Loops )…එහි ප්‍රතිපෝෂණය මඟින් පණු කුහරය විනාශ වී යන්න පුළුවන්…ඒ නිසා, පණු කුහර කියන ඒවා ස්වභාවයේ පැවතුනත්, අපිට කවදාවත් එකක් විශාල කර ගන්න ලැබෙන එකක් නෑ, මොකද කිව්වොත්, ඒක පවතින එකක් නෑ කාළ තරණ යන්ත්‍රයක් ලෙස භාවිතාවට ගන්නා තුරු… සමහර විට, ඒක වෙන්නත් ඇති ඇත්ත හේතුව, කිසිම කෙනෙක් මගේ සාදයට නොපැමිණි… ( සාදය ගැන විස්තර දැන ගන්න, මෙහි පළමු ලිපිය කියවන්න… :) )
මොන යම් ආකාරයක හෝ කාළ තරණයක්, අතීත කාළයට සිදු කරන එක, පණු කුහර හෝ වෙනත් යම්කිසි ආකාරයකින් හෝ කිසි සේත්ම සිදු කළ නොහැකියි, පැරඩොක්සයන් ඇති නොවී…ඒ නිසා, කණගාටුවෙන් වුවත් කිව යුත්තේ, “අතීතයට යෑම” කවදාවත් සිදු නොවනු ඇති බවයි…මේක ඇහීමෙන් “ඩයිනෝසරයන් සොයන්නෝ” ඉච්ඡා භංගත්වයටත්, ඉතිහාසඥයන් ඉමහත් සැනසීමටත් පත් වෙනවා ඇති…සත්‍යය නම් අපිට අතීතයට යන්නට කවදාවත් හැකි නොවන බවයි…
නමුත්, මේ කථාව මෙතනින් ඉවර නෑ…මේ සංසිද්ධිය මෙලෙස පැවතීම නිසා, “සියළුම” ආකාරයේ කාළ තරණයන් අශක්‍ය දේ වන්නේ නෑ…ඒ නිසා, දැන් කණගාටුවට පත් වෙලා ඔබා ගත්තු ඔළු ගෙඩි නැවත උස්සා බලන්න…මමත් කාළ තරණය ගැන විශ්වාස කරනවා…නමුත් “අනාගත” කාළ තරණය ගැන… ( අනාගතයට කාළය හරහා යෑම…).. කාළය නදියක් සේ ඉදිරියට ගලාගෙන යන අතරේ, අපි හැම කෙනෙක්ම, වෙහෙසකර නොවන ලෙස ඉදිරියට ඇදගෙන යනවා එහි කාළ දියවැල්…මේ නදිය, වෙනස් තැන් වලදි, වෙනස් වේගයන්ගෙන් ගලන එකම තමයි අනාගතයට කාළ තරණය කිරීමේ යතුර වන්නෙත්….( කාළය වුවද නියත වේගයක් රඳවා නොගනී…ගුරුත්වාකර්ෂණය, සාපේක්ෂතාවය සහ කාළය පිළිබඳව ඇල්බට් අයින්ස්ටයින් විසින් කරන ලද ගණනයන්ට මහාචාර්ය ස්ටීවන් හොව්කින්ග් විසින් යොදන ලද අරුත් සහිත ග්‍රන්ථයක් මා සතුව ඇත…මින් ඉදිරියට එයින්ද කරුණු ගෙන දැක්වීමට බලාපොරොත්තු වෙමි….)..මේ අදහස මුලින්ම යෝජනා කළේ ඇල්බට් අයින්ස්ටයින් මීට වසර 100 කට පමණ පෙර. ඔහුට වැටහුණා, කාළය ගලා යන වේගය අඩුවන සමහර ස්ථාන තිබෙන බවත්, තවත් සමහර තැන්වලදි එහි වේගය වැඩි වන බවත්…ඔහු හරියටම හරි…ඒ සඳහා සාක්ෂි අපේ ඔළු ගෙඩි වලට උඩින් ඇති විශ්වයේම තියෙනවා….
මේ තියෙන්නේ “ග්ලොබල් පොසිෂනින් සිස්ටම්” ( Global Positioning System ) …කෙටියෙන් කියනවා “ජීපීඑස්” කියලා…( ඉහත රූපය බලන්න…).. පෘතුවිය වටා කක්ෂ ගතව ඇති චන්ද්‍රිකා 31 කින් සමන්විත චන්ද්‍රිකා ජාලයක්….ජාලයේ විශාලත්වයෙන් මෙය තෙවැනි වන්නේ, ඇමරිකානු “නොරාඩ්” අභ්‍යවකාශ ආඥාපති ජාලයට සහ රුසියානු හමුදා චන්ද්‍රිකා ජාලයට පමණයි….මේ චන්ද්‍රිකා මඟින්, “චන්ද්‍රිකා මඟ පෙන්වීම” කළ හැකිව තිබෙනවා…නමුත්, මේවායින් හෙළිකරනවා අභ්‍යාවකාශයේදී කාළය, පෘතුවියේදීට වඩා වේගයෙන් දුවන බව…සෑම චන්ද්‍රිකාවකම තිබෙනවා ඉතාම නිරවද්‍ය ඔරලෝසුවක්…එය ඉතාම යථාතථ්‍යයි…නමුත් මොන තරම් නිරවද්‍ය උනත්, සෑම දිනයකදීම මේ ඔරලෝසු තප්පරයකින් බිලියනයෙන් තුනක තරම් සුළු ප්‍රමාණයකින් කාළය වැඩියෙන් ලබා ගන්නවා…( ඒ තරම් ප්‍රමාණයකින් කාළයෙන්, පෘතුවි කාළයට වඩා ඉදිරියට යනවා….)..මේ කාළ ප්ලවනයට අදාළ පරිදි මෙකී ඔරලෝසු සිස්ටමයන් නිරතුරුවම නිවැරදි කිරීම් සිදු කර ගත යුතුයි, එසේ නොමැති නම් ඉතාම සුළු කාළ විපර්යාසයකින් වුවත් සමස්ථ පද්ධතියම වියවුලට පත්වී, මහ පොළවේ සෑම ජීපීඑස් පද්ධතියක්ම නිවැරදි ගමන් මාර්ගයෙන් අවම වශයෙන් කිලෝමීටර 6 ක වත් ව්‍යපගමනයක් සිදු වෙන නිසා…!…
සෑම ජීපීඑස් පද්ධතියක්ම නිවැරදි ගමන් මාර්ගයෙන් කිලෝමීටර් 6 ක් ව්‍යපගමනය වුවහොත් සිදුවන විනාශය ඔබට සිතා ගන්න පුළුවන් නේ…?
මෙතැන ප්‍රශ්ණය තියෙන්නේ මේ චන්ද්‍රිකා තුළ සවි කොට ඇති ඔරලෝසුවල නම් නෙමෙයි..සමහර අය කුස්සියේ හෝ මැද සාලයේ බිත්ති ඔරලෝසුව ගමන් කරන වේගය අඩු වෙන කොට නම් කියන්නේ “ඕකෙ වයින් බැහැලා…නැත්නම් බැටරිය බැහැලා” කියලා…මේ අභ්‍යවකාශ ඔරලෝසු සම්බන්ධයෙන් නම් කියන්න තියෙන්නේ ඒක නෙමෙයි…ඒවා වේගයෙන් දුවන්නේ, කාළය අභ්‍යාවකාශයේදී, මහ පොළව මතදීට වඩා වේගයෙන් දුවන නිසයි…මෙයට හේතුව තමයි පෘතුවියේ “ස්කන්ධයෙහි” ඇති පුදුම සහගත බලපෑම…අයින්ස්ටයින් වටහා ගත්තා පදාර්ථය, කාළය මත බලපෑම් කොට එහි වේගය අඩාල කරන බවට…මෙන්න මේ විශ්මය ජනක යථාර්තය තමයි, අනාගතය කරා කාළ තරණය කිරීමට දොරටුව විවර කරන්නෙත්….
වස්තුවෙහි බර සහ ස්කන්ධය වැඩි වන තරමට, එයට අත්‍යාසන්නයෙහි කාළයෙහි වේගයත් බෙහෙවින්ම අඩාල වෙනවා…මම දන්නවා මේක ටිකක් තේරුම් ගන්න අමාරු මාතෘකාවක් කියලා…ඒක නිසා අපි ගමු ඉතාම සරල උදාහරණයක්…
මේ තමයි “ගීසා” ( ඊජිප්තුවේ ) හි යෝධ පිරමිඩය…මෙහි බර ටොන් මිලියන 40 ක්…සියළුම බර අධික දේවල වගේම මෙහිත් අත්‍යාසන්නයේදී කාළයේ වේගය අඩු වෙනවා….මෙමඟින් කාළයට කරන බලපෑම නම් පෘතුවිය කරන බලපෑමට වඩා බිලියන වාර ගණනකින් අවමයි…නමුත්, අපි ඒ සුළු බලපෑම හෝ ගුණාකාර කොට බැලුවොත් පෙනේවි, මේ අයින්ස්ටයින්ගේ මූල ධර්ම මොන තරම් හොඳින් මෙතන වැඩ කරනවාද කියන එක…ගඟක සෙමෙන් ගලන කොටසේ වගේ, මේ පිරමිඩය ආසන්නයේදී කාළය සහ බැඳුණු සියල්ලෙහිම වේගය අඩු වෙනවා….
මේ පිරමිඩය අසළම, එහි පාදම මත සිටින කෙනෙකු, අවට ලෝකය දෙස බැලුවොත්, ඒ අයට පෙනෙයි, අවට ලෝකයේ ( පිරමිඩයෙන් බැහැරව පිහිටි ) සිදුවීම් තරමක් කඩිනමින්, වේගයෙන් සිදුවන බව….එහෙම වෙන්නේ පිරමිඩයෙහි අධික ස්කන්ධය නිසා…පිරමිඩය අවට කාළය සෙසු ලෝකයේ කාළයටත් වඩා සෙමෙන් දුවන නිසා….මේ සරල උදාහරණය තමයි අපිට “අනාගතයට කාළ තරණය කිරීම” සඳහා දොරටු විවර කරන්නෙත්…
දැන් අපිට කාළය හරහා යන්න නම් පිරමිඩ වලට වඩා අතිශයින් දැවැන්ත යමක් අවශ්‍ය වනවා…ඔව්…මම නම් දන්නවා හරියටම මොකක්ද යොදා ගන්න පුළුවන් කියලා….
අපෙන් “ආලෝක වර්ෂ 26,000 ක් ඈත”, අපේ ක්ෂීරපථයේ හරි මැද තිබෙනවා මේ මන්දාකිණියේ “බරම” වස්තුව…! එය අති දැවැන්ත “කළු කුහරයක්” ( Super Massive Black Hole – SMBH )…එහි ස්කන්ධය, එහිම අධි ගුරුත්වාකර්ෂණයෙන් සංකේන්ද්‍රිකව තලා, එක තැනකට ගන්නා ලද සූර්යයන් 4,000,000 කගේ ස්කන්ධයට සමානයි…!! ( අපගේ තාරකාව වන සූර්යයාගේ ස්කන්ධය මෙන් 4,000,000 ගුණයක්…!! )
මේ කළු කුහරයට ඔබ ආසන්න වන තරමටම, එහි ගුරුත්වාකර්ෂණයේ ශක්තිය වැඩි වෙනවා…හුඟක්ම ලං වුනොත්, ආලෝකයට වත් ගැලවෙන්න ලැබෙන්නේ නෑ….මෙවැනි යෝධ කළු කුහර වලින් කාළයට සුවිශේෂී බලපෑමක් එල්ල වෙනවා…මන්දාකිණියේ වෙනත් කිසිවක් කාළය මේ අයුරින් වේගය අඩාල කරන්නේ නෑ….එය ස්වභාවික කාළ තරණ යන්ත්‍රයක්….
මෙය අන්ධකාරයෙන් වැසී ගත්, විෂ්කම්භය සැතපුම් මිලියන 50ක් ( කිලෝමීටර මිලියන 80 ක් ) වූ යෝධ අහස් ගෝලයකි…මම හරිම ආසයි හිතින් මවා ගන්න කවදා හරි දවසක් අභ්‍යාවකාශ යානයක් මේ යෝධ කළු කුහරයේ කාළ තරක හැකියාවෙන් ප්‍රයෝජනය ගෙන, එය කාළ තරණ යන්ත්‍රයක් කර ගැනීම….
නමුත්, එවැනි යානාවක් මුලින්ම කරන්න ඕන දේ තමයි, කළු කුහරයක ඇති අධි – ගුරුත්වාකර්ෂණ ග්‍රහණයට හසුවී ඒ දෙසට ඇදී යාමෙන් වැළකෙන එක…ඒ සඳහා අතිශයින්ම නිවැරදි “පරාවක්‍රයේ” ( Trajectory ) සහ වේගයේ යා යුතුයි…සුළු හෝ වරදක් සිදුවෙන්න බෑ…නමුත්, හරියට කර ගත්තොත්, යානාව කළු කුහරයේ කක්ෂයට ඇතුළු කර ගන්න පුළුවන්…පෘතුවියේ හෝ මෙවැනි යානාවක් සාදන කාළය වෙනවිට ඇති කරගෙන සිටින අභ්‍යාවකාශ කොළණියක හෝ සිටගෙන මෙම යානාව පාලනය කරන අයට පෙනෙයි, එම යානාවේ සෑම කක්ෂ පූර්ණයක් සඳහාම මිනිත්තු 16 ක් ගත වෙන බව…නමුත්, මේ යෝධ ගෝලයේ ස්කන්ධය නිසාවෙන් කාළයේ වේගය අඩාල වෙන බව පාලන මැදිරි වලට නිරීක්ෂණය කරන්න ලැබෙන්නේ නෑ…ඒක නිරීක්ෂණය කරන්න ලැබෙන්නේ යානය තුළ සිටින පිරිසටයි…මෙතනදී නම් බලපෑම, පිරමිඩ අසළ සිදුවුණු බලපෑම වගේ සුළු පටු එකක් නම් නෙමෙයි….කක්ෂ ගතව සිටින යානයේ ගගනගාමීන්ගේ කාළය ගතවන වේගය “හරියටම අඩකින්” අඩුවෙනු ඇති….!!
මහ පොළවේ හෝ වෙනත් කොහේ හෝ ඉන්නා පාලක මැදිරියක පිරිස් වලට මේ අය කක්ෂ පූර්ණය සඳහා විනාඩි 16 ක් ගත කරනවා වගේ පෙනුනත්, මේ ගගනගාමීන්ට දැනන්නේ විනාඩි 8 ක් පමණයි…ඔවුන්ට ගත වෙනවා අත් දකින්න ලැබෙන්නෙ විනාඩි 8 ක් පමණයි…කළු කුහරයෙන් ඈත සිටින අය අත් දකින කාළයෙන් හරි අඩක් අත් දකිමින් ඔවුන් ඒ යෝධ කළු කුහරය වටා රවුමට, රවුමට යනවා නොකඩවා….මේ යානය සහ එහි කාර්ය මණ්ඩලය මේ කරන්නේ “කාළය හරහා” ගමන් කිරීමක්…!!..අපි හිතමු ඔවුන්, ඔවුන්ගේ ජීවිත කාළ වලින් අවුරුදු පහක් නොකඩවා මේ කළු කුහරය වටා ගියා කියලා…මහ පොළවේ මේ අතර තුර අවුරුදු දහයක් ගතවී තිබේවි…!!..පෘතුවියේ ඔවුන්ගේ සම කාළීනයන් ඔවුන්ට වඩා අවුරුදු පහකින් වයස් ගත වී තියේවි…
මේ ක්‍රමය නම් අර පණු කුහර ක්‍රමයේ වගේ පැරඩොක්සයන් සාදන්නේ වත්, ප්‍රතිපෝෂණය මඟින් තමාවම විනාශ කර ගන්නෙත් නෑ…නමුත්, මේ ක්‍රමයත් ප්‍රායෝගික නෑ…කළු කුහර තියෙන්නේ අපෙන් බොහොම, බොහොමත්ම ඈත…අනෙක, ඒ අවට පවතින තත්වයන් නිසාත්, එබඳු ගමනකට අවශ්‍ය තාක්ෂණය අපෙන් බොහෝ දුර ඈත නිසාත්, ඒක ඉතාම භයානක දෙයක් වේවි….
අනෙක, කළු කුර තරණයෙන් අපිව එතරම් දුර ඈත අනාගතයකට ගෙනියන්නේ නෑ…එනිසා, එවැන්නක් සඳහා දරන පරිශ්‍රමය අපරාධයක්…නමුත්, වික්ෂෝපයට පත් වෙන්න හෝ මන්දෝත්සාහී වෙන්න එපා…තව විදිහක් තියෙනවා ඉතාම සෘජුව කාළ තරණය කරන්න පුළුවන්….
ඒ තමයි අපේ හොඳම සහ අවසාන අවස්ථාව වෙන්නේ කාළය හරහා ගමන් කිරීමට…
ඔබට කරන්න තියෙන්නෙ, ඉතාම වේගයෙන්, ඉතාම, ඉතාමත්ම වේගයෙන් ගමන් කිරීම විතරයි…කළු කුහරයකට ඇදී යාම වළක්වා ගැනීමට අවශ්‍ය වන වේගයටත් වඩා අධික වේගයකින් ඔබ යා යුතුයි…මේක මෙහෙම වෙන්නේ විශ්වයේ ඇති වෙනත් අපුරූ දෙයක් නිසයි…මේක තමයි අයින්ස්ටයින් එළි දැක්වූ අභ්‍යාවකාශ වේග සීමාව…තප්පරයකට සැතපුම් 186,000 ක් හෙවත්, “ආලෝකයේ වේගය…”
දැනට සොයාගෙන ඇති කිසිවකට එම වේගය අබිබවා යන්නට බැහැ…
( මෙම පරිවර්ථනය සකසන මොහොත වෙන විට, එම වේග සීමාව CERN හෙවත් European Organization for Nuclear Research ආයතනයේ විදුදරයන් විසින් බිඳ හෙලා ඇති බවට කතිකාවතක් ඇරඹී තිබේ…)…
ඒ තුන් වැනි කාළ තරණ ක්‍රමයත්, ස්විට්සර්ලන්තයේ CERN හි ඇති Particle Accelarator හා එහි ආශ්‍රිත නව සොයා ගැනීම් සම්බන්ධව ස්ටීවන් හොව්කින්ග් මහතා පළ කල අදහස්, මෙම පරිවර්තන මාලාවේ තුන්වැනි කොටසෙන් කියවමු….
හැකිතාක් වේගයෙන් ගමන් කිරීමෙන් තමයි ඔබට කාළය හරහා යා හැක්කේ…කෙටියෙන් කියතොත්, යෝධ කළු කුහරයක ආකර්ෂණයට හසු නොවී සිටින්නට යා යුතු වේගයටත් වඩා බෙහෙවින්ම වැඩි වේගයකින් යන්න සිදු වෙනවා…මේකට හේතුව වන්නෙත් විශ්වය සම්බන්ධ තවත් අමුතු කාරණයක්..විශ්වයේ වේගය සඳහා උපරිමයක් තිබෙනවා…විශ්වාස කළත් නොකළත්, මේ ආලෝකයේ වේගයට ආසන්නයෙන් ගියත්, ඔබව අනාගතය වෙත ප්‍රවාහනය කරනු ලබනවා…එය විද්‍යාවේ දැනට ඉතාම හොඳින් මුල් බැසගෙන ඇති සිද්ධාන්තයක්…
මේක පැහැදිලි කිරීම සඳහා අපි විද්‍යා ප්‍රබන්ධාත්මක ප්‍රවාහන ක්‍රමයක් ගැන සිහිනයක් මවමු…
පෘතුවිය වටා යන දුම්‍රිය මාර්ගයක් සිතේ මවා ගන්න…සුපිරි වේගවත් දුම්‍රියක් සඳහා මාර්ගයක් කියල හිතමු…
අපිට පුලුවන් වේවි, මේ මනසේ මවා ගත් දුම්‍රිය යොදාගෙන ආලෝකයේ වේගයට ලං විය හැකි උපරිම වශයෙන් ලං වෙන්නත්, එය කාළ තරණ යන්ත්‍රයක් වන්නේ කෙසේද යන්න එමඟින් පැහැදිලි කරන්නත්…මෙම දුම්‍රියේ සිටින්නේ අනාගතයට “වන්වේ ටිකැට්ටුවක්” ( මක් නිසාද යත්, අතීතයට කාළ තරණය කළ නොහැකි නිසා, අනාගතයට යන මගීන්ට යළිත් පැමිණිය නොහැකි බැවින් ඔවුන් යන්නේ එක් පසෙකටම පමණකි…)
දුම්‍රිය ක්‍රම ක්‍රමයෙන් වේගය වැඩි කර ගනියි…මඳ වේලාවකින් එය අධික වේගයෙන් පෘතුවිය වටා රවුම් යන්නට පටන් ගනී…
ආලෝකයේ වේගයට පැමිණීම කියන්නේ පෘතුවිය වටා යාම ඉතාම ක්ෂණිකව…සරලව කිව්වොත්, තප්පරයකට පෘතුවිය වටා 7 වටයක් යා යුතුයි..!!..
නමුත්, මේ දුම්‍රියට මොන තරම් බලයක් තිබුණත්, එයට කිසිසේත්ම බෑ නියත වශයෙන්ම ආලෝකයේ ප්‍රවේගයට සමපාත වෙන්න…භෞතික විද්‍යාවේ නීති සහ මූල ධර්ම එසේ වන්නට ඉඩ හැර නැහැ…එහෙම නැතුව අපි හිතමු ඒක ආසන්නයටම ආවා කියලා…ඒ පරම ප්‍රවේගයට ටිකක් අඩු තැනකට ආවා කියල හිතමුකෝ…ඔන්න එතකොට මහා පුදුමාකාර දෙයක් සිද්ද වෙන්න පටන් ගන්නවා….
දුම්‍රිය ඇතුලේ “කාළය” සෙමෙන් ගත වෙන්න පටන් ගන්නවා…කාළය ගත වෙන වේගය අඩාල වෙනවා…බාහිර ලෝකයට සාපේක්ෂව එය ඉතාම අඩු කාළය ගත වීමේ වේගයක් බවට පත් වෙනවා… හරියටම කිව්වොත්, කළු කුහරයකට ආසන්නයේ වගේමයි…එයටත් වඩා වැඩිපුර මේ සංසිද්ධිය සිදුවීමයි වැදගත්ම දෙය වෙන්නේ…( මෙම ලිපි මාලාවේ දෙවනි කොටස කියවන්න…කළු කුහරයක් වටා සරණයෙන් කාළය හරහා යා හැකි මුත්, එසේ තරණය කළ හැක්කේ කොතරම් කුඩා කාළ පරාසයක්ද යන්න එමඟින් පැහැදිලි කොට ඇත…)
මෙහෙම වෙන්නේ අවකාශ කාළය තුල උපරිම ප්‍රවේගය ආරක්ෂා කර ගැනීමටයි… එහෙම වන්නේ ඇයි කියන එක උදාහරණ මඟින් වටහා ගන්න හරිම පහසුයි…ඔන්න අපි හිතාගමු, මේ ආලෝකයේ වේගයට ඉතාම ආසන්නයේ චලනය වන දුම්‍රිය ඇතුළේ කුඩා දැරියක් ඉදිරියට දුවගෙන එනවා කියලා….දැන් දැරිය ඉන්නේ ඒ කෝච්චිය ඇතුළේ නිසා, ඇයට බැරිද ආලෝකයේ වේගය අබිබවා යන්න…බෑ..ඇයට ඒක කරන්න ලැබෙන්නේ නෑ….
( මේ දැරියට ආලෝකයේ වේගය අබිබැවිය හැකිද?…)
ඇයගේ පෙරට යන ප්‍රවේගය, දුම්‍රියේ ප්‍රවේගයට එකතු වෙනවා තමයි…නමුත් ඇයව යමක් මඟින් මන්දගාමී කරනු ලබනවා…ඒ කුමක්ද?….කාළය යාන්තම් ඒ උපරිම ප්‍රවේගය හෙවත් ආලෝකයේ ප්‍රවේගය ආරක්ෂා කර ගැනීම සඳහා මන්දගාමී වෙනවා….අන්න ඒකෙන් තමයි, අනාගතය බලා කාළ තරණය කළ හැකි අවස්ථාවක් ලැබෙන්නේ….පුංචි දුවට ආලෝකයේ වේගය අබිබවා යන්න බැරි වුණත්, අනාගතයට යන්න ලැබෙනවා….
අපි හිතමුකෝ දුම්‍රිය පිටත් වුණේ 2050 වසරේ ජනවාරි 1 වැනිදාය කියලා…මේ දුම්‍රිය පෘතුවිය වටේ වසර 100 කරකැවී වර්ෂ 2150 ජනවාරි මස 1 වැනිදා යළි දුම්‍රිය පොලට එනවා…නමුත්, මේක ඇතුලේ හිටපු මගීන් නම් ජීවත් වෙලා තියෙන්නේ ඔවුන්ගේ ජීව කාළයෙන් එක සතියක් පමණයි…( පරිවර්තක: මෙයට අදාළ ගණිතමය සමීකරණ විසඳීමක් ඇතත්, පරිඝණකයේ සංඥා හිඟ නිසා, එය මෙහි හුවා දක්වන අයුරු මට නොවැටහේ…)
නමුත් අපට තියෙනවා එක බලාපොරොත්තුවක් ස්විට්සර්ලන්තයේ ජීනිවා ආශ්‍රිත “සර්න්” නම් ස්ථානයෙහි ඇති, ලෝකයේ විශාලතම අංශු ත්වරකය ලෙස…. ( Particle Acclerator At CERN of Switzerland )
පොළවට ඉතා ගැඹුරු ලෙස පහළින්, සැතපුම් 16 ක් දිගු වෘත්තාකාර නළයක, ඉතාම කුඩා අංශු ට්‍රිලියන ගණනකින් යුතු දහරාවක් තිබෙනවා….බලය ලැබුණාම මේ අංශු බිංදුවේ සිට පැයට සැතපුම් 60,000 ක වේගයක් ගන්නේ තප්පරයකිනුත් ඉතාම සුළු කොටසකදී…බලය තව, තව දෙන කොට, අංශු තවත් වේගයෙන් චලනය වෙනවා…එහෙම වැඩි වෙලා, තප්පරයකට 11,000 වාරයක් ඒ අංශු නළ වෘත්තාකාර මාවත තුළ සම්පූර්ණ චලිතයන් සිදු කරනවා…ඒකත් ආලෝකයේ වේගයට ආසන්න වීමක්…නමුත්, ඒ අංශුත් කවදාවත් ආලෝකයේ වේගයට සමපාත වන්නේ නෑ…..
( පරිවර්තක : මහාචාර්ය හොව්කින් මේ මතය පළ කරන වකවානුවේදී, අද ඉතාම ආන්දෝලනාත්මක දෙයක් බවට පත්ව තිබෙන, සර්න්හි “ආලෝකයේ වේගය” අබිබවන අංශු චලිතය සිදුවී තිබුනේ නැත…හේඩ්‍රන් කලයිඩරය සහ ඒ අංශු චලිතය ගැන පරිවර්තක විසින් සකසන වෙනම ලිපියක් බලාපොරොත්තු වන්න…)
මේ අංශු වලට ලං විය හැක්කේ ආලෝකයේ වේගයෙන් 99.99 % කට පමණි…එතනට ආ විට, ඒවාත් අර ඉහත කී පරිදිම කාළයේ වේගය අඩාල වීම නිසා, කාළය හරහා ගමන් කිරීම අරඹයි….අපි මේ බව දන්නේ, ඒ අංශු අතර ඉතාම කෙටි කාළයක් පවතින “පයි-මෙසන්ස්” ( Pi-Mesons ) නම් අංශු විශේෂය නිසාය…මූලිකව නම් මේවා තප්පරයෙන් බිලියන 25 න් එකක් තරම් කුඩා වේලාවකදී කොටස් වලට වෙන්වී යති…නමුත් ඒ ආලෝකයේ වේගය ආසන්නයේදී නම් මේ අංශු බිඳී විසිරී යෑමට එමෙන් තිස් ගුණයක කාළයක් ගත වේ….මේ අනුව අපට අවබෝධයෙන්ම කාළය, ආලෝකයේ වේග සීමාව ආසන්නයේදී අඩාල වන බව පැවසිය හැක…
මේක ඉතින් හරිම සරළයි…අනාගතයට යෑමට නම් අපි ඉතාම වේගයෙන් යා යුතුය….හුගක්ම වේගයෙන් යා යුතුය…මහ පොළවේ නම් මෙවැනි වික්‍රමයක් පාන්න සුදුසු පරිසයක් සැකසෙන එකක් නෑ…ඒකට අධික වියදම් වගේම, උතුරු කොරියාව සහ තලෙයිබාන් සංවිධානය එක්කත් සාකච්ඡා කරලා දුම්‍රිය පාර දමන්න අවසර ගන්න වෙයි…ඒක නිසා, කරන්න තියෙන පහසුම දෙය තමයි, විශ්වයට යෑම…විශ්වය හා අවකාශය හරහා ආලෝකයේ වේගයට ආසන්න ප්‍රවේගයකින් චලනය වීම….
මිනිස් ඉතිහාසයේ වේගයෙන්ම චලනය කරවූ වාහනය තමයි ඇපලෝ 10 කියන්නේ…එහි ප්‍රවේගය පැයට සැතපුම් 25,000 ක් පමණ වුනා….නමුත් කාළය හරහා යන්න නම්, අපට දළ වශයෙන් එමෙන් 2000 ගුණයක වේගයෙන් චලනය වෙන්න සිදුවේවි….ඒ සඳහා ඇත්ත වශයෙන්ම ඉතාම යෝධ යානයක් ඕන වෙනවා….ඒ යානයේ ආලෝකයේ වේගය ලබාගැනීමට අවශ්‍ය මහා ඉන්ධන සංචිතයක් රැගෙන යාමටත් අපට සිදුවේවි….යාන්තම් විශ්ව ප්‍රවේග සීමාවට අඩු තැනකට එන්නත් මහා ජවයක් සහිතව වසර හයක් වත් චලනයෙහි යෙදෙන්නට සිදුවේවි….
මූලික වශයෙන්ම යානයේ වේගය ඉතාම අඩු එකක් වෙයි…මොකද යානයේ ත්වරණය සිදුවන්නේ එහි ස්කන්ධයට අනුලෝමව සමානුපාතිකව නිසා…මේ යානය අති විශාල එකක්…ඒක නිසා එහි චලනය වේගයක් ලබා ගැනීමට ටික කළක් යාවි….එක සතියක් පමණ ගිය තැන එම යානය සෞර ග්‍රහ මණ්ඩලයේ සීමාවේ ඇති දුරස්ථම ග්‍රහ ලෝක වෙත ළඟා වී තිබෙනු ඇති….වසර දෙකක් ගියාම එහි වේගය ආලෝකයේ වේගයෙන් භාගයක් වෙනු ඇති අතර, එය අපේ සෞර ග්‍රහ මණ්ඩලය පසු කර බොහෝ දුරක් ගොස් තිබේවි….තවත් දෙවසරක් ඇවෑමෙන් එහි වේගය, ආලෝකයේ වේගයෙන් 90% ක් පමණ වේවි…මේ වනවිට එය විශ්වය ඉරාගෙන ඉදිරියට චලනය වේවි…යානය පොළවෙන් පිටත්වී වසර  4 ක් ගිය තැන, පෘතුවියෙන් දළ වශයෙන් සැතපුම් ට්‍රිලියන 30 ක් ඈතින්, එය කාළය හරහා යාම ආරම්භ කරනු ඇති….
මේ යානය තුල ගතවන සෑම පැයකටම පැය දෙකක් පෘතුවියේ ගතවනු ඇත…
තව වසර දෙකක් ගිය තැන මෙම යානයේ ප්‍රවේගයේ, ආලෝකයේ මෙන් 99% වනු ඇත…එවිට යානය තුළ එක දිනයක්, පෘතුවියේ සම්පූර්ණ වසරක් තරම් වනු ඇත…
කාළයේ වේගය, අවකාශයේ උපරිම වේග සීමාව රැක ගැනීම සඳහා මෙසේ අඩාල වීම අපට න්‍යායාත්මකව වාසි සහගතය…එමඟින් අපට යාන්තමින් හෝ කාළය හරහා යෑමට පැතුමක් ඉතිරි කර ගත හැක…මේ වගේ ගමනකින් වුනත් අපේ චක්‍රාවාටයේ කෙළවරට යාමට අවම වශයෙන් අවුරුදු 80 ක් වත් යාවි…අපේ චක්‍රාවාටය ඒ තරම්ම විශාලයි…මේක අපේ විශ්වයේ ඇති පුදුම සහගත ස්වභාවයයි…එහි එක, එක තැන්වල කාළය දුවන වේගය එක, එක විදිහය….ඒත් මේ අප අවට තිබෙන කාළයේ පණු කුහර ( මුල් ලිපිය බලන්න ) ප්‍රයෝජනයට ගෙන අපට යම් දිනෙක අවම වශයෙන් අනාගතයට හෝ මේ “සතර වැනි මානය” හරහා යන්නට හැකියාවක් ලැබෙතියි මම උද්යෝගයෙන් පසුවෙමි….මම ස්ටීවන් හොව්කින්, කේම්බ්‍රිජ් විශ්ව විද්‍යාලීය නිල නිවාසයක සිට….